Header Ads

ຢູ 23 ລາວ ດີພໍບໍ? ນັດວັດຄົມ ສິງກະໂປ ບານເຕະຊີເກມ ຕອນແລງນີ້

   ຫຼັງຈາກທີ່ ທີມຊາດລາວ ລຸ້ນອາຍຸບໍ່ເກີນ 23 ປີ ລົງສະໜາມນັດທໍາອິດ ໃນການແຂ່ງຂັນບານເຕະຊາຍ ໃນງານມະຫາກໍາກີລາ ຊີເກມ ຄັ້ງທີ 29 ທີ່ປະເທດມາເລເຊຍ ເມື່ອວັນທີ 16 ສິງຫາ ທີ່ຜ່ານມາ ເສຍໃຫ້ກັບ ທີມຊາດມຽນມາ ໄປຢ່າງໜ້າຜິດຫວັງ ເພາະທໍາທ່າວ່າຈະເກັບຄະແນນໄດ້ ເມື່ອສະເໝີກັນ 1-1 ແຕ່ໃນໄລຍະຕໍ່ເວລາພິເສດກັບເສຍເຖິງ 2 ປະຕູ ກ່ອນຈົບເກມເສຍໃຫ້ມຽນມາ 1-3.

   ຢ່າງໃດກໍ່ຕາມ, ທີມຊາດລາວ ມີນັດລົງສະໜາມພົບກັບ ສິງກະໂປ ທີ່ຍັງບໍ່ມີຈັກຄະແນນເຊັ່ນກັນ ເຊິ່ງນັດນີ້ເປັນນັດລ້າງອາຍຂອງທີມຊາດລາວ ແລະ ເປັນນັດກູ້ສັກສີຄືນ.

   ຫຼ້າສຸດ ທ່ານ MIKE WONG ຫົວໜ້າຄູຝຶກທີມຊາດລາວ ຢູ 23 ໄດ້ໂອ້ລົມ, ສຶກສາເກມນັດທໍາອິດ ແລະ ວາງແຜນກັບ ນັກກີລາທີມຊາດລາວ ເມື່ອວັນທີ 17 ສິງຫາ ທີ່ຜ່ານມາ ເຊິ່ງໄດ້ຈຸດໄພແຫ່ງຄວາມຫວັງໃຫ້ກັບແຟນບານຊາວລາວອີກຄັ້ງ ດ້ວຍການຕັ້ງເປົ້າຈະເກັບໄຊຊະນະໃຫ້ໄດ້ 3 ນັດທີ່ເຫຼືອ ເພື່ອລຸ້ນເຂົ້າຮອບຕໍ່ໄປ ກໍ່ຄື: ຈະພົບກັບ ສິງກະໂປ ໃນມື້ນີ້ເວລາ 16:00 ໂມງ ຕາມເວລາໃນປະເທດມາເລເຊຍ ( ກົງກັບບ້ານເຮົາ 15:00 ໂມງ ) ຕໍ່ດ້ວຍ ບຣູໄນ ແລະ ມາເລເຊຍ ຕາມລໍາດັບ.

ສໍາລັບ ການແຂ່ງຂັນບານເຕະຊາຍ ໃນງານມະຫາກໍາກີລາຊີເກມ ຄັ້ງທີ 29 ທີ່ປະເທດມາເລເຊຍ ເປັນເຈົ້າພາບ ຈັດຂຶ້ນລະຫວ່າງວັນທີ 19-30 ສິງຫານີ້ ເຊິ່ງມີ 11 ປະເທດເຂົ້າຮ່ວມ ແລະ ແບ່ງອອກເປັນ 2 ກຸ່ມຄື: ກຸ່ມ A ມາເລເຊຍ, ມຽນມາ ,ສິງກະໂປ, ລາວ, ບຣູໄນ, ສ່ວນກຸ່ມ B ໄທ, ຫວຽດນາມ, ອິນໂດເນເຊຍ, ກໍາປູເຈຍ, ຕີມໍ ເລສເຕ ແລະ ຟີລິບປິນ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








No comments

Powered by Blogger.