Header Ads

ໄຊຊະນະ ແກ້ວພິມພາ ຍັງໃຫ້ການປະຕິເສດຂໍ້ກ່າວຫາ



ເມື່ອເວລາ 9:00 ຂອງມື້ເຊົ້ານີ້ (31/7/2017) ທີ່ສານອາຍາຂອງຣາຊະອານາຈັກໄທ ສານໄດ້ນັດສອບສວນຄຳໃຫ້ການ ທີ່ໄອຍະການຟ້ອງ ທ້າວ ໄຊຊະນະ ແກ້ວພິມພາ (ຊາວລາວ), ທ້າວ ຊຸມພອນ ພະນົມໄພ (ຊາວໄທ) ແລະ ທ້າວ ຣັດສະພົນ (ຊາວໄທ) ເປັນຈຳເລີຍໃນຄະດີຮ່ວມກັນຄ້າຂາຍຢາເສບຕິດ ແລະ ມີຢາເສບຕິດ (ຢາບ້າ) ໄວ້ໃນຄອບຄອງ. ຜ່ານການສອບສວນ ຈໍາເລີຍທັງ 3 ຍັງໃຫ້ການປະຕິເສດທຸກຂໍ້ກ່າວຫາ ແລະ ຈະຫາທະນາຍຄວາມ ມາສູ້ຄະດີເອງ ສານຈຶ່ງນັດກວດກາພະຍານຫຼັກຖານເພີ່ມເຕີມ ໃນວັນທີ 25 ກັນຍາ 2017 ນີ້.



ນັບຕັ້ງແຕ່ເລີ່ມຈັບກຸມ ສາມາດຢຶດຢາບ້າ ທີ່ຈໍາເລີຍທັງ 3 ກັບພັກພວກຄອບຄອງໄດ້ 3.381.400 ເມັດ ແລະ ຢຶດຊັບສິນທີ່ໄດ້ມາໂດຍບໍ່ຖືກຕ້ອງຕາມກົດໝາຍ ໄດ້ 144 ລ້ານບາດໄທ (ປະມານ 35,28 ຕື້ກີບ). ສະເພາະໄຊຊະນະ ແກ້ວພິມພາ ເວລາຈັບກຸມຢູ່ສະໜາມບິນສຸວັນນະພູມ ແມ່ນບໍ່ມີຂອງກາງ, ລໍເບິ່ງຕໍ່ໄປວ່າ ຄະດີຈະຈົບລົງດ້ວຍຮູບການໃດ.


 ທີ່ມາ: khaowdang
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.