Header Ads

ກອງປະຊຸມໃຫຍ່ຄັ້ງທີ V ຂອງສະຫະພັນກຳມະບານຮາກຖານຫ້ອງວ່າການເມືອງເງິນ


ໄດ້ຈັດຂື້ນໃນຕອນບ່າຍຂອງວັນທີ 26 ກໍລະກົດ 2017 ນີ້ຢູ່ທີ່ຫ້ອງປະຊຸມ ຫ້ອງວ່າການປົກຄອງ ເມືອງເງິນ ແຂວງໄຊຍະບູລີ ພາຍໃຕ້ການເປັນປະທານຂອງ ສະຫາຍ ໄຊພອນ ສິລິສົມບັດ ຄະນະບໍລິຫານງານສະຫະພັນກຳມະບານເມືອງ ປະທານກຳມະບານຮາກຖານຫ້ອງວ່າການເມືອງ. ເປັນກຽດເຂົ້າຮ່ວມ ມີສະຫາຍ ສົມພົງ ປ້ອງຄຳ ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານເມືອງ, ມີປະທານກໍາມະບານໜ່ວຍອ້ອມຂ້າງ ຕະຫຼອດຮອດສະມາຊິກກຳມະບານ ພາຍໃນໜ່ວຍ ເຂົ້າຮ່ວມ 24 ສະຫາຍ ຍິງ 7 ສະຫາຍ.


ກອງປະຊຸມ ໄດ້ສະຫຼຸບຕີລາຄາຢ່າງຮອບດ້ານ ແລະ ພາວະວິໄສ. ໃນຊຸ່ມປີຜ່ານມາ ຄະນະກຳມະບານຮາກຖານຫ້ອງວ່າການ ແມ່ນມີຜົນສຳເລັດຫລາຍດ້ານ ເປັນຕົ້ນ: ດ້ານການເມືອງແນວຄິດ ຖືວ່າຮັກສາໄດ້ສະຖຽນລະພາບທາງດ້ານການເມືອງໜັກແໜ້ນ, ແນວຄິດຫຼັກໝັ້ນຊົນຊັ້ນກຳມະກອນ ແລະ ຊາວຜູ້ອອກແຮງງານ. ການຈັດຕັ້ງປະຕິບັດຂໍ້ແຂ່ງຂັນ 2ດີ 5 ເປັນເຈົ້າໄດ້ຮັບການຊຸກຍູ້ ແລະ ຈັດຕັ້ງປະຕິບັດຢ່າງເລີກເຊີ່ງ. ທິດທາງ ໃນຊຸມປີຕໍ່ໜ້າສືບຕໍ່ສຶກສາອົບຮົມການເມືອງແນວຄິດໃຫ້ຫຼາຍກວ່າເກົ່າ, ຂະຫຍາຍສະມາຊິກກຳມະບານ, ສະມາຊິກກອງທືນຊ່ວຍເຫຼືອເຊີ່ງກັນ ແລະ ກັນໃຫ້ເພີ່ມຂື້ນ. ຈັດຕັ້ງນຳພາສ້າງຂະບວນການຮອບດ້ານ-ຂະບວນການ 2 ດີ 5 ເປັນເຈົ້າ ໃຫ້ຟົດຟືນກວ້າງຂວາງ.

ກອງປະຊຸມໄດ້ເປັນເອກະສັນກັນລົງປະຊາມະຕິຮັບຮອງເອົາຄະນະກຳມະບານຮາກຖານຊຸດໃໝ່ຄື: ສຫ ໄຊພອນ ສິລິສົມບັດ ເປັນປະທານ, ສຫ ແຂກ ອຳມະລີນ ເປັນຮອງ, ສຫ ນາງແສງຈັນ ອ່ອນພັນ ເປັນຄະນະ.

ໂດຍ: ອິນແປງ ແຫວນຄຳ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ



ກົດພາບອ່ານລາຍລະອຽດ

No comments

Powered by Blogger.