Header Ads

ເມືອງເງິນ ຈັດກອງປະຊຸມກະກຽມຄວາມພ້ອມຮອບດ້ານ ໃຫ້ແກ່ການເຮັດທົດລອງການຈັດຕັ້ງປະຕິບັດວຽກງານ 3 ສ້າງ.


ກອງປະຊຸມສຶບຕໍ່ ກະກຽມຄວາມພ້ອມຮອບດ້ານ ໃຫ້ແກ່ການເຮັດທົດລອງການຈັດຕັ້ງປະຕິບັດວຽກງານ 3 ສ້າງ. ໄດ້ຈັດຂື້ນ ໃນວັນທີ່ 8 ສິງຫາ 2017 ຜ່ານມານີ້ ຢູ່ທີ່ສະໂມສອນເມືອງເງິນ ແຂວງໄຊຍະບູລີ ເຂົ້າຮ່ວມເປັນກຽດ ມີທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກົມກອງ, ອົງການ, ຕະຫຼອດຮອດພະນັກງານວິຊາການເຂົ້າຮ່ວມ.
          


  
ທ່ານ ທະວີສັກ ໄຊຍະວົງ ຮອງເຈົ້າເມືອງ ໄດ້ຂື້ນຜ່ານ ມະຕິເລກທີ 25/ກມສພ ລົງວັນທີ່ 22 ທັນວາ 2014 ວ່າດ້ວຍທິດທາງເປົ້າໝາຍ ແລະ ມາດຕະການ ສ້າງແຂວງໃຫ້ເປັນຫົວໜ່ວຍຍຸດທະສາດ-ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານໃຫ້ເປັນຫົວໜ່ວຍພັດທະນາ ເພື່ອເຮັດໃຫ້ ພະນັກງານວິຊາການໄດ້ຮັບຮູ້ ແລະ  ເຂົ້າໃຈເນື້ອໃນດັ່ງກ່າວ ແລ້ວນຳໄປ ຈັດຕັ້ງປະຕິບັດ ໃນການເຮັດທົດລອງ 3 ສ້າງ. ຈາກນັ້ນ ທ່ານ ກອງຄຳ ປັນຍາສິດ ຫົວໜ້າຫ້ອງການພາຍໃນ ໄດ້ຂື້ນຜ່ານຄຳແນະນຳເລກທີ່ 98/ພພນ, ຊຍ ລົງວັນທີ່ 16 ພຶດສະພາ 2017 ກ່ຽວກັບການຈັດຕັ້ງຜັນຂະຫຍາຍ ແຜນດຳເນີນງານ ການສ້າງຄວາມເຂັ້ມແຂງໃຫ້ຂະແໜງການຂອງບ້ານ  ແລະ ຜ່ານຂໍຕົກລົງຂອງທ່ານ ເຈົ້າເມືອງ ວ່າດ້ວຍການແຕ່ງຕັ້ງ ຄະນະຮັບຜິດຊອບ ການເຮັດທົດລອງ ວຽກງານ 3 ສ້າງ ລົງສູ່ບ້ານເປົ້າໝາຍ ຄື: ບ້ານ ບີໝີ, ບ້ານນາງົວ ແລະ ບ້ານທອງ.


ກອງປະຊຸມ ຕາງໜ້າແຕ່ລະຫ້ອງການ ກໍ່ໄດ້ລາຍງານແຜນການຈັດຕັ້ງປະຕິບັດ ໃນການເຮັດທົດລອງ 3 ສ້າງ ໃຫ້ຄະນະປະທານຮັບຊາບ ເພື່ອໃຫ້ໄດ້ຕາມລະດັບຄາດໜາຍ

ພາບ+ຂ່າວ ໂດຍ: ສຸລິຍາ ແສງເດືອນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

No comments

Powered by Blogger.