Header Ads

Tou Hero ຈັດຄອນເສີດການກຸສົນ ລະດົມທຶນໄດ້ 75 ລ້ານ ຊ່ວຍໂຮງໝໍເມືອງບໍ່ແຕນ! ຕົບມືຊົມເຊີຍ!


ການກຸສົນ: ເປັນອີກສິ່ງທີ່ໜ້າຊົມເຊີຍ ແລະ ຍົກຍ້ອງ ກັບການຊ່ວຍເຫຼືອ  ວຽກງານສ່ວນລວມ ຂອງນັກຮ້ອງໜຸ່ມ ຕູ່ ຮີໂຣ! ແບບວ່າ ເປັນ ຮີໂຣ ສົມຊື່ ກະວ່າແມ່ນ.

ເພາະຫຼ້າສຸດ,​ ບ່າວໜ້າໃສ ນັກຮ້ອງ ດັ່ງທີ່ກຳລັງມາແຮງ ໄດ້ ຈັດງານຄອນເສີດ ການກຸສົນ ແລະ ໄດ້ມອບທຶນທີ່ລະດົມໄດ້ທັງໝົດ ເພື່ອຊ່ວຍ ສ້າງໂຮງໝໍເມືອງບໍ່ແຕນ, ແຂວງໄຊຍະບູລີ.

ຈຳນວນເງິນທັງໝົດທີ່ລະດົມໄດ້ແມ່ນ 75,000,000 ກີບໂດຍບໍຫັກຄ່າໃຊ້ຈ່າຍໃດໆ. ນີ້ຈິ່ງສົມຄວນຍົກຍ້ອງເປັນ ດາລາ ໃນດວງໃຈ ຂອງສາວໆ ແລະ ສັງຄົມ, ແລະ ກາຍເປັນ ເນັດໄອດໍ ທີ່ມີຜົນງານຕົວຈິງ.

ພາບແລະຂ່າວຈາກ: Tou Hero






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

1 comment:

  1. ສະບາຍດີໂທລະໂຄ່ງ ກ່ອນອື່ນກໍ່ຕ້ອງຂໍຄອບໃຈທີ່ທ່ານເອົາເຫດການນີ້ມາລົງໃຫ້ສັງຄົມໄດ້ຮັບຮູ້ ທີ່ຈິງການລະດົມທຶນມາຊ່ວຍໂຮງໝໍເມືອງບໍ່ແຕນນັ້ນໄດ້ມີມາສອງປີແລ້ວ ໂດຍເລີ່ມຈາກທ່ານ ທອງພັນ ແລະທ່ານ ນາງ ແພນໂດລາແກ້ວມະນີວົງ ເປັນສະປອນເຊີ້ໃນການລະດົມທຶນຢູ່ປະເທດອົດສະຕາລີ ດ້ວຍການຈັດຄອນເສີດເພື່ອນການກູສົນ ໃນປີກາຍນີ້ສິນລະປິນທີ່ຖືກຈັດໄປ ແມ່ນ ຂັນໄຊ ໄຊນຳໂຊກ,ສິດທິພົນສຽງສະຫວັນ ,ຈິ໋ວ ອາມອນລັດ... ລວມເງິນທີ່ໄດ້ປີກາຍນີ້ແມ່ນ 397000ກີບ ເຊິ່ງເປັນມູນຄ່າຂອງຕູ້ອົບເດັກແດງ ຕົກມາໃນປີນີ້ ສິນລະປິນທີ່ຈັດໄປ ແມ່ນຂັນໄຊ ໄຊນຳໂຊກ,ອາລຸນນີ, ຕູ່ຮີໂຣ. ລວມເງິນທີ່ຫາໄດ້ແມ່ນ75 000000ກີບ ເປັນມູນຄ່າຂອງເຄື່ອງກວດເລືອດ18p ບຸກຄົນທີ່ສັງຄົມຄວນຮັບຮູ້ແລະຍົກຍ້ອງ ກໍ່ຕ້ອງແມ່ນ ທ່ານທອງພັນແລະຄອບຄົວ ທີ່ເປັນຜູ້ອອກເຫື່ອເທແຮງເຮັດໃຫ້ງານນີ້ສຳເຫລັດໄປດ້ວຍດີ (ບໍ່ແມ່ນຕູ່ຮີໂຣເປັນຜູ້ຈັດງານເອງ),ສິນລະປິນທີ່ຄວນຍົກຍ້ອງ ກໍ່ຕ້ອງແມ່ນຂັນໄຊ ໄຊນຳໂຊກ ທີ່ຖືໄດ້ວ່າເປັນຫົວໜ້າຄະນະສິນລະປິນ(ຜູ້ກ່ຽວປະກອບສ່ວນສອງປີຊ້ອນ) ແນວນີ້ເຫດໃດຈຶ່ງລົງຂ່າວວ່າຕູ່ຮີໂຣເປັນຄົນຈັດງານເອງ ອັນນີ້ຂໍສະເຫນີດັດແກ້ຂ່າວໃຫ້ແດ ເພາະຜູ້ທີ່ມີຜົນງານເດັ່ນເຂົາກໍ່ມີ,ອີກຢ່າງເຮັດໃຫ້ງານນີ້ສຳເຫລັດໄປດ້ວຍດີກໍ່ຍ້ອນມີຫລາຍພາກສ່ວນປະກອບຊ່ວຍ ເປັນຕົ້ນແມ່ນຜູ່ໃຫ້ທຶນຕ່າງໆຢູ່ປະເທດອົດສະຕາລີ,ສະຫາຍອຸ່ນເຮືອນແກ້ວມະນີວົງພ້ອມດ້ວຍຄອບຄົວທີ່ຊ່ວຍປະສານງານລະຫວ່າງໂຮງໝໍເມືອງບໍ່ແຕນກັບທ່ານທອງພັນຈົນສຳເຫລັດໄປດ້ວຍດີ ແລະປະຈຸບັນ ອຸປະກອນການແພດດັ່ງກ່າວນີ້ໄດ້ນຳໃຊ້ກີດຜົນປະໂຫຍດສູງສຸດຢູ່ໂຮງໝໍເມືອງບໍ່ແຕນ, ໄດ້ຈາລຶກຊື່ຂອງທ່ານ ທອງພັນ ແລະທ່ານນາງ ແພນໂດລາແກ້ວມະນີວົງ ໄວ້ໃນປະຫວັດສາດຂອງເມືອງບໍ່ແຕນ ແລະ ໂຮງໝໍເມືອງຕະຫລອດໄປ(ບໍ່ມີຊື່ຕູ່ຮີໂຣແຕ່ຢ່າງໃດ)

    ReplyDelete

Powered by Blogger.