Header Ads

ກຽມລົງມືກໍ່ສ້າງ ສະໂມສອນໃຫຍ່ແຂວງຫົວພັນ

ຕອນເຊົ້າວັນທີ່15ກໍລະກົດປີ2017ນີ້ ສອງແຂວງຫົວພັນ ສປປລາວ ແລະ ແຂວງບັກນິງແຫ່ງ ສສ ຫວຽດນາມ ໄດ້ຮ່ວມກັນຈັດພິທີວາງສີລະລຶກເປີດໂຄງການກໍ່ສ້າງສະໂມສອນໃຫຍ່ຂອງແຂວງຫົວພັນຢ່າງເປັນທາງການ.

ເຂົ້າຮ່ວມເປັນສັກຂີພິຍານໃນພິທີດັ່ງກ່າວມີທ່ານວັນໄຊ ແພງຊຸມມາກຳມະການສູນກາງພັກເລຂາພັກແຂວງເຈົ້າແຂວງຫົວພັນ,ບັນດາທ່ານໃນການນຳຂັ້ນແຂວງ,ຫົວໜ້າ-ຮອງຫົວໜ້າພະແນກການອົງການທຽບເທົ່າ,ພະນັກງານວິຊາການລາວ-ຫວຽດນາມ ເຂົ້າຮ່ວມ100ກ່ວາທ່ານ.

ໃນພິທີທ່ານຫງ້ວຽນຫີວກວັດ ຮອງເລຂາພັກແຂວງ-ຜູ້ປະຈຳການແຂວງບັກນິງແຫ່ງສສຫວຽດນາມ ແລະ ທ່ານນາງແພງ ກັນຍາພີມຮອງເລຂາພັກແຂວງ-ຮອງເຈົ້າແຂວງໆຫົວພັນ ໄດ້ພັດປ່ຽນກັນມີຄຳເຫັນເຖີງຄວາມໝາຍຄວາມສຳຄັນກ່ຽວກັບການພັດທະນາເສດຖະກິດສັງຄົມໃນອະນາຄົດ.

ໂຄງການດັ່ງກ່າວ ຈະສ້າງຢູ່ໃນດິນບ້ານທາດເມືອງຊຳເໜືອທີ່ສະໂມສອນຫຼັງເກົ່າ.ລັກສະນະໂຄງສ້າງຂອງອາຄານເປັນອາຄານແບບຖາວອນທັນສະໄໝ. ເບຕົງເສີມເຫຼັກ,ມຸງດ້ວຍຊີແຟັກໂມເນຍຊຶ່ງປະກອບມີຫ້ອງປະຊຸມໃຫຍ່ສາມາດບັນຈຸໄດ້ 500-600 ຄົນ,ມີຫ້ອງຮັບແຂກ,ຫ້ອງຄວບຄຸມສຽງ,ຫ້ອງສອບຖາມຫ້ອງຄວບຄຸມລະບົບໄອທີ,ຫ້ອງຄວບຄຸມໄຟຟ້າ,ຫ້ອງສາງເຄື່ອງ,ປະກອບມີລະບົບກັນແສງ,ລະບົບຕ້ານອັກຄີໄຟ,ລະບົບຫ້ອງນ້ຳ ແລະ ໂຕະຕັ່ງຄົບຊຸດ.
ໂດຍແມ່ນແຂວງບັກນິງແຫ່ງສສຫວຽດນາມເປັນຜູ້ຊ່ວຍເຫຼືອລ້າທຶນກໍ່ສ້າງ100% ແລະ ມອບໃຫ້ບໍລິສັດກໍ່ສ້າງລອງເວີນ ແລະ ບໍລິສັດກໍ່ສ້າງເຈືອງຊິງແຫ່ງສສຫວຽດນາມເປັນຜູ້ຮັບເໝົາກໍ່ສ້າງຄາດວ່າໂຄງການນີ້ຈະໃຫ້ກໍ່ສ້າງສຳເລັດພາຍໃນ24ເດືອນ.

ໃນພິທີການນຳຂອງແຂວງຫົວພັນ - ບັກນິງ ແລະ ຜູ້ຕາງໜ້າສອງບໍລິສັດຮັບເໝົາກໍ່ສ້າງໄດ້ຮ່ວມວາງສີລະລຶກກໍ່ສ້າງຢ່າງເປັນທາງການ.

ແຫຼ່ງຂ່າວຈາກ ແຂວງຫົວພັນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.