Header Ads

ຮອງປະທານສະຫະພັນແມ່ຍິງແຂວງບໍ່ແກ້ວ ໄດ້ເຂົ້າພົບປະໂອ້ລົມ ພ້ອມປິ່ນປົວ, ກວດສຸຂະພາບ ແລະ ມອບເຄື່ອງນຸ່ງຮົມຈໍານວນໜຶ່ງໃຫ້ ເອື້ອຍນ້ອງແມ່ຍິງນັກໂທດ ຢູ່ທີ່ຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ



ດ້ວຍຄວາມເປັນຫ່ວງເປັນໄຍຂອງສະຫະພັນແມ່ຍິງແຂວງຕໍ່ກັບເອື້ອຍນ້ອງນັກໂທດທີ່ພວມປະຕິບັດໂທດຢູ່ຄ້າຍຄຸມຂັງ-ດັກສ້າງ ປກສ ແຂວງບໍ່ແກ້ວ ໂດຍອີງຕາມການສະເໜີຂອງບັນດາເອື້ອຍນ້ອງນັກໂທດທີ່ພວມປະຕິບັດໂທດຢູ່ຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ ໃນຄັ້ງວັນທີ່ 13 ກໍລະກົດ 2017 ທີ່ຜ່ານມາ. ດັ່ງນັ້ນ, ໃນວັນທີ 27 ກໍລະກົດ 2017 ນີ້ ທ່ານ ນາງ ສາຍທອງ ກຸໂພຄຳ ຮອງປະທານສະຫະພັນແມ່ຍິງແຂວງບໍ່ແກ້ວ ໄດ້ເຂົ້າພົບປະໂອ້ລົມ ພ້ອມປິ່ນປົວ, ກວດສຸຂະພາບ ແລະ ມອບເຄື່ອງນຸ່ງຮົມຈໍານວນໜຶ່ງໃຫ້ ເອື້ອຍນ້ອງແມ່ຍິງນັກໂທດເນື່ອງໃນໂອກາດວັນສ້າງຕັ້ງສະຫະພັນແມ່ຍິງຄົບຮອບ 62 ປີ ຢູ່ທີ່ຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ, ເຂົ້າຮ່ວມມີທ່ານ ພັທ ສີພົນ ອິນຕະວົງ ຮອງຫົວໜ້າຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວພ້ອມດ້ວຍຄະນະ ຕະຫຼອດຮອດເອື້ອຍນ້ອງແມ່ຍິງນັກໂທດ ແລະ ເດັກນ້ອຍ ເຂົ້າຮ່ວມກວດສຸຂະພາບ.





ຈຸດປະສົງໃນການລົງຢ້ຽມຢາມໃນຄັ້ງນີ້ແມ່ນເພື່ອແນໃສ່ບັນຫາເລື່ອງສຸຂະພາບຂອງບັນດາເອື້ອຍນ້ອງນັກໂທດທີ່ພວມປະຕິບັດໂທດຢູ່ຄ້າຍຄຸມຂັງ-ດັກສ້າງ ປກສ ແຂວງບໍ່ແກ້ວ ພ້ອມດ້ວຍເດັກນ້ອງທີ່ມີອາຍຸຕໍ່າກວ່າ 18 ປີ ໄດ້ມີສຸຂະພາບທີ່ດີຂື້ນ ການເປັນຢູ່ດີຂື້ນ ທາງທີມງານສະຫະພັນແມ່ຍິງແຂວງ ແລະ ພະນັກງານ-ນັກຮົບຄ້າຍຄຸມຂັງດັດສ້າງໄດ້ພ້ອມກັນເອົາໃຈໃສ່ກວດສຸຂະພາບ, ຈ່າຍຢາປົວພະຍາດ ແລະ ເຄື່ອງນຸ່ງຮົມໃຫ້ກັບເອື້ອຍນ້ອງແມ່ຍິງນັກໂທດ ແລະ ເດັກນ້ອຍ ໃນຄ້າຍຂຸມຂັງດັດສ້າງຢ່າງເປັນຂະບວນຟົດຟື້ນ.

ທ້າຍພິທີ ທ່ານ ນາງ ສາຍທອງ ກຸໂພຄຳ ກໍ່ໄດ້ຮຽກຮ້ອງໃຫ້ເອື້ອຍນ້ອຍແມ່ຍິງນັກໂທດທຸກຄົນຈົ່ງມີແນວຄິດອຸ່ນອ່ຽງທຸ່ນທ່ຽງ ພ້ອມກັນເຄົາລົບນັບຖືບັນດາຂໍ້ກຳນົດກົດລະບຽບຂອງຄ້າຍຄຸມຂັງ-ດັດສ້າງວາງອອກໃຫ້ເຂັ້ມງວດ, ມີຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ພ້ອມກັນກັບເນື້ອກັບຕົວໃໝ່ ເມື່ອພົ້ນໂທດອອກໄປແລ້ວໃຫ້ກັບກາຍເປັນພົນລະເມືອງດີຂອງສັງຄົມ. ໂອກາດນີ້ສະຫະພັນແມ່ຍິງແຂວງຍັງໄດ້ນຳເອົາວັດຖຸປັດໄຈມາມອບໃຫ້ບັນດາເອື້ຶອຍນ້ອງນັກໂທດຍິງ ໃຫ້ກຽດມອບໂດຍ ທ່ານ ນາງ ສາຍທອງ ກຸໂພຄຳ ຮອງປະທານສະຫະພັນແມ່ຍິງແຂວງບໍ່ແກ້ວ ກ່າວຮັບໂດຍທ່ານ ພັທ ສີພົນ ອິນຕະວົງຮອງຫົວໜ້າຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ.

ຂ່າວ: ຮຕ ນາຊູ/ປກສ ແຂວງບໍ່ແກ້ວ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.