Header Ads

ຈັບສອງໂຈນ ທີ່ກຳລັງງັດລົດຈັກ ທີ່ເຂດຕະຫຼາດສວນມອນ! (ມີຄລິບ) 14/8/2017


ນະຄອນຫຼວງວຽງຈັນ: ລາຍງານຈາກນັກຂ່າວສັນຈອນ ໃຫ້ຮູ້ ໃນເວລາປະມານ 17:45 ວັນທີ 14 ສິງຫາ 2017 ຢູ່ຕະຫລາດສວນມອນ ນະຄອນຫຼວງວຽງຈັນ ມີຂີ້ລັກ 2 ຄົນ (ຊາຍ 1 ຍິງ 1) ຂີ່ລົດຈັກເວບສີແດງ ມາຈອດຮຽງລົດເປົ້າຫມາຍ (ລົດຄລິກໄອສີຂາວ) ແລ້ວ ຜູ້ຊາຍກະລົງມາພະຍາຍາມໃຊ້ກະແຈໂຕເຕ້(ເຂົາເອີ້ນກະແຈຜີ)ມາງັດລົດຄິກ.



ໃນຂະນະທີ່ ຜູ່ຊາຍພວມກຳລັງງັດ ລົດຄັນດັ່ງກ່າວ ໂດຍໃຊ້ກະແຈຜີ ຢູ່ນັ້ນ,  ປກສ ກຸ່ມສວນມອນ ໄດ້ຢູ່ແຖວນັ້ນພໍດີ ແລະ ມີພົນລະເມືອງດີເອີ້ນໃສ່ວ່າ: ເບິ່ງເດີ້ ຜູ້ຊາຍຄົນນັ້ນ ສົງໃສແມ່ນຂີ້ລັກ ປກສ ຈຶ່ງໄດ້ຢືນລໍຖ້າຢູ່ໃກ້ໆເພື່ອສັງເກດການ,  ປະກົດວ່າຜູ້ກ່ຽວແມ່ນໄດ້ຂື້ນຄາບລົດຄິກໄອອີ່ຫລີ ແຕ່ ຕິດລົດບໍ່ສຳເລັດ.


ປກສ ກຸ່ມສວນມອນຈື່ງໄດ້ສະແດງໂຕເຂົາຈັບກຸມ ເຊິ່ງແລ່ນໄລ່ກັນຈາກຈຸດທີ່ລົດຈອດຫ່າງອອກໄປປະມານ 200 ແມັດ ຈຶ່ງສາມາດຈັບກຸມໄວ້ໄດ້.



ຜູ້ຍິງເສື້ອສີສົ້ມ ຫັນແມ່ນມານຳກັນທຳທ່າເປັນເປັນຜູ່ສັງເກີດການ,​ ທາງເຈົ້າໜ້າທີ່ຈິ່ງຈັບຜູ່ກ່ຽວໄປພ້ອມ ເພື່ອສືບສວນ ແລະ ດຳເນີນຄະດີຕໍ່ໄປ.

ຝາກເຕືອນພໍ່ແມ່ປະຊາຊົນແດ່ເດີ້ໄປຕະຫລາດໃຫ້ຝາກລົດແດ່ ເສຍເງິນ 2-3 ພັນກີບ ດີກ່ວາເສຍລົດເປັນຄັນ.

ພາບຄລິບແລະຂ່າວ: ນັກຂ່າວສັນຈອນ ຕະຫຼາດສວນມອນ



ຄລິບຕອນໄລ່ຈັບໂຈນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




ກົດພາບອ່ານລາຍລະອຽດ

No comments

Powered by Blogger.