Header Ads

ຊົມເຊີຍ!​ ຫ້ອງການລັດຖະບານແຈ້ງການ ຄຸ້ມຄອງເລື່ອງຫວຍ! ແຊດ່ວນ!


ຂປລ.​ ໃນ​ວັນ​ທີ 17 ສິງຫາ 2017, ຫ້ອງ​ວ່າການ​ສຳນັກງານ​ນາຍົກລັດຖະມົນຕີ ​ໄດ້​ມີ​ແຈ້ງ​ການ ​​ໃຫ້​ລັດ​ວິ​ສາ​ຫະກິດຫວຍ​ພັດທະນາ​ລາວ ຫລຸດຜ່ອນ​ການ​ອອກ​​ເລກ​ຫວຍ ຈາກ 2 ຄັ້ງ​ຕໍ່ອາທິດ​ໃຫ້ຍັງ​ເຫລືອ 1 ຄັ້ງ​ຕໍ່ອາທິດ, ​​ໃຫ້​​ຮັບປະກັນ​ຄວາມ​ໂປ່​ງ​ໃສ ໃນ​ການ​ອອກ​ຫວຍ​ລາງວັນແຕ່ລະຄັ້ງ ​ໃຫ້​ແກ່​ຜູ້​ສ່ຽງ​ໂຊກ​ຊິງ​ລາງວັນ, ​ໂດຍ​ມອບ​ໃຫ້​ກະຊວງ​ການ​ເງິນ ​ຊີ້​ນຳການ​ປັບປຸງ​ໂຄງ​ປະກອບ​ການຈັດ​ຕັ້ງ ​ແລະ ບຸກຄະລາ​ກອນ ​ຂອງ​ລັດ​ວິ​ສາ​ຫະກິດ​ດັ່ງກ່າວ ​ໃຫ້​ກະທັດ​ລັດ ​ແລະ ​ເໝາະສົມ ​ເພື່ອ​​ເຮັດໃຫ້ການ​ເຄື່ອນ​ໄຫວ​ດຳ​ເນີນ​ທຸລະ​ກິດ​ມີ​ປະສິດທິ​ຜົນ.

ທ່ານ ​ເພັດ ພົມ​ພິພັກ ຫົວໜ້າຫ້ອງ​ວ່າການ​ ສຳນັກງານ​ນາຍົກລັດຖະມົນຕີ ລະບຸ​ວ່າ: ນອກຈາກ​ການ​ຫລຸດຜ່ອນ​ ການ​ອອກ​ເລກ​ລາງວັນ​ເລກ​ຫວຍ​ແລ້ວ ຍັງ​ຕ້ອງ​ໃຫ້​ຢຸດ​ເຊົາ​ການ​ເຄື່ອນ​ໄຫວ ​ດຳ​ເນີນ​ທຸລະ​ກິດ ຫວຍທວາຍ​ຜົນ​ບານ​ເຕະ ​ແລະ ທຸລະ​ກິດ​ຫວຍ​ເອສ​ເອັມ​ເອສ, ສຳລັບ​ຜະລິດ​ຕະພັນ​ຫວຍ​ທີ່​ໄດ້​ຮັບ​ອະນຸຍາດ​ໄປ​ແລ້ວ ​ແຕ່​ບໍ່ທັນ​ໄດ້​ເຄື່ອນ​ໄຫວ ​ຄື: ຫວຍ​ບົງ​ໂກ້ ​ແລະ ຫວຍ​ໂລ​ໂຕ ​ແມ່ນ​ໃຫ້​ຍົກ​ເລີກ​ໃບ​ອະນຸຍາດ, ສ່ວນ​ຫວຍ​ຂູດ ​ແມ່ນ​ໃຫ້​ສື​ບຕໍ່ຈຳໜ່າຍ ສະ​ເພາະ​ຈຳນວນ​ທີ່​ໄດ້​ຈັດ​ພິມ​ຕົວ​ຈິງ, ​ແຕ່​ໃຫ້​ຈຳກັດ​ສະຖານ​ທີ່ ​ແລະ ປະລິມານລົງ​ໃຫ້​ເໝາະສົມ ​ເມື່ອ​ຂາຍ​ຈຳນວນ​ເກົ່າໝົດ​ແລ້ວ ​ໃຫ້​ສະຫລຸບ​ລາຍ​ງາຍ​ຕໍ່ລັດຖະບານ ​ເພື່ອ​ຂໍ​ທິດ​ຊີ້​ນຳ​ໃນຕໍ່ໜ້າ.

​ເພື່ອ​ໃຫ້​ແຈ້ງ​ການ​ ສະບັບ​ນີ້​ມີ​ຜົນ​ສັກສິດ ຫ້ອງ​ວ່າການ​ສຳນັກງານ​ນາຍົກລັດຖະມົນຕີ ​ໄດ້ມອບໝາຍ​ໃຫ້​ກະຊວງ​ການ​ເງິນ ສົມທົບ​ກັບ​ກະຊວງ​ປ້ອງ​ກັນ​ຄວາມ​ສະຫງົບ ​ແລະ ພາກສ່ວນ​ກ່ຽວຂ້ອງ ຕິດຕາມ​ກວດກາ ​ແລະ ຄຸ້ມ​ຄອງ. ຫ້າມ​ບໍ່​ໃຫ້​ນຳ​ເອົາ​ຫວຍ​ເຖື່ອນ​ ຈາກ​ຕ່າງປະ​ເທດ​ມາ​ຈຳໜ່າຍ ຢູ່ ສປປ ລາວ ຢ່າງ​ເດັດຂາດ, ຫາກ​ພົບ​ເຫັນ​ກໍລະນີ​ມີ​ຜູ້​ລະ​ເມີດ ຫລື ຈຳໜ່າຍຫວຍ​ເຖື່ອນ​ດັ່ງກ່າວ ​ແມ່ນ​ໃຫ້​ດຳ​ເນີນ​ຄະດີ​ຕາມ​ກົດໝາຍ ​ແລະ ລະບຽບການ​ຢ່າງ​ເຂັ້ມ​ງວດ.

ຂ່າວ:ຣາຊະ​ວົງ





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.