Header Ads

ສະຫຼົດ! ລົດເສຍຫຼັກຕຳຮ້ານຂາຍປີ້ງຂ້າງທາງ ຕຳຄົນເສຍຊີວິດຄາທີ່ 1,​ ເຈັບສາຫັດ 1 ທີ່ປາກເຊ


ຈຳປາສັກ: ລາຍງານຈາກ 1623​ ສາຂາ ປາກເຊ ໃຫ້ຮູ້ວ່າ ໃນວັນທີ19/08/2017 ເວລາ 17:25 ໄດ້ຮັບແຈ້ງເຫດຈາກປະຊາຊົນຜ່ານເບີ1623ວ່າມີລົດໃຫຍ່ເສຍຫຼັກຕຳຄົນ ທີ່ບ້ານໂພນງາມ, ເມືອງປາກເຊ,​ແຂວງຈຳປາສັກ.



ຫນ່ວຍກູ້ໄພ ອອກກວດສອບເຫດພົບຜູ້ເສຍຊີວິດຄາທີ່ 1 ຄົນ ,ແລະ ບາດເຈັບ 1 ຄົນ.

ຜູ້ເສຍຊີວິດເປັນເພດຍິງ, ອາຍຸ 27 ປີ, ບ້ານໂພນງາມ,ເມືອງປາກເຊ,ແຂວງຈຳປາສັກ,ອາຊີບຄາຂາຍ,ອາການເບື້ອງຕົ້ນ,ແມ່ນກະທົບຄໍ,ກະທົບຫົວຮຸນແຮງ.

ຜູ້ບາດເຈັບເປັນເພດຊາຍ, ອາຍຸ 26 ປີ, ບ້ານແກ້ງນາງອ່າງ, ເມືອງປະທຸມພອນ, ແຂວງຈຳປາສັກ, ອາຊີບພະນັກງານທະຫານ, ອາການເບື້ອງຕົ້ນແມ່ນທະທົບແອວ, ກະທົບຄໍແລະມີແຜເປີກຢູ່ຫຼັງມືຂ້າງຂວາ.

ດັ່ງນັ້ນຫນ່ວຍກູ້ໄພ ມູນິທິຊ່ວຍເຫຼືອຄົນທຸກຍາກແຫ່ງ ສປປ.ລາວ ຈຶ່ງປະຖົມພະຍາບານເບື້ອງຕົ້ນແລ້ວນຳສົ່ງໂຮງໝໍແຂວງຈຳປາສັກ, ສວນຜູ້ເສຍຊີວິດແມ່ນນຳສົ່ງບ້ານ.

ສ່ວນສາເຫດການເກີດເຫດ ແລະ ການດຳເນີນຄະດີກັບຜູ່ຂັບລົດໃຫຍ່ ເຈົ້າໜ້າທີ່ຈະດຳເນີນໄປຕາມກົດໝາຍຕໍ່ໄປ.

ພາບແລະຂ່າວ: ໜ່ວຍກູ້ໄພ ແຂວງຈຳປາສັກ
ອຸປະຕິເຫດ ຫຼື ບາດເຈັບສຸກເສີນ ໂທ 1623 ຕະຫຼອດ 24 ຊົ່ວໂມງ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.