Header Ads

ກຸ່ມທຸລະກິດເພື່ອຜູ້ຊົມໃຊ້ ຂອງຫົວເຫວີຍ ປະກາດຜົນປະກອບການທຸລະກິດ 6 ເດືອນທຳອິດ ປີ 2017 ! ລາຍຮັບແລະສ່ວນແບ່ງເພີ່ມ!


ໃນວັນທີ 27 ກໍລະກົດ 2017 ທີ່ເມືອງເຊີ້ນເຈີນ, ປະເທດຈີນ ກຸ່ມທຸລະກິດເພື່ອຜູ້ຊົມໃຊ້ ຂອງຫົວເຫວີຍ ໄດ້ຈັດງານຖະແຫຼ່ງຂ່າວ ປະກາດຜົນປະກອບການທຸລະກິດ 6 ເດືອນທຳອິດ ຂອງປີນີ້: ລາຍຮັບເພີ່ມຂື້ນ 36.2% ທຽບໃສ່ປີກາຍ ເປັນ 105.4 ຕື້ຍວນ. ຍອດການຈັດຈຳໜ່າຍສະມາດໂຟນທົ່ວໂລກແມ່ນ 73.01 ລ້ານໜ່ວຍ ຄິດເປັນ 20.6% ເມື່ອທຽບໃສ່ປີທີ່ຜ່ານມາ.


ທ່ານ ລິຊາດ ຢູ ປະທານບໍລິຫານສູງສຸດ ກຸ່ມທຸລະກິດເພື່ອຜູ້ຊົມໃຊ້ ຂອງຫົວເຫວີຍ ໄດ້ກ່າວວ່າ: ກຸ່ມທຸລະກິດເຮົາຍັງຈະເຕີບໃຫຍ່ຢ່າງບໍ່ຢຸດຢັ້ງ, ອາດຈະເກີນຄ່າສະເລ່ຍຂອງອຸດສະຫະກຳ ແລະ ເຈາະຕະຫຼາດລະດັບສູງ ໃນທົ່ວໂລກ. ການເຕີບໂຕຢ່າງຕໍ່ເນື່ອງນີ້ ແມ່ນເປັນບົດພິສູດເຖິງຄວາມເຂັ້ມແຂງຂອງຫົວເຫວີຍ ແລະ ຄວາມສຳເລັດທີ່ເຮົາສ້າງຂື້ນມາຜ່ານການນຳສະເໜີຜະລິດຕະພັນໃຫມ່ ທີ່ສາມາດປັບໂຕເຂົ້າກັບມູມມອງ ແລະ ຄວາມຕ້ອງການຂອງຜູ້ຊົມໃຊ້ໃນປະຈຸບັນ.




ໃນໄຕມາດທຳອິດຂອງປີນີ້, ສ່ວນແບ່ງການຕະຫຼາດຂອງຫົວເຫວີຍໄດ້ເພີ່ມຂື້ນເປັນ 9.8% ອີງຕາມຂໍ້ມູນຈາກ IDC. ການຂະຫຍາຍຕົວນີ້ແມ່ນມາຈາກການເພີ່ມຂຶ້ນຢ່າງຫຼວງຫຼາຍໃນການຂາຍຂອງຜະລິດຕະພັນ ລະດັບກາງແລະສູງ ໃນຫຼາຍປະເທດທີ່ສໍາຄັນ. ໃນປະເທດຈີນ, ສ່ວນແບ່ງການຕະຫຼາດໄດ້ເພີ່ມຂຶ້ນ 24% ທຽບ ໃສ່ປີທີ່ຜ່ານມາ ເຊີ່ງເຮັດໃຫ້ຫົວເຫວີຍມີສ່ວນແບ່ງການຕະຫຼາດລວມເປັນ 22.1%. ຫົວເຫວີຍ ຍັງໄດ້ເຫັນການຂະຫຍາຍຕົວຢ່າງວ່ອງໄວໃນທົ່ວທະວີບເອີຣົບ, ທຽບໃສ່ປີກາຍ ແມ່ນ ເພີ່ມຂື້ນ 18%, ສ່ວນໃຫຍ່ແມ່ນມາຈາກ ພາກກາງ, ພາກຕາເວັນອອກ ແລະ ພາກເໜືອ ຂອງ ເອີຣົບ, ເຊັ່ນດຽວກັນກັບ ປະເທດເຂດ ອາຊີປາຊິຟີກ ເຊັ່ນ: ໄທ, ມາເລເຊຍ, ຍີ່ປຸ່ນ ແລະ ເກົາຫຼີໃຕ້. ໃນສ່ວນຂອງ ຍີ່ຫໍ້ Honor (ໃນເຄືອຫົວເຫວີຍ) ກໍ່ມີຍອດຂາຍຕິດອັນດັບຕົ້ນໆທາງດ້ານລາຍຮັບ ແລະ ຍອດຂາຍ ທາງອິນເຕີເນັດ ໃນປະເທດຈີນ, ລະຫວ່າງ ເດືອນມັງກອນ ຫາ ພຶດສະພາ 2017.


ຜົນຈາກຍອດຂາຍທີ່ເພີ່ມຂື້ນຢ່າງໄວວາໃນທົ່ວໂລກນີ້ ເຮັດໃຫ້ຫົວເຫວີຍກາຍເປັນທີ່ີຮູ້ຈັກ ຍີ່ຫໍ້ລະດັບສູງ ແລະ ໄດ້ຮັບຫຼາຍລາງວັນໃຫຍ່ຈາກຫຼາຍສະຖາບັນໃນປີ 2017  ເຊັ່ນ: ຕິດອັນດັບທີ 49 ໃນ 100 ບັນຊີລາຍຊື່ ຂອງ BrandZ ທີ່ມີຈັດອັນດັບຄຸນຄ່າຍີ່ຫໍ້ຫຼາຍທີ່ສຸດໃນທົ່ວໂລກ; ຕິດອັນດັບທີ 88 ຈາກການຈັດອັນດັບຂອງ Forbes ທາງດ້າມູນຄ່າຍີ່ຫໍ້ທີ່ດີທີ່ສຸດຂອງໂລກ ແລະ ອັນດັບທີ 40 ໃນບັນຊີລາຍຊື່ ຂອງ Brand Finance 2017 Global 500 ທີ່ຈັດອັນດັບຍີ່ຫໍ້ທີ່ມີຄຸນຄ່າຫຼາຍທີ່ສຸດໃນໂລກ.


ອຸປະກອນຜູ້ຊົມໃຊ້ ຂອງຫົວເຫວີຍ ໄດ້ສົ່ງຜົນສະທ້ອນແກ່ຜູ້ຊົມໃຊ້ທົ່ວໂລກ ເນື່ອງຈາກວ່າຄໍາຫມັ້ນສັນຍາທີ່ຈະແຈ້ງທາງດ້ານຄຸນນະພາບ, ປະສົບການການນຳໃຊ້ ແລະ ນະວັດຕະກຳໃຫມ່ໆ ທີ່ມີປະສິດທິພາບ, ຮັກສາລະບົບນິເວດ ເຊີ່ງລວມເຖິງ ສະມາດໂຟນ, ອຸປະກອນສວມໃສ່ ແລະ ຄອມພິວເຕີໃນປະຈຸບັນ, ທີ່ຈະເຮັດຜູ້ຊົມໃຊ້ຮູ້ວ່າພວກເຂົາສາມາດໄວ້ວາງໃຈຕໍ່ອຸປະກອນຂອງຫົວເຫວີຍ ທີ່ພວກເຂົາເຈົ້າກໍາລັງຊອກຫາຢູ່ໄດ້.


ໃນຖານະທີ່ເປັນຍີ່ຫໍ້ ທີ່ມີການຈະເລີນເຕີບໂຕໄວນີ້, ທີ່ສຳຄັນແມ່ນຍຸດທະສາດການຂາຍ. ຫົວເຫວີຍຕັ້ງເປົ້າທີ່ຈະຂະຫຍາຍຕົວຮ້ານຂາຍຍ່ອຍໃນທົ່ວໂລກເຖິງ 56,000 ຮ້ານ ພາຍໃນທ້າຍປີ 2017.
ໃນອະນາຄົດ, ຫົວເຫວີຍຄາດວ່າຈະກະຕຸ້ນໃຫ້ມີການເຕີບໃຫຍ່ຢ່າງຕໍ່ເນື່ອງ ດ້ວຍການຜັກດັນອຸປະກອນຕ່າງໆ ຜ່ານນະວັດ ຕະກຳ ດ້ານຈາກສິ່ງປະດິດທີ່ສະຫຼາດຍີ່ງຂື້ນ ແລະ ການຮຽນຮູ້ຂອງເຄື່ອງກົນຈັກ ເຊີ່ງຈະຊ່ວຍຂັບເຄື່ອນໃນ “ຍຸກອັດສະລິຍະໃຫມ່” ນີ້. ກຸ່ມທຸລະກິດເພື່ອຜູ້ຊົມໃຊ້ ມຸ່ງໝັ່ນທີ່ຈະນຳສະເໜີອຸປະກອນ ທີ່ຈະສາມາດຄາດການຄວາມຕ້ອງການຂອງຜູ້ໃຊ້ ແລະ ສາມາດປັບໂຕໃຫ້ເຂົ້າກັບວິທີການເຮັດວຽກ ແລະ ໃຊ້ຊີວີດຂອງຄົນ ໄດ້ດີຍີ່ງຂື້ນ.


ເຊິ່ງ ສູນວິໄຈ 15 ແຫ່ງ ແລະ 36 ສູນ ຮ່ວມນະວັດຕະກຳ ຈາກທົ່ວມູມໂລກຂອງຫົວເຫວີຍ ກຳລັງຄົ້ນຄວ້າ ແລະ ຊອກຫາ ເທັກໂນໂລຢີໃໝ່ໆ ໄດ້ແກ່ ລະບົບເຊນເຊີ, ການຈັດການຂໍ້ມູນ, ຄວາມກ້າວໜ້າຂອງຊິບເຊັດທີ່ອອກແບບມາເພື່ອທີ່ຈະນຳສະ ເໜີຟັງຊັ່ນການເຮັດວຽກທີ່ກ່າວມາຂ້າງເທີງນີ້ ອອກສູ່ຕະຫຼາດຕົວຈິງ. ຫົວເຫວີຍກໍ່ຍັງໄດ້ຮ່ວມມືກັບບໍລິສັດຊັ້ນນຳໃນອຸດສະຫະກຳຕ່າງໆເຊັ່ນ: Leica, Dolby, Microsoft, Intel and Google.  ທີ່ຈະພັດທະນາ ນະວັດຕະກຳໃຫມ່ເພື່ອຕອບສະໜອງຄວາມຕ້ອງການຂອງຜູ້ໃຊ້ໃນອານະຄົດ.


ຕໍ່ກັບຄວາມພະຍາຍາມເຫຼົ່ານີ້, ຫົວເຫວີຍ ຈະສືບຕໍ່ສ້າງສິ່ງໃຫມ່ໆເພື່ອຕອບໂຈດຄວາມພໍໃຈຂອງລູກຄ້າ, ຄວາມທ້າທາຍທາງອຸດສະຫະກຳ, ແລະ ເຊື່ອມໂຍງໂລກໃຫ້ດີຍີ່ງຂື້ນ.

ສໍາລັບຂໍ້ມູນເພີ່ມຕື່ມ: http://consumer.huawei.com/la


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.