Header Ads

ກອງປະຊຸມໃຫຍ່ຄັ້ງທີ່ IV ຂອງຜູ້ແທນຊາວໜຸ່ມໜ່ວຍກະສິກໍາ ແລະ ປ່າໄມ້ ເມືອງເງິນ ແຂວງ ໄຊຍະບູລີ


ກອງປະຊຸມໃຫຍ່ຄັ້ງທີ່ IV ຂອງຜູ້ແທນຊາວໜຸ່ມໜ່ວຍກະສິກໍາ ແລະ ປ່າໄມ້ ໄດ້ຈັດຂື້ນຢ່າງເປັນທາງການ. ໃນຕອນເຊົ້າຂອງວັນທີ່ 26 ກໍລະກົດ 2017 ນີ້ ຢູ່ທີ່ຫ້ອງປະຊຸມຫ້ອງການກະສິກຳ ແລະ ປ່າໄມ້ ເມືອງເງິນ ແຂວງ ໄຊຍະບູລີ ພາຍໃຕ້ການເປັນປະທານ ຂອງສະຫາຍ ຫົງລຳເຊ ພວງແກ້ວ ວ່າການເລຂາຊາວໜຸ່ມໜ່ວຍກະສິກຳ ແລະ ປ່າໄມ້, ເຂົ້າຮ່ວມເປັນກຽດ ມີ ສຫ ນາງ ບົວຄຳ ຈັນທະວິໄລ ສະມາຊິກສະພາປະຊາຊົນຂັ້ນແຂວງ ຄະນະບໍລິຫານງານສະຫະພັນແມ່ຍິງແຂວງ ປະທານສະຫະພັນແມ່ຍິງເມືອງ, ມີເລຂາໜ່ວຍພັກ, ຮອງເລຂາຊາວໜຸ່ມເມືອງ, ເລຂາຊາວໜຸ່ມໜ່ວຍອ້ອມຂ້າງ ແລະ ຜູ້ແທນຊາວໜຸ່ມເຂົ້າຮ່ວມ.



ສຫ ຫົງລຳເຊ ພວງແກ້ວ ວ່າການເລຂາຊາວໜຸ່ມໜ່ວຍກະສິກຳ ແລະ ປ່າໄມ້ ກໍ່ໃຫ້ກຽດຂື້ນຜ່ານບົດລາຍງານການເມືອງທັງ 2 ພາກ. ເພື່ອເປັນການສະຫຼຸບຕີລາຄາຜົນການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ່ 3 ຂອງ ຊາວໜຸ່ມໜ່ວຍກະສິກຳ ແລະ ປ່າໄມ້ ແຕ່ປີ 2013-2017. ໜ່ວຍຊາວໜຸ່ມກະສິກຳ ແລະ ປ່າໄມ້ ມີ ສະມາຊິກທັງໝົດ 15 ສຫ, ຍິງ 10 ສຫ. ໄລຍະ 5 ປີຜ່ານມາ ແມ່ນໄດ້ສຶກສາອົບຮົມການເມືອງແນວຄິດເປັນກົກ, ນຳເອົາແນວທາງ - ແຜນນະໂຍບາຍຂອງພັກ, ມະຕິ, ຄຳສັ່ງ, ຂໍ້ກຳນົດ-ກົດລະບຽບ, ກົດໝາຍ,ມາເຜີຍແຜ່ເຊື່ອມຊືມໃຫ້ສະມາຊິກ ຢ່າງກວ້າງຂວາງເລີກເຊິ່ງ ສະແດງອອກ ສະມາຊິກຊາວໜຸ່ມປະຊາຊົນປະຕິວັດລາວ ໄດ້ປະເພດແຂງ ທັງ 15 ສະຫາຍ, ປະຕິບັດຂໍ້ແຂ່ງຂັນ 4 ບຸກໄດ້ເປັນຢ່າງດີ

ທິດທາງ 5 ປີຕໍ່ໜ້າ  ຕ້ອງໄດ້ເພີມທະວີການສຶກສາອົບຮົມການເມືອງແນວຄິດ ຕິດແໜ້ນກັບ 2 ໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ. ສູ່ມໃສ່ສ້າງເສດຖະກິດ ຄອບຄົວໃຫ້ເຂັ້ມແຂງ, ສ້າງແນວຄິດໃຫ້ເປັນເຈົ້າຕົນເອງ ແນວຄິດປະຫຍັດມັດທະຍັດ ເພື່ອແກ້ໄຂຊີວິດການເປັນຢູ່ໃຫ້ດີຂື້້ນເປັນກ້າວໆ,

ກອງປະຊຸມ ຍັງໄດ້ປ່ອນບັດເລືອກຕັ້ງເອົາຄະນະໜ່ວຍຊຸດໃໝ່ເຊີ່ງມີຜູ້ສະໝັກ 5 ສຫ, ເລືອກເອົາ 3 ສຫ.
ໄດ້ແກ່

ສຫ ຫົງລຳເຊ ພວງແກ້ວ ເປັນເລຂາໜ່ວຍ
ສຫ ເບັນຈາວັນ ບຸນຊູ ເປັນຮອງເລຂາ
ສຫ ນາງ ບົວແຕນ ສີຫາລາດ ເປັນຄະນະ


ຂ່າວ-ພາບ ໂດຍ: ອິນແປງ ແຫວນຄໍາ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ




ກົດພາບອ່ານລາຍລະອຽດ

No comments

Powered by Blogger.