Header Ads

ປັດຈຸບັນໜັງສືພິມ ແລະ ວາລະສານ ຢູ່ລາວ ມິເຖິງ144 ສະບັບ ແຕ່ສື່ອອນລາຍກຳລັງເຂົ້າມາມີບົດບາດຫຼາຍຂຶ້ນ

ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງ ຖວທ, ປະທານສະມາຄົມນັກຂ່າວແຫ່ງ ສປປ ລາວ ກ່າວໃນພິທີໂຮມຊຸມນຸມ ສະເຫຼີມສະຫຼອງ ວັນສື່ມວນຊົນ ແລະ ການພິມຈໍາໜ່າຍ ຄົບຮອບ 67 ປີທີ່ຫໍວັດທະນະທໍາແຫ່ງຊາດ ນະຄອນຫຼວງວຽງຈັນ ໃນວັນ ທີ 11 ສິງຫາ ຜ່ານມາ ພາຍໃຕ້ການ ເຂົ້າຮ່ວມຂອງທ່ານ ບໍ່ແສງຄຳ ວົງດາລາ ລັດຖະມົນຕີກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ( ຖວທ)ວ່າ: ປັດຈຸບັນໜັງສືພິມ ແລະ ວາລະສານໄດ້ເພີ່ມຂຶ້ນເປັນ 144 ສະບັບ ໃນນັ້ນມີໜັງສືພິມ 29 ສະບັບ (ເປັນລາຍວັນ11 ສະບັບ), ວາລະສານ 111 ສະບັບ ແລະ ໃບຂ່າວ 4 ສະບັບ ທີ່ຈໍາໜ່າຍໄປເຖິງທຸກກະຊວງທະບວງກົມ, ນະຄອນຫຼວງ, ທຸກແຂວງ, ບັນດາຕົວເມືອງໃຫຍ່ ແລະ ນອກເມືອງຈຳນວນໜຶ່ງ ດ້ວຍຮູບແບບການຂາຍ ແລະ ໃຫ້ອ່ານລ້າ.


  ສໍາລັບສື່ເອເລັກໂຕຣນິກ: ວິທະຍຸກະຈາຍສຽງລວມມີ 63 ສະຖານີ, ສູນກາງ 11 ສະຖານີ ແລະ ທ້ອງຖິ່ນ 52 ສະຖານີ ສາມາດກະຈາຍສຽງກວມ 95% ຂອງພື້ນທີ່ທົ່ວປະເທດ; ສ່ວນໂທລະພາບລວມມີ 37 ສະຖານີ, ສູນກາງ 9 ສະຖານີ ແລະ ທ້ອງຖິ່ນ 28 ສະຖານີ ທີ່ສາມາດອອກອາກາດ ພາບ-ສຽງ ທາງພາກພື້ນດິນກວມ 80% ແລະ ຜ່ານດາວທຽມກວມ 100% ຂອງພື້ນທີ່ທົ່ວປະເທດ ເຊັ່ນດຽວກັນກັບໜັງສືພິມ-ວິທະຍຸ ແລະ ໂທລະພາບກໍ່ໄດ້ນຳໃຊ້ອິນເຕີເນັດກໍຄື ລະບົບຢູທູບໃນການກະຈາຍເນື້ອໃນຂອງຕົນອອກສູ່ສັງຄົມ. 

  ວຽກງານການພິມຈຳໜ່າຍກໍ່ມີການຂະຫຍາຍຕົວຄື ທົ່ວປະເທດມີໂຮງພິມທັງໝົດ 103 ແຫ່ງ (ເປັນຂອງລັດ 7 ແຫ່ງ), ມີສໍານັກພິມ 20 ແຫ່ງ (ເປັນຂອງລັດ 2 ແຫ່ງ), ມີບໍລິສັດແປພາສາ 15 ແຫ່ງ, ບໍລິສັດອອກແບບໂຄສະນາ 12 ແຫ່ງ, ຮ້ານຈຳໜ່າຍປຶ້ມ ແລະ ສິ່ງພິມອື່ນ 16 ແຫ່ງ; ມີຫໍສະໝຸດ 99 ແຫ່ງ 1.305 ຫ້ອງ, ຕູ້ສະໝຸດເຄື່ອນທີ່ 8,153 ຕູ້, ຖົງສະໝຸດເຄື່ອນທີ່ 8.585 ຖົງ, ລົດສະໝຸດເຄື່ອນທີ່ 5 ຄັນ, ເຮືອສະໝຸດເຄື່ອນທີ່ 2 ລຳ ເພື່ອບໍລິການຜູ້ອ່ານ.


ຂະນະທີ່ທ່ານປິ່ນປາດຖະຫນາ ພັນທະມາລີ ຫົວຫນ້າກົມສື່ມວນຊົນ ກະຊວງ ຖວທ ໃຫ່້ສໍາພາດກັບສະຖານິວີທະຍາແຫ່ງຊາດວ່າ: ສຶມວນຊົນແບບໃຫມ່(ສື່ສັງຄົມອອນລາຍ) ໄດ່້ເຂົ້າມາມີບົດບາດຫຼາຍຂຶ້ນ ເຊິ່ງໄດ້ເປັນຜົນກະທົບຕໍ່ສື່ດັ່ງເດີມພໍສົມຄວນໃນປັດຈຸບັນ. ດັ່ງນັ້ນສື່ດັ່ງເດີມກໍຕ້ອງໄດ້ປັບຕົວຫລາຍດ້ານ ນັບແຕ່ຂໍ້ມູນ, ເນື້ອໃນ ກໍຕ້ອງໃຫ້ມີຄວາມຊັດເຈນ ກະທັດຫັດ ຈັບອົກຈັບໃຈ ແລະ ມີຮູບການນຳສະເຫນີ ທີ່ຈັບອົກຈັງໃຈເປັນທີ່ດຶງດູດ. ນອກນັ້ນສື່ດັ່ງເດີມກໍຕ້ອງນຳໃຊ້ພາຫະນະໃຫມ່ເພື່ອນຳສະເຫນີຕົນເອງ.

 


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.