Header Ads

ຊິນລອນ ລາວ ຄວ້າ 2 ຫຼຽນທໍາອິດໃນຊີເກມ

ອີງຕາມເວັບໄຊທາງການຂອງ ຊີເກມ 2017 ຫຼື ກົວລາລໍາເປີ ເກມ ລະບຸວ່າ: ການແຂ່ງຂັນກະຕໍ້ ປະເພດຊິນລອນ ໃນຊີເກມຄັ້ງທີ 29 ທີ່ນະຄອນຫຼວງກົວລາລໍາເປີ ປະເທດມາເລເຊຍ ໃນຕອນບ່າຍຂອງວັນທີ 17 ສິງຫາ 2017 ເປັນການແຂ່ງຂັນຮອບຊີງຊະນະເລີດປະເພດ ຊິນລອນ ອີເວັນ 4 ລະຫວ່າງ ທີມຊາດລາວ ພົບກັບ ມຽນມາ.

ປະກົດວ່າ: ກະຕໍ້ຊິນລອນຂອງລາວ ເກັບຄະແນນໄດ້ 148 ຄະແນນ ເສຍໃຫ້ກັບ ມຽນມາ ຫວຸດຫວິດ ພຽງແຕ່ຄະແນນດຽວເທົ່ານັ້ນ ( 148-149 ຄະແນນ ) ສົ່ງຜົນໃຫ້ ມຽນມາ ຄວ້າຫຼຽນຄໍາປະເພດດັ່ງກ່າວໄປຄອງ, ສ່ວນ ສປປ ລາວ ຍາດໄດ້ຫຼຽນເງິນ ເຊິ່ງເປັນຫຼຽນເງິນທໍາອິດໃຫ້ກັບທັບນັກກີລາລາວໃນຊີເກມ. ຂະນະທີ່ ຫຼຽນທອງເປັນຂອງເຈົ້າພາບ ມາເລເຊຍ ຮ່ວມກັບ ກໍາປູເຈຍ.
ສ່ວນອີກຫຼຽນຂອງ ກະຕໍ້ຊິນລອນລາວ ແມ່ນໄດ້ຈາກລາຍການ ອີເວັນ 2 ເມື່ອວັນທີ 16 ສິງຫາ ທີ່ຜ່ານມາ ທີ່ສາມາດຍາດໄດ້ຫຼຽນທອງຮ່ວມກັບ ເຈົ້າພາບ ມາເລເຊຍ, ສ່ວນຫຼຽນຄໍາເປັນຂອງ ມຽນມາ ແລະ ຫຼຽນເງິນເປັນຂອງ ໄທ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







No comments

Powered by Blogger.