Header Ads

ວຽງສະເຫຼີມ ເດັກ ມຊ ແຈ້ງເກີດໃນບານເຕະສາຍ ກ




  ວຽງສະເຫຼີມໄຊ ເກີດຕະວົງ ກາຍເປັນນັກຮຽນຈາກ ມະຫາວິທະຍາໄລແຫ່ງຊາດລາວ ທີ່ແຈ້ງເກີດໃນບານເຕະສາຍ ກ ຫຼັງ ເໝົາຜູ້ດຽວ 4 ປະຕູ ຊ່ວຍໃຫ້ທີມ ຖະຫຼົ່ມ ສະກໍປ້ຽນ ເອັຟຊີ ໄປຂາດລອຍ 5-1 ໃນການແຂ່ງຂັນບານເຕະສາຍ ກ ( Lao Division 1 ) ເມື່ອທ້າຍອາທິດທີ່ຜ່ານມາ.     ວຽງສະເຫຼີມໄຊ ເກດຕະວົງ ຍິງໄປ 4 ປະຕູ ( ນາທີໆ 15, 18, 22 ແລະ ໄລຍະຕໍ່ເວລາບາດເຈັບເຄິ່ງເວລາທີສອງ ) ແລະ ໄດ້ຈາກ ບຸນແວ ແກ້ວວົງຄໍາ ນາທີໆ 62 ຊ່ວຍໃຫ້ ມຊ ເອັຟຊີ ຖະຫຼົ່ມ ສະກໍປ້ຽນ ເອັຟຊີ 5-1, ສ່ວນ ສະກໍປ້ຽນ ເອັຟຊີ ໄດ້ປະຕູຕີໄຂ່ແຕກຈາກ ອ່າງຄໍາ ໄຊຍະລາດ ນາທີໆ 55.
​  
ຈາກຜົນດັ່ງກ່າວ ສົ່ງຜົນໃຫ້ ມຊ ເອັຟຊີ ລົງສະໜາມຄົບ 4 ນັດມີ 8 ຄະແນນ ກອດຄໍ ດີເຄ ເອັຟຊີ ທີ່ມີ 5 ຄະແນນ ( ແຂ່ງໜ້ອຍກວ່າ 1 ນັດ ) ຜ່ານເຂົ້າຮອບ 8 ທີມສຸດທ້າຍ ເປັນທີ່ແນ່ນອນແລ້ວ ເນື່ອງຈາກກຸ່ມ D ມີພຽງ 3 ທີມເຂົ້າຮ່ວມ ແລະ ສະກໍປ້ຽນ ເອັຟຊີ ບໍ່ມີຈັກຄະແນນຈາກການລົງສະໜາມ 3 ນັດ.     ສໍາລັບ ວຽງສະເຫຼີມໄຊ ເກດຕະວົງ ອາຍຸ 24 ປີ ເກີດທີ່ບ້ານໃໝ່ ເມືອງໂພນໂຮງ ແຂວງວຽງຂັນ ປັດຈຸບັນຮຽນຢູ່ ຄະນະນິຕະສາດ ແລະ ລັດຖະສາດ ຖືເປັນນັກເຕະອະນາຄົດໄປຂອງ ມຊ ເອັຟຊີ ( ມະຫາວິທະຍາໄລແຫ່ງຊາດລາວ ) ເຊິ່ງຈາກ 4 ປະຕູຫຼ້າສຸດເຮັດໃຫ້ລາວ ຍິງປະຕູໃນການແຂ່ງຂັນບານເຕະສາຍ ກ ໄປແລ້ວ 6 ປະຕູຈາກ 4 ນັດທີ່ຜ່ານມາ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

No comments

Powered by Blogger.