Header Ads

ກອງບັນຊາການ ປກສ ແຂວງ ບໍ່ແກ້ວໄດ້ເປີດກອງປະຊຸມ ສະຫຼຸບວຽກງານປ້ອງກັນຄວາມສະຫງົບປກສ ບໍລິການ ປະຊາຊົນກຸ່ມທົ່ວແຂວງບໍ່ແກ້ວ


ໃນວັນທີ 4 ເດືອນ ສິງຫາ 2017 ຜ່ານມາ ນີ້ ຢູ່ທີ່ກອງບັນຊາການ ປກສ ແຂວງ ບໍ່ແກ້ວໄດ້ເປີດກອງປະຊຸມ ສະຫຼຸບວຽກງານປ້ອງກັນຄວາມສະຫງົບປກສ ບໍລິການ ປະຊາຊົນກຸ່ມທົ່ວແຂວງບໍ່ແກ້ວ.
ໂດຍການເປັນປະທານຂອງ ທ່ານ ປອ ຄໍາພັນ ເຜີຍຍະວົງ ກໍາມະການສູນກາງ ເລຂາພັກແຂວງ ເຈົ້າແຂວງໆ ບໍ່ແກ້ວ ປະທານປ້ອງກັນຊາດ-ປ້ອງກັນຄວາມສະຫງົບແຂວງ/, ມີ ຄະນະພັກ ຄະນະບັນຊາ, ຫົວໜ້າພະແນກ, ຮອງພະແນກ, ຫົວໜ້າກອງບັນຊາການ ປກສ5 ເມືອງ 1 ເຂດ, ມີຫົວໜ້າກຸ່ມ, ຮອງກຸ່ມ ຕະຫຼວດຮອດ ປກສ ບໍລິການປະຊາຊົນທົ່ວແຂວງເຂົ້າຮ່ວມຢ່າງພ້ອມພຽງ.


ໃນກອງປະຊຸມ ທ່ານພັອ ລໍາໄພ ຍົດປະໄພ ກໍາມະພັກແຂວງ ເລຂາຄະນະພັກ ຫົວໜ້າກອງຊາການ ປກສ ແຂວງ ກໍ່ໄດ້ໃຫ້ກຽດຂຶ້ນຜ່ານເອກະສານສະພາບກົງຈັກການຈັດຕັ້ງ ແລະ ກໍາລັງຂອງ ປກສ ກຸ່ມບ້ານທົ່ວແຂວງບໍ່ແກ້ວ: ກໍາລັງ ປກສ ບໍລິການປະຊາຊົນແມ່ນພາກສ່ວນວິຊາສະເພາະຂຶ້ນກັບກອງບັນຊາການ ປກສ ເມືອງ,ເທດສະບານ, ມີຖານະເທົ່າພະແນກອ້ອມຂ້າງກອງບັນຊາ ປກສ ເມືອງ, ມີພາລະບົດບາດເປັນເສນາທິການໃຫ້ແກ່ກອງບັນຊາປກສເມືອງ, ເທດສະບານ, ເຈົ້າເມືອງ ໃນການຄຸ້ມຄອງລັດ, ຄຸ້ມຄອງສັງຄົມ, ປົກປັກຮັກສາບ້ານເມືອງໃຫ້ມີໃຫ້ມີຄວາມຮຽບຮ້ອຍ.




ທົ່ວແຂວງໄດ້ຈັດຕັ້ງຂຶ້ນມີທັງໝົດ 48 ກຸ່ມ, ມີກໍາລັງ ປກສ ປະຊາຊົນທີ່ປະຈໍາກຸ່ມພັດທະນາມີ 232ສະຫາຍ, ຍິງ 10 ສະຫາຍ, ໃນນີ້ມີ 5 ຕົວເມືອງ. ສະພາບການເຄື່ອນໄຫວໃນຊຸ່ມປີຜ່ານມາ ກໍາລັງ ປກສ ບໍລິການ ປະຊາຊົນທີປະຈໍາກຸ່ມສ່ວນໃຫຍ່ແມ່ນສະມາຊິກທີ່ໜັກແໜ້ນ, ຍຶດໝັ້ນຕໍ່ກັບອຸດົມການພັກ-ລັດ ແລະ ມີແນວຄິດອຸ່ນອ່ຽງທູ່ນທ່ຽງຕໍ່ກັບໜ້າທີ່ການເມືອງທີ່ພັກລັດມອບໃຫ້, ດ້ານຄວາມຮັບຜິດຊອບ: ເຖິງຈະຮັບຜິດຊອບກຸ່ມທີ່ຫ່າງໄກຊອກຫຼີກກໍ່ຕາມພະນັກງານ ພະນັກງານນັກຮົບແຕ່ລະສະຫາຍແມ່ນມີຄວາມບຸກບືນຕື່ນຕົວ ລົງປະຈໍາເຮັດໜ້າທີ່ ວິຊາສະເພາະຂອງຕົນຕາມການມອບໝາຍ, ຕີຖອຍບັນດາປະກົດການຫຍໍ້ທໍ້ຕ່າງໆໃນສັງຄົມເປັນຕົ້ນແມ່ນບັນຫາການຂີ້ລັກງັດແງະຊັບສົມບັດຂອງພົນລະເມືອງເຊັ່ນວ່າ: ການລັກລົດຈັກ, ການປຸ້ນຈີ້, ຊິງຊັບ, ໃຫ້ຫຼູດນ້ອຍຖອຍລົງເທື່ອລະກ້າວ. ກອງປະຊຸມຍັງໄດ້ມີການປະກອບຄໍາຄິດເຫັນ ແລະ ສະເໜີຂໍ້ຫຍຸ້ງຍາກຂອງບັນດາກຸ່ມ, ທີ່ມີຄວາມລໍາບາກຕໍ່ກັບວຽກງານວິຊາສະເພາະ ໃຫ້ແກ້ຂັ້ນເທິງຮັບຮູ້ ແລະ ຊ່ວຍແກ້ໄຂໃຫ້ແທກເໝາະກັບເວລາ.


ທ້າຍກອງປະຊຸມ ທ່ານ ປອ ຄໍາພັນ ເຜີຍຍະວົງ ກໍາມະການສູນກາງ ເລຂາພັກແຂວງ ເຈົ້າແຂວງໆ ບໍ່ແກ້ວ ປະທານປ້ອງກັນຊາດ-ປ້ອງກັນຄວາມສະຫງົບແຂວງ ກໍ່ໃຫ້ກຽດໂອ້ລົມ ກ່ອນອື່ນທ່ານໄດ້ສະແດງຄວາມຊົມເຊີຍຕໍ່ກັບອ້າຍນ້ອງກໍາລັງ ປກສ ກຸ່ມ, ເຮັດໜ້າທີ່ຂອງຕົນຕາມການໝອບໝາຍ, ແລະ ທ່ານຍັງໄດ້ເນັ້ນໜັກການກໍາແໜ້ນສະພາບຂອງພົນລະເມືອງ, ກຸ່ມຄົນບໍ່ດີທີ່ຍັງມີການເຄື່ອນໄຫວ່, ແລະ ສືບຕໍ່ວຽກທີ່ຍັງຄົງຄ້າງໃຫ້ບັນລຸຕາມເປົ້າໝາຍທີ່ກໍານົດໄວ້.



ຂ່າວ: ຮທ ວິທູນ ແກ້ວກັນຍາ/ປກສ ແຂວງບໍ່ແກ້ວ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.