Header Ads

ນະວັດຕະກໍາ ແລະ ອະນາຄົດຂອງເຕັກໂນໂລຊີເພື່ອຜູ້ຊົມໃຊ້ ທີ່ Huawei ມຸ້ງໝັ້ນພັດທະນາ!


ຫົວເຫວີຍ ມີສ່ວນຊ່ວຍພັດທະນາສະມາດໂຟນໃຫ້ອັດສະລິຍະຢ່າງແທ້ຈິງ, ວິທີການຄື:

#ວິໄສທັດຂອງຫົວເຫວີຍສໍາລັບທິດທາງຂອງສະມາດໂຟນລຸ້ນຕໍ່ໄປ
ຫົວໃຈສໍາຄັນຂອງການປະຕິວັດເຕັກໂນໂລຊີເພື່ອຜູ້ຊົມໃຊ້ແມ່ນ “ໜຶ່ງອຸປະກອນທີ່ເຊື່ອມຕໍ່ໂລກເຂົ້າດ້ວຍກັນຢ່າງທີ່ບໍ່ເຄີຍມີມາກ່ອນ: ສະມາດໂຟນ”. ພາຍໃນທົດສະວັດທີ່ຜ່ານມາ ສະມາດໂຟນໄດ້ກາຍມາເປັນສິ່ງທີ່ຕ້ອງມີຕິດຕົວ ທີ່ສາມາດເຮັດໄດ້ທຸກຢ່າງ ຕັ້ງແຕ່ເຂົ້າເວັບໄຊ້ ແລະ ຖ່າຍຮູບ ໄປຈົນເຖິງ ຊໍາລະຄ່າໃຊ້ຈ່າຍຕ່າງໆ ແລະ ລວມທັງ ປົດລ໋ອກປະຕູ.

ອີງຕາມຂໍ້ມູນຈາກຫົວເຫວີຍ, ທິດທາງໃນການພັດທະນາສະມາດໂຟນ ບໍ່ແມ່ນພຽງແຕ່ສະຫຼາດຢ່າງດຽວ ແຕ່ຕ້ອງເຖິງຂັ້ນອັດສະລິຍະ. ບໍ່, ພວກເຮົາບໍ່ໄດ້ເວົ້າເຖິງຮູບເງົາຫຸ່ນຍົນຊົ່ວຮ້າຍທີ່ຍຸແຍ່ໃຫ້ພວກເຮົາຢ້ານ, ແຕ່ເປັນໂທລະສັບອັດສະລິຍະທີ່ຮູ້ສິ່ງທີ່ທ່ານຕ້ອງການ ກ່ອນທີ່ທ່ານຈະຕ້ອງການມັນ ກໍ່ວ່າໄດ້.
ກ່ອນທີ່ເຮົາຈະໄປເວົ້າເລື່ອງອະນາຄົດຫຼາຍເກີນໄປ, ກ່ອນໜ້ານັ້ນ ພວກເຮົາຕ້ອງກ່າວເຖິງຜົນງານທີ່ຜ່ານມາ ທີ່ພາພວກເຮົາມາເຖິງຈຸດນີ້.



#ເລີ່ມຈາກຈຸດທີ່ພວກເຮົາເປັນ:
ສະມາດໂຟນໄດ້ຮັບການພັດທະນາຢ່າງວ່ອງໄວໃນໄລຍະ 10 ປີທີ່ຜ່ານມາ ແລະ ຫົວເຫວີຍ ໄດ້ເຮັດວຽກຢ່າງໜັກເພື່ອຕອບໂຈດໃຫ້ແກ່ຕະຫຼາດ. ເຊິ່ງໄດ້ໃຊ້ເວລາຫຼາຍປິໃນການພັດທະນາສະມາດໂຟນເພື່ອຄວ້າຕໍາແໜ່ງທີ່ເປັນຢູ່ໃນປັດຈຸບັນມາຄື: “ໜຶ່ງໃນສາມອັນດັບສູງສຸດແບຣນສະມາດໂຟນລະດັບໂລກ”.
ບໍລິສັດບໍ່ໄດ້ຢຸດຢູ່ເທິງຄວາມສໍາເລັດດັ່ງກ່າວ, ແຕ່ຍັງສືບຕໍ່ຊູກຍູ້ກັບການພັດທະນາສະມາດໂຟນລຸ້ນໃໝ່ຕໍ່ໄປ ດ້ວຍການລົງທຶນໃນໂຄງການວິໄຈ ແລະພັດທະນາ ມູນຄ່າ 9.2 ພັນລ້ານໂດລາສະຫະລັດໃນປີກ່ອນ ເຊິ່ງໝາຍເຖິງການກ້າວໄປຂ້າງໜ້າແບບວ່ອງໄວແບບທີ່ບໍ່ເຄີຍມີມາກ່ອນ, ໃນອະນາຄົດອາດເຕັມໄປດ້ວຍຄໍາຖາມທີ່ຍັງຕອບບໍ່ໄດ້ ແຕ່ເປັນບາດກ້າວທີ່ຍິ່ງໃຫຍ່, ຂອບໃຈຫົວເຫວີຍ ກັບສິ່ງທີ່ກໍາລັງຈະມາເຖິງ ແລະ ມັນກໍ່ຕື່ນເຕັ້ນດີທີ່ຈະໄດ້ເຫັນມັນ.

#ໂທລະສັບອັດສະລິຍະ ເພື່ອໂລກອັດສະລິຍະ:
ມັນໄດ້ເລີ່ມຕົ້ນຂຶ້ນແລ້ວກັບ EMUI 5.1 ຂອງຫົວເຫວີຍ ເຊິ່ງເປັນ Soft ware ທີ່ເຮັດວຽກໃນລະບົບ Android ໃນໂທລະສັບມືຖືໃໝ່ຫຼ້າສຸດ ລວມທັງ Huawei P10 ທີ່ໃຊ້ປະໂຫຍດຈາກຄວາມກ້າວໜ້າໃນການຮຽນຮູ້ເຄື່ອງຈັກ ແລະ ປັນຍາປະດິດ.

ຜົນລັບກໍ່ຄື, ໂທລະສັບທີ່ສາມາດຄາດເດົາສິ່ງທີ່ທ່ານກໍາລັງຈະເຮັດ ແລະ ປັບປຸງຕົວເລືອກໃນການຕອບໂຕ້ຂອງທ່ານໃຫ້ເໝາະສົມ. ການວິເຄາະຮູບແບບພຶດຕິກໍາຂອງທ່ານ ໝາຍເຖິງອຸປະກອນສາມາດຄາດການ ການໃຊ້ງານ Apps ແລະ ຈັດການ RAM ໄດ້, ເຮັດໃຫ້ Apps ແລະ ບໍລິການທີ່ໃຊ້ເລື້ອຍໆ ເຮັດວຽກໄດ້ໄວຂຶ້ນ.




#ການຮ່ວມມືກັບຜູ້ນໍາເພື່ອໃຫ້ວິໄສທັດເປັນຈິງ
ນອກຈາກການຮ່ວມມືກັບຜູ້ຊ່ຽວຊານດ້ານກ້ອງຖ່າຍຮູບ Leica ເພື່ອຍົກລະດັບຄວາມສາມາດໃນການຖ່າຍຮູບຂອງໂທລະສັບໃນປັດຈຸບັນ ແລະ ອະນາຄົດ, ຫົວເຫວີຍຍັງຮ່ວມມືກັບບໍລິສັດຍັກໃຫຍ່ດ້ານເຕັກໂນໂລຊີການຈັດເກັບຂໍ້ມູນ ເຊັ່ນ: Amazon ແລະ Google ເພື່ອໃຫ້ໝັ້ນໃຈວ່າໂທລະສັບຂອງທ່ານຈະທັນສະໄໝທີ່ສຸດທີ່ຈະເປັນໄປໄດ້.

ເປັນປະສົບການໃໝ່ຂອງຜູ້ຊົມໃຊ້ມືຖືໃນມື້ນີ້ ເຊິ່ງລວມທັງ Huawei Mate 9 ທີ່ຊ່ວຍໃຫ້ທ່ານສາມາດສົນທະນາກັບໂທລະສັບຂອງທ່ານ ປານວ່າເປັນຜູ້ຕິດຕາມສ່ວນຕົວ, ທ່ານສາມາດຖາມໄດ້ທຸກຢ່າງ ຕັ້ງແຕ່ລາຍງານສະພາບອາກາດ ແລະ ຜົນການແຂ່ງຂັນກິລາ ໄປຈົນເຖິງ ການເອີ້ນ Taxi ຫຼື ສັ່ງ Pizza ກໍ່ໄດ້.

ແລະ ເປັນທີ່ຄາດຫວັງຢ່າງແຜ່ຫຼາຍ ວ່ານີ້ຈະເປັນ ໜຶ່ງໃນສອງ ປະຕູສູ່ອະນາຄົດຂອງການປະຕິສໍາພັນກັບສະມາດໂຟນ. ອີກຢ່າງໜຶ່ງຄື VR ທີ່ຫົວເຫວີຍໄດ້ຮ່ວມມືກັບ Google ເພື່ອສ້າງຊຸດອຸປະກອນ VR ຂອງຕົນເອງຂຶ້ນ ທີ່ຮອງຮັບຖານລະບົບ Daydream VR ໃໝ່.

ນີ້ບໍ່ພຽງແຕ່ຊ່ວຍໃຫ້ພາບລວມຂອງອຸດສາຫະກໍາດີຂຶ້ນເທົ່ານັ້ນ, ແຕ່ມັນຍັງຊ່ວຍໃຫ້ທ່ານໝັ້ນໃຈໄດ້ວ່າ ສະມາດໂຟນເຄື່ອງຕໍ່ໄປທີ່ທ່ານຊື້ ແລະ ຜະລິດຕະພັນທັງໝົດທີ່ຕາມມາ ຈະມອບຄວາມສຸກ, ຄວາມຕື່ນເຕັ້ນ ແລະ ປະສົບການທີ່ປ່ຽນວິທີໃຊ້ຊີວິດຂອງທ່ານ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.