Header Ads

ຄອບຄົວການນໍາເມືອງແກ່ນທ້າວ ນໍາເຄື່ອງໄປຊ່ວຍເຫຼືອຄອບຄົວປະຊາຊາຊົນທີຖືກຜົນກະທົບໄພພິບັດນໍ້າຖ້ວມ ແລະ ນໍ້າໄຫຼຊຸແຮງຢູ່ບ້ານໜອງ ແລະ ປົ່ງແດງ.


ພາຍຫຼັງທີມີແຈ້ງການຂອງທ່ານເຈົ້າເມືອງແກ່ນທ້າວ ສະບັບເລກທີ 639/ຈມ. ລົງວັນທີ 29 ກໍລະກົດ 2017 ວ່າດ້ວຍການປຸກລະດົມການຊ່ວຍເຫຼືອບັນເທົາທຸກ ນໍາບັນດາຫ້ອງການ, ກົມກອງ, ອົງການຈັດຕັ້ງ, ດ່ານສາກົນ, ລັດວິສາຫະກິດ, ສາຂາທະນາຄານ, ບໍລິສັດ, ນັກທຸລະກິດຜູ້ປະກອບການ, ນາຍບ້ານໃນທົ່ວເມືອງ ເຊິ່ງແຈ້ງການໄດ້ຊີ້ໃຫ້ເຫັນວ່າ: ເມືອງແກ່ນທ້າວພວມປະສົບໄພທໍາມະຊາດຢ່າງໜັກໜ່ວງຈາກພາຍຸຝົນໜັກໃນວັນທີ 27-28 ກໍລະກົດ 2017 ໄດ້ເກີດນໍ້າຖ້ວມໄຫຼຊຸຢູ່ຫຼາຍບ້ານ ເຊິ່ງໄດ້ກໍ່ຜົນເສຍຫາຍຕໍ່ພາຫະນະ, ຊັບສິນ, ເຮືອນຊານບ້ານຊ່ອງ, ເນື້ອທີ່ທໍາການຜະລິດນັບທັງຊີວິດຂອງປະຊາຊົນ.




 ດ້ວຍຄວາມມີມະນຸດສະທໍາ ເຫັນອົກເຫັນໃຈ ແລະ ຄວາມມີນໍ້າໃຈຕໍ່ກັນນັ້ນຄອບຄົວການນໍາເມືອງແກ່ນທ້າວ ແຂວງໄຊຍະບູລີ ຈຶ່ງໄດ້ລະດົມທຶນກັນເພື່ອໄປຊ່ວຍເຫຼືອຄອບຄົວດັ່ງກ່າວ. ໃນວັນທີ 2 ສິງຫາ ນີ້, ເຊິ່ງນໍາໂດຍທ່ານ ນາງ ສົມໝາຍ ແກ້ວມະນີ ພັນລະຍາທ່ານເຈົ້າເມືອງໆແກ່ນທ້າວ, ພ້ອມດ້ວຍຄອບຄົວການນໍາຜູ້ອື່ນໆ, ນັກທຸກກິດ ແລະ ພໍ່ຄ້າຊາວຂາຍຈໍານວນໜຶ່ງໄດ້ນໍາເຄື່ອງໄປຊ່ວຍຄອບຄົວຜູ້ຖືກໄພພິບັດນໍ້າຖ້ວມໄຫຼຊຸຢູ່ບ້ານໜອງ ແລະ ປົ່ງແດງ, ເຊິ່ງເຄື່ອງທີ່ນໍາໄປຊ່ວຍເຫຼືອຄັ້ງນີ້ປະກອບມີ ສາດ, ຜ້າຫົ່ມ, ໝໍ້ໜຶ້ງ, ໝໍ້ແກງ ແລະ ເຄື່ອງໃຊ້ອື່ນໆ ເປັນມູນຄ່າ 14.300.000ກີບ. ນອກນັ້ນຍັງມີເຄື່ອງອຸປະໂພກ ແລະ ບໍລິໂພກຈໍານວນໜຶ່ງອີກ. ເຊິ່ງໄດ້ສະແດງໃຫ້ເຫັນເຖິງນໍ້າຈິດນໍ້າໃຈທີ່ດີງາມຂອງຊາວເມືອງແກ່ນທ້າວ ໂດຍສະເພາະ ຄອບຄົວການນໍາເມືອງແກ່ນທ້າວ ທີ່ຍາມໃດກໍມີຄວາມເປັນຫ່ວງເປັນໃຍຄວາມທຸກສຸກຂອງປະຊາຊົນພາຍໃນເມືອງ.








ທີ່ມາ: ຫ້ອງການ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ເມືອງແກ່ນທ້າວ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.