Header Ads

ພູມໃຈ ທີ່ຊາດລາວ ມີພາສາປະຈຳຊາດ ຂອງຕົນເອງ! ແລ້ວ ເລກລາວເດ ພວກເຮົາມາພ້ອມກັນນຳໃຊ້ຢ່າງກວ້າງຂວາງດີບໍ່?



ວັນພັກສະບາຍໆ ມື້ນີ້ ຮັກລາວ ໂທລະໂຄ່ງ ຢາກຍົກປະເດັນ ເລື່ອງພາສາ ມາໂອ້ລົມ ກັບທຸກທ່ານ. ສຳຄັນທີ່ສຸດ ຮັກລາວ ເອງແມ່ນຮູ້ສຶກ ພູມໃຈ ແລະ ເອກອ້າງທະນົງໃຈ ທີ່ ຊາດລາວ ກໍ່ເປັນຊາດໜື່ງທີ່ມີພາສາເປັນຂອງຕົນເອງ ນອກຈາກຕົວອັກສອນ ແລ້ວ ກໍ່ມີແບບຂຽນຕົວເລກ ທີ່ເປັນຂອງຕົນເອງ. ເຊິ່ງເຫັນວ່າ ເປັນຄວາມພາກພູມໃຈທີ່ສຸດ. ເຊື່ອວ່າຫຼາຍທ່ານທີ່ເປັນຄົນລາວ ບໍ່ວ່າຈະຢູ່ພາຍໃນ ຫຼື ຕ່າງປະເທດ ກໍ່ຄົງຈະມີຄວາມດີໃຈ ທີ່ໄດ້ເຫັນ ໄດ້ຂຽນ ໄດ້ອ່ານ ແລະ ໄດ້ເວົ້າພາສາລາວ.

ດັ່ງທີ່ຮູ້ກັນ ນອກຈາກຄົນລາວທີ່ເປັນເຈົ້າຂອງພາສາລາວ ທີ່ໄດ້ໃຊ້ ໃນຊີວິດປະຈຳວັນ, ວ່າງມໍ່ໆ ມານີ້ ໃນລະດັບສາກົນ ໂດຍສະເພາະ ທາງໂລກອິນເຕີເນັດ ,​ ຍັກໃຫຍ່ ທາງສື່ອ່ອນລາຍ Facebook ກໍ່ໄດ້ປະກາດ ຮັບຮອງ ເອົາພາສາລາວ ແລ້ວ, ເຊິ່ງ ປະຈຸບັນ ແມ່ນສາມາດ ໃຊ້ພາສາລາວ ໃນໂຄ່ງສ້າງ ເວບຂອງ Facebook ທາງຄອມພິວເຕີ,​ ສ່ວນທາງ ມືຖື ກໍ່ຄົງ ມີໃຫ້ໃຊ້ ໄວໆນີ້. ຄວາມພະຍາຍາມນີ້ ກໍ່ຕ້ອງຂອບໃຈບັນດາ ອາສາສະໝັກ ທີ່ຊ່ວຍກັນໄປແປ ແລະ ເພີ່ມ ພາສາລາວ ໃນ Facebook.

ທ່ານຮູ້ບໍ່ວ່າ ພາສາທີ່ ທາງ Facebook  ໄດ້ຮັບຮອງ ເອົາແລ້ວ ມີພາສາໃດແດ່? ເບິ່ງຂ້າງລຸ່ມເລີຍ.


ເພາະສະນັ້ນ, ເມື່ອສັງຄົມສາກົນ ຍັງເຫັນຄວາມສຳຄັນຂອງພາສາລາວຂອງພວກເຮົາແລ້ວ, ຮັກລາວ ກໍ່ຢາກ ປຸກລະດົມ ຄົນລາວທຸກຄົນ ໃຫ້ພາກັນ ຊົມໃຊ້ພາສາລາວ ຢ່າງພາກພູມໃຈ. 

ອີກປະເດັນທີ່ຢາກໃຫ້ ນຳມາພິຈາລະນາ ກໍ່ແມ່ນ ເລກລາວ ພວກເຮົາມີເລກ ລາວທີ່ ຖືໄດ້ວ່າ ເປັນສິ່ງທີ່ດີ ແລະ ຄວນນຳມາໃຊ້,​ ແຕ່ປະກົດວ່າ ສ່ວນໃຫຍ່ຈະ ເປັນ ເລກ ໂຣມັນ ຫຼາຍກວ່າ. ເພາະສະນັ້ນ, ຖ້າພວກເຮົາບໍ່ເລີ່ມ ນຳໃຊ້ ເລກລາວ ອາດຈະຈືດຈາງໄປ. 



ເພາະສະນັ້ນ, ຈິ່ງຢາກ ຮຽກຮ້ອງ ໃຫ້ກະຊວງສຶກສາທິການ ແລະ ກິລາ ໄດ້ພິຈາລະນາວ່າ ຄວນ ກຳນົດ ການໃຊ້ເລກ ລາວຢ່າງເປັນເອກະພາບ,  ບັນດາສື່ມວນຊົນ,​ ສິ່ງພິມຕ່າງໆ ຄວນຫັນມາໃຊ້ເລກລາວ. ນອກຈາກນີ້, ບັນດາເອກະສານສຳຄັນ ກໍ່ຄວນ ຈະນຳໃຊ້ເລກລາວ. ຖ້າເຮັດໄດ້ ກໍ່ຈະເປັນອີກຂີດໝາຍສຳຄັນ ທີ່ພວກເຮົາຄົນນລາວ ຈະໄດ້ຊ່ວຍກັນ ປົກປ້ອງ ແລະ ນຳໃຊ້ເລກລາວ ຢ່າງພາກພູມໃຈ ຄຽງຄູ ກັບອັກສອນລາວ.



ເອົາລະນໍ້ ຄິດວ່າຄຳສະເໜີ ຂອງຮັກລາວນີ້ ກໍ່ຈະເປັນອີກ ແຮງພັກດັນໜື່ງ ເພື່ອຊ່ວຍກັນສົ່ງເສີມການນຳໃຊ້ພາສາລາວ ແລະ ເລກລາວ ຢ່າງພາກພູມໃຈ. ທາງທີມງານໂທລະໂຄ່ງ ເອງ ກໍ່ຈະຂໍປະກອບສ່ວນ ແລະ ຈະເລີ່ມ ນຳໃຊ້ເລກລາວ ຢ່າງຈິງຈັງ.

ດ້ວຍຄວາມຮັກແພງ
ຮັກລາວ ໂທລະໂຄ່ງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

No comments

Powered by Blogger.