Header Ads

6 ບ້ານເມືອງແກ່ນທ້າວ ເສຍຫາຍຫລາຍຕື້ຈາກອຸທົກກະໄພ ແລະ ມີຜູ້ເສຍຊິວິດ 2ຄົນ



ປະຊາຊົນ 6ບ້ານຂອງເມືອງແກ່ນທ້າວແຂວງໄຊຍະບູລີໄດ້ຮັບຜົນ ເສຍຫາຍຈາກອຸທົກກະໄພນ້ຳຖ້ວມໄຫຼຊຸ ເຮັດໃຫ້ ຊັບສິນເສຍຫາຍຢ່າງໜັກໃນຄໍ່າຄຶນຂອງວັນທີ່27- 28 ກໍລະກົດ 2017 ນີ້ລວມມີ: ບ້ານໜອງ, ປົ່ງແດງ, ຫ້ວຍເລິກ, ປາກແຄມ, ຫ້ວຍບູຮາ ແລະ ບ້ານວັງປູນ. 


ໃນນີ້ ບ້ານໜອງ 59 ຄອບຄົວ ຈໍານວນ 300ກວ່າຄົນ ເສຍຫາຍ 1 ຕື້ 500ລ້ານກ່ວາກີບ, ເສຍຊີວິດ 1 ຄົນ; ບ້ານປົ່ງແດງ 40 ຄອບຄົວ ຈໍານວນ 160 ກວ່າຄົນ ເສຍຫາຍ 727ລ້ານກ່ວາກີບ ເສຍຊີວິດ 1 ຄົນ; ບ້ານຫ້ວຍເລິກ 15 ຄອບຄົວ ຈໍານວນ 70 ກວ່າຄົນ ເສຍຫາຍ 82ລ້ານກ່ວາກີບ;ບ້ານວັງປູນ 14 ຄອບຄົວ ຈໍານວນ 60 ກວ່າຄົນ, ເສຍຫາຍ 96 ລ້ານກ່ວາ ກີບ; ບ້ານຫ້ວຍບູຮາ 6 ຄອບຄົວ ຈໍານວນ 20 ກວ່າຄົນ ເສຍຫາຍ 53ລ້ານກີບ ແລະ ບ້ານປາກຕົມ 7 ຄອບຄົວ ຈໍານວນ 30 ກວ່າຄົນ  ເສຍຫາຍ 27ລ້ານກ່ວາກີບ.



 ຄອບຄົວຖືກຜົນກະທົບຈາກອຸທົກກະໄພຄັ້ງນີ້ທັງໝົດ 140 ຄອບຄົວ, ຈໍານວນ 670 ກວ່າຄົນ, ເສຍຫາຍ ມູນຄ່າເສຍຫາຍ
ທັງໝົດ 2 ຕື້ 500 ລ້ານກ່ວາກີບ.

ມີເສັ້ນທາງເສຍຫາຍ 4 ເສັ້ນຄື: ເສັ້ນທາງເລກທີ 3856 ນໍ້າເຕົ່າ-ດົງສະຫງວນ ເສຍຫາຍ 2 ຕື້ 290 ລ້ານກ່ວາ
ກີບ,ເສັ້ນທາງ ເລກທີ 3855 ສາລານໍ້າວັງຫຼວງ-ພູແດນດິນ ເສຍຫາຍ 2 ຕື້ 300 ລ້ານກ່ວາກີບ,ເສັ້ນທາງ ເລກທີ 3613 ຫ້ວຍຫຼອດ-ດອນເມນ-ບ້ານແຄ ເສຍຫາຍ 350 ລ້ານກ່ວາກີບ ແລະ ເສັ້ນທາງເລກທີ  3589 ຫາດແດງ-ເວີນຄໍາ ເສຍຫາຍ  562 ລ້ານກ່ວາກີບ ລວມມູນຄ່າເສຍຫາຍທັງໝົດ 5 ຕື້ 500ລ້ານກ່ວາກີບ. 



ເນື້ອທີ່ນາບ້ານໜອງເສຍຫາຍ 50 ກວ່າເຮັກຕາ, ປົ່ງແດງ 20 ກວ່າເຮັກຕາ, ຫ້ວຍເລິກ 20 ກວ່າເຮັກຕາ ແລະ ບ້ານວັງ
ປູນເສຍຫາຍ 3 ເຮັກຕາກ່ວາ. ນອກນັ້ນຍັງມີສັດລ້ຽງຈໍານວນໜຶ່ງ.

 ນີ້ເປັນຄັ້ງທີ່ສອງແລ້ວທີ່ເມືອງແກ່ນທ້າວໄດ້ຖືກຜົນກະທົບຈາກໄພທຳມະຊາດ  ນ້ຳຖ້ວມຄັ້ງກ່ອນຖືກເສຍຫາຍຫຼາຍກ່ວາ 6 ຕື້ກີບ. ນັບລວມທັງສອງຄັ້ງມູນຄ່າເສຍຫາຍສູງເຖີງ 10 ກ່ວາຕື້ກີບ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

No comments

Powered by Blogger.