Header Ads

ຢູ 12 ດີເຄ ຊະນະ ຫວຽດນາມ 3-1 ໃນບານເຕະທີ່ ສປ ຈີນ

   ຢູ 12 ດີເຄ ລົງສະໜາມນັດທີ່ນັດທີ 2 ຊະນະ ຫວຽດນາມ 3-1 ເມື່ອວັນທີ 7 ສິງຫາ ທີ່ຜ່ານມາ ໃນການການແຂ່ງຂັນເຕະບານ ຊູນ ຊີງ ລິງ ຄັບ 2017 (SOONG CHING LING CUP 2017) ທີ່ ສປ ຈີນ ເປັນເຈົ້າພາບ ເຊິ່ງຈັດຂຶ້ນລະຫວ່າງວັນທີ 6-13 ສິງຫາ 2017.

   ອີງຕາມການລາຍງານຂອງ ທ່ານ ອາລ໋ອບ ມະນີບົດ ປະທານສະໂມສອນ ດີເຄ ເອັຟຊີ ໃຫ້ຊາບວ່າ:ດີເຄ ລຸ້ນອາຍຸບໍ່ເກີນ 12 ປີລົງສະໜາມຄັ້ງທໍາອິດ ເມື່ອວັນທີ 7 ສິງຫາ ທີ່ຜ່ານມາ ພົບກັບ ທີມຈີນ ເອ ສາມາດເວົ້າໄດ້ວ່າທີມຂອງເຂົາເຈົ້າກໍເປັນອີກທີມໜຶ່ງທີ່ມີຄວາມແຂງແກ່ນທາງດ້ານພະລະກໍາລັງ ແລະ ຄວາມລື້ງເຄີຍສະໜາມ. ດັ່ງນັ້ນ, ຈຶ່ງເຮັດໃຫ້ພວກເຮົາເສຍໃຫ້ເຂົາເຈົ້າ 0-5.

  " ຢ່າງໃດກໍ່ຕາມ, ນັດທີ 2 ພົບກັບທີມຊາດຫວຽດນາມ ພວກເຮົາໄດ້ປັບປຸງເກມຫຼາຍສົມຄວນ ແລະ ຫຼິ້ນຕາມຮູບແບບຂອງພວກເຮົາ ເພື່ອຫວັງເກັບໃຫ້ໄດ້ 3 ຄະແນນ, ຜ່ານການແຂ່ງຂັນຜົນປາກົດວ່າ ນັກກີລາຂອງພວກເຮົາຫຼິ້ນໄດ້ດີກວ່າ ຈົນສາມາດເອົາຊະນະ ທີມຫວຽດນາມ 3-1 " ປະທານສະໂມສອນ ດີເຄ ກ່າວ. 

   ສໍາລັບການແຂ່ງຂັນຄັ້ງນີ້ ແບ່ງອອກເປັນ 2 ກຸ່ມຄື: ກຸ່ມ A ປະກອບມີ ດີເຄ ( ທີມຈາກລາວ ), ຟີລິບປິນ, ມາເລເຊຍ, ຫວຽດນາມ ແລະ ຈີນ ເອ, ສ່ວນກຸ່ມບີປະກອບມີ ອິນໂດເນເຊຍ, ໄທ, ກໍາປູເຈຍ, ມຽນມາ ແລະ ຈີນ ບີ ເຊິ່ງ ດີເຄ ເອັຟຊີ ຢູ 12 ໃນຖານະຕົວແທນຂອງ ສປປ ລາວ ຍັງມີລຸ້ນເຂົ້າຮອບອີກ 2 ນັດສຸດທ້າຍຂອງ ຮອບແບ່ງກຸ່ມ ເຊິ່ງຈະພົບກັບ ທີມຊາດຟີລິບປິນ ແລະ ພົບກັບທີມຊາດມາເລເຊຍ ໃນມື້ນີ້ວັນທີ 8 ສິງຫາ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.