Header Ads

ເມືອງເງິນ ແຂວງໄຊຍະບູລີ ຈັດພິທີປາຖະກະຖາ 5 ວັນປະຫວັດສາດ ຂອງຊາດ


ພິທີປາຖະກະຖາ 5 ວັນປະຫວັດສາດ ຂອງຊາດໄດ້ຈັດຂຶ້ນໃນຕອນເຊົ້າ ຂອງວັນທີ 16 ສິງຫາ 2017 ນີ້ຢູ່ທີ່ສະໂມສອນ ເມືອງເງິນ ແຂວງ ໄຊຍະບູລີ ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກົມກອງ, ນາຍບ້ານ, ປະທານແນວລາວສ້າງຊາດ, ພະນັກງານອາວຸໂສບຳນານ, ຜູ້ຊົງຄຸນວຸດທິ, ນັກທຸລະກິດ ຕະຫຼອດຮອດພະນັກງານ ວິຊາການ ເຂົ້າຮ່ວມ ຢ່າງພ້ອມພຽງ.


ພິທີປາຖະກະຖາ ຄັ້ງນີ້ ທ່ານ ບຸນສົດ ອິນທະປັນຍາ ຮອງເລຂາພັກເມືອງ ຮອງເຈົ້າເມືອງ ໄດ້ຍົກໃຫ້ເຫັນ ມູນເຊື້ອ 5 ວັນປະຫວັດສາດ ຂອງຊາດລາວເຮົາ ຄື: ວັນສ້າງຕັ້ງແນວລາວສ້າງຊາດ ຄົບຮອບ 67 ປີ, ວັນສ້າງຕັ້ງສື່ມວນຊົນ ຄົບຮອບ 67 ປີ, ວັນສ້າງລັດຖະທຳມະນູນ ຄົບຮອບ 26 ປີ,  ວັນສ້າງຕັ້ງສານປະຊາຊົນ ຄົບຮອບ 35 ປີ, , ວັນຍືດອຳນາດ ແຂວງ ໄຊຍະບູລີ ຄົບຮອບ 42 ປີ, ແລະ ວັນສ້າງຕັ້ງສະຫະພັນນັກຮົບເກົ່າແຫ່ງຊາດ ຄົບຮອບ 15 ປີ. ນີ້ກໍ່ເພື່ອເປັນການຫວນຄືນມູນເຊື້ອ 5 ວັນ ດັ່ງກ່າວ ທັງເປັນການສຶກສາອົບຮົມ ສະມາຊິກພັກ, ພະນັກງານ, ,ທະຫານ, ຕຳຫຼວດ ແລະ ພໍ່ແມ່ປະຊາຊົນ ບັນດາເຜົ່າ ເຫັນໄດ້ບົດບາດ ຄວາມສຳຄັນ ທັງເປັນການປຸກລະດົມ ແລະເຕົ້າໂຮມ ຄວາມສາມັກຄີ ມູນເຊື້ອຕໍ່ສູ້ອັນພິລະອາດຫານ  ບໍ່ຍອມຈຳນົນ ຂອງ ແນວລາວສ້າງຊາດ ເຊິ່ງແມ່ນອົງການນຳໜ້າຂອງການປະຕິວັດຊາດລາວເຮົາ ພ້ອມທັງຍົກໃຫ້ເຫັນ ກົດໝາຍລັດຖະທຳມະນູນ ແຫ່ງ ສປປລາວ ໂດຍຕິດພັນກັບ ວັນສ້າງຕັ້ງສານປະຊາຊົນ, ວັນຈັດພິມ ແລະ ຈຳໜ່າຍ ສື່ມວນຊົນລາວ ກົດໝາຍພາສີ, ເອກະສານ ຄົນເຂົ້າ-ອອກເມືອງ ຢູ່ ສປປລາວ ແລະ  ວັນຍຶດອຳນາດ ແຂວງ ໄຊຍະບູລີ ທັງເປັນການໂຄສະນາ ຜົນງານ ທີ່ສາມາດຍາດມາໄດ້ໃນໄລຍະຜ່ານມາ ໃຫ້ພ້ອມກັນສືບຕໍ່ ຍົກສູງ ນ້ຳໃຈຮັກຊາດ ຮັກບ້ານເກີດເມືອງນອນ ຕັ້ງໜ້າປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ນັບມື້ຮຸ່ງເຮືອງ ສີວິໄລ.


ຕອນທ້າຍ ກໍ່ໄດ້ມອບຫຼຽນກາກຽດຕິຄຸນ ກອງທັບປະຊາຊົນລາວ ໃຫ້ຜູ້ທີ່ມີຜົນງານດີເດັ່ນ ໃນການປະກອບສ່ວນປົກປັກຮັກສາ ແລະ ສ້າງສາປະເທດຊາດໃນໄລຍະຜ່ານມາ. ແລະ ມອບໃບຍ້ອງຍໍຂອງທ່ານເຈົ້າເມືອງ ໃຫ້ບ້ານ -ບຸກຄົນ ອີກດ້ວຍ

ໂດຍ: ອິນແປງ ແຫວນຄຳ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.