Header Ads

ເລີ່ມລົງມືກໍ່ສ້າງຂົວ 2 ແຫ່ງ ຕາມເສັ້ນທາງເລກ 9 ສະຫວັນະເຂດ



ໂຄງການກໍ່ສ້າງຂົວເຊກຸມກາມ ແລະ ຂົວເຊທ່າມວກ ຕາມທາງຫລວງແຫ່ງຊາດເລກ 9 ແຂວງສະຫວັນນະເຂດ ແມ່ນໄດ້ລົງມືກໍ່ສ້າງພ້ອມກັນທັງສອງແຫ່ງໂດຍໄດ້ຈັດພິທີວາງ ສີລາງເລີກ ແລະ ເປີດໂຄງການກໍ່ສ້າງ ໃນວັນທີ 3 ສິງຫາ 2017 ຢູ່ທີ່ຂົວເຊທ່າມວກ ເມືອງພີນ ໂດຍມີ ທ່ານ ບຸນຈັນ ສິນທະວົງ ລັດຖະມົນກະຊວງໂຍທາທິການ ແລະ ຂົນສົ່ງ, ທ່ານ ສັນຕິ ພາບພົມວິຫານ ເຈົ້າແຂວງ ແຂວງ ສະຫວັນນະເຂດ, ທ່ານ Takeshi Hikihara ເອກອັກຄະລັດຖະທູດຍີ່ປຸ່ນ ປະຈຳລາວ, ມີຜູ້ຕາງໜ້າອົງການໄຈກາ ປະຈຳລາວແລະ ພາກສ່ວນກ່ຽວຂ້ອງເຂົ້າຮ່ວມ.

ໂຄງການກໍ່ສ້າງຂົວ 2 ແຫ່ງດັ່ງກ່າວ
ແມ່ນໄດ້ຮັບທຶນຊ່ວຍເຫລືອລ້າ ຈາກລັດຖະບານຍີ່ປຸ່ນ ຈຳນວນ 2.528 ລ້ານເຢັນແລະ ທຶນສົມທົບຈາກງົບປະມານຂອງລັດຖບານ ສປປ ລາວ ຈຳນວນ 10.562 ລ້ານກີບ. ໂດຍແມ່ນ ບໍລິສັດ ຮາຊາມາ ອັນໂດ ແລະ ບໍລິສັດ ເຈເອບອີ ເອັນຈິເນຍລິ້ງ(HJJV) ຈາກປະເທດຍີ່ປຸ່ນ ເປັນຜູ້ຮັບເໝົາກໍ່ສ້າງ. ​ໃນນີ້ ຂົວເຊກຸມກາມແມ່ນຕັ້ງຢູ່ເຂດບ້ານໂນນສະອາດ ເມືອງພະລານໄຊ, ມີຄວາມຍາວ 90 ແມັດ, ກວ້າງ 10,30 ແມັດ, ລວງກວ້າງຂອງຂົວທີ່ເປັນໜ້າ ທາງລົດແລ່ນ 8 ແມັດ, ມີທາງຄົນຍ່າງເບື້ອງລະ 0,75 ແມັດ, ໂຄງສ້າງເສົາຂົວ ແລະ ໜ້າຂົວແມ່ນເບຕົວ ເສີມເຫລັກ, ທາງເຂົ້າ-ອອກຂົວ ປູດ້ວຍຢາງອັດສຟານລວງຍາວ 1.006 ແມັດ, ມີການກໍ່ສ້າງລະບົບ ຕ້ານການເຊາະເຈື່ອນ ດ້ວຍກະຕ່າຫີນ ແລະ ປູກຫຍ້າ, ມີການຕິດຕັ້ງລະບົບໄຟຟ້າ ແສງສະຫວ່າງ ແລະ ເຄື່ອງໝາຍການຈະລາຈອນ.

ສ່ວນຂົວເຊທ່າມວກ
ແມ່ນຕັ້ງຢູ່ບ້ານອຸດົມໄຊ ແລະ ບ້ານເຊສະຫວ່າງ ເມືອງພີນ ມີລວງຍາວ 160 ແມັດ, ກວ້າງ 11,80 ແມັດ, ໜ້າທາງລົດແລ່ນກວ້າງ 8 ແມັດ, ມີທາງຄົນຍ່າງເບື້ອງລະ 1,50 ແມັດ, ໂຄງສ້າງເສົາຂົວ ແລະ ໜ້າຂົວ ເບຕົງເສີມເຫລັກ, ທາງເຂົ້າ-ອອກຂົວ ແມ່ນປູຢາງອັດສຟານ ຍາວ 1.035 ແມັດ, ກໍ່ສ້າງລະບົບການເຊາະເຈື່ອນ ດ້ວຍກະຕ່າຫີນ ແລະ ປູກຫຍ້າ ມີການຕິດຕັ້ງລະບົບ ໄຟແສງສະຫວ່າງ ແລະ ເຄື່ອງໝາຍຈະລາຈອນ ຕາມມາດຕະຖານ ເຊັ່ນກັນ.


ແຫຼ່ງຂ່າວ: ຂປລ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.