Header Ads

ບ້ານຫາດຮ່ຽນຈັດງານແຂ່ງຂັນເຮືອຊ່ວງປະຈຳປີ 2017 ຢ່າງຄຶກຄຶ້ນ!


ເພື່ອບໍ່ເປັນການປະຮີດໃຫ້ຫມອງ ບໍ່ປະຄອງໃຫ້ເສົ້າ. ໃນວັນທີ່ 15 ສິງຫາ ນີ້ ບ້ານ ຫາດຮ່ຽນ ໄດ້ເປີດການແຂ່ງຂັນເຮືອຊ່ວງຂຶ້ນ ໂດຍການໃຫ້ກຽດເຂົ້າຮ່ວມຂອງ ທ່ານ ສຳນານ ສົນທະນີ ຮອງເລຂາພັກເມືອງ ເມືອງ ຫຼວງພະບາງ ມີ ອຳນາດການປົກຄອງບ້ານ  ປະຊາຊົນພາຍໃນບ້ານ ແລະ ບ້ານອ້ອມຂ້າງ ຕະຫຼອດຮອດ ທືມສີພາຍເຮືອຊ່ວງເຂົ້າຮ່ວມ.



ທ່ານ ສົມອົກ ມະນີຈັນ ນາຍບ້ານໆ ຫາດຮ່ຽນ ຂຶ້ນກ່າວເປີດພິທີໃນຄັ້ງນີ້ວ່າ: ບ້ານ ຫາດຮ່ຽນ ເປັນບ້ານໜຶ່ງ ທີ່ມີມູນເຊື້ອວັດທະນະທຳ ຮີດຄອງປະດກນີອັນດີງາມທີ່ໄດ້ຮັບການປົກປັກຮັກສາ ແລະ ສືບທອດກັນມາຈົນເຖິງປັດຈຸບັນ ໂດຍສະດພາະແມ່ນການແຂ່ງຂັນເຮືອຊ່ວງ. ສຳລັບການແຂ່ງຂັນໃນປີນີ້ ມີເຮືອຊ່ວງເຂົ້າຮ່ວມແຂ່ງຂັນທັງຫມົດ 9 ລຳ ເປັນເຮືອປະເພດ 25-30 ສີພາຍ ທີ່ມາຈາກກຸ່ມບ້ານອ້ອມຂ້າງ ແລະ ຕົວແທນຈາກຫ້າງຮ້ານບໍລິສັດ. ໃນນັ້ນມີເຮືອຊ່ວງຈາກ ບໍລິສັດ DKD ແຟມມີລີ, ເຮືອຊ່ວງຍອດບໍລິການສາຂາຫຼວງພະບາງ, ບໍລິສັດມິ່ງເມືອງກໍ່ສ້າງ, ບໍລິສັດແສງເພັດກໍ່ສ້າງ, ບ້ານ ຫາດຮ່ຽນ ( ເຈົ້າພາບ), ທະນາຄານການຄ້າມະຫາຊົນ, ເຈົ້າແມ່ນ້ຳລ່ຽນ, ຫ້ອງການຄຸ້ມຄອງສະໜາມບິນ ແລະ ຊາວໜຸ່ມບ້ານໂພນສະຫວ່າງ.

ສວນຜົນການແຂ່ງຂັນຈະເປັນແນວໃດນັ້ນ ຈະລາຍງານພາຍຫຼັງທີ່ສຳເລັດການແຂ່ງຂັນ.

ພາບແລະຂ່າວ: Tam Sonephet




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.