Header Ads

ຜົນການແຂ່ງຂັນຊ່ວງເຮືອປະຈໍາປີ 2017 ທີ່ເມືອງນໍ້າບາກ


ວັນທີ່ 7 ສິງຫາ 2017 ເມືອງນໍ້າບາກຈັດງານແຂ່ງຂັນເຮືອຊ່ວງປະຈໍາປີ ຂື້ນໂດຍການເປັນປະທານຂອງທ່ານ ສົມພອນ ສີອຸດົມພັນ,ໃຫ້ກຽດເຂົ້າຮ່ວມຊົມຄັ້ງນີ້ໂດຍມີທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ,ມີບັນດາເມືອງອ້ອມຂ້າງ,ພ້ອມດ້ວຍການນໍາຂອງເມືອງ,ຕະຫຼອດຮອດປະຊາຊົນ,ແຂກທັງພາຍໃນ ແລະ ຕ່າງປະເທດເຂົ້າຮ່ວມຢ່າງຫຼວງຫຼາຍ.



ເພື່ອເປັນການສືບຕໍ່ມູນເຊື້ອຂອງຊາວເມືອງນໍ້າບາກ,ໃນຕອນເຊົ້າພາຍຫຼັງການນໍາຂອງເມືອງນໍາໂດຍທ່ານ ສົມພອນ ສີອຸດົມພັນ ເຈົ້າເມືອງນໍ້າບາກ ພ້ອມດ້ວຍປະຊາຊົນກໍ່ພາ ລົງຊົມຕະຫຼາດນັດມວນຊົນ ທີ່ທາງເມືອງນໍ້າບາກໄດ້ຈັດຂື້ນທຸກໆປີ ຢູ່ທີ່ໜ້າຫ້ອງວ່າການປົກຄອງເມືອງ ເຊິ່ງມີສິນຄ້າຫຼາກຫຼາຍສະນິດສ່ວນໃຫຍ່ແມ່ນມາຈາກທ້ອງຖິ່ນ ເປັນຕົ້ນແມ່ນພືດຜັກ,ໝາກໄມ້,ກຸ້ງ,ຫ້ອຍປູ,ປາ,ເຄື່ອງຫັດຖະກໍາ ແລະ ອື່ນໆ.


ຈາກນັ້ນທ່ານ ສຸກັນ ບຸນຍົງ ເຈົ້າເມືອງຫຼວງພະບາງ ແລະ ເຈົ້າເມືອງນໍ້າບາກ ພ້ອມດ້ວຍການນໍາປ່ອຍປາລົງສູ່ແມ່ນນໍ້າບາກ ເພື່ອລະນຶກເຖິງວັນອານຸລັກສັດນໍ້າ-ສັດປ່າ. ທ່ານ ສົມພອນ ສີອຸດົມພັນ ເຈົ້າເມືອງນໍ້າບາກ ຂື້ນກ່າວເປີດງານແຂ່ງຂັນຊ່ວງເຮືອປະຈໍາປີ 2017ວ່າ: ປີນີ້ມີເຮືອເຂົ້າແຂ່ງຂັນທັງໝົດ 13 ລໍາ ແບ່ງເປັນ 2 ປະເພດຄື: ປະເພດເຮືອປະເພນີ ຫຼື ເຮືອກູນ 6 ລໍາ ແລະ ປະເພດເຮືອສູດ ຫຼື ເຮືອປັບແຕ່ງສະພາບ 7 ລໍາ, ເຊິ່ງແຕ່ລະສາຍແມ່ນແຂ່ງແບບພົບກັນໝົດຂອງແຕ່ລະສາຍ ແລະ ມີຄັ້ງການແຂ່ງຂັນຕໍ່າສຸດ 23,ສູງສຸດ 36 ຮອບ, ໃນນັ້ນປະກອບມີ 4 ສາຍ, ຄື: ເຮືອປະເພນີ ສາຍ A ມີ: ບ້ານຟ້າ,ນໍ້າງາ ແລະ ບ້ານລີ່,ສາຍ B ມີ: ບ້ານໂຄ້ງ,ນໍ້າລາ ແລະ ບ້ານໂພນໄຊ,ເຮືອສູດ ສາຍ A ມີ: ເມືອງຊຽງເງິນ,ບ້ານບົມ,ໂພນສະອາດ ແລະ ບ້ານນະຄອນ ແລະ ສາຍ B ມີ: ກຸ່ມພັດທະນານໍ້າຖ້ວມ,ກຸ່ມນໍ້າງາ ແລະ ບ້ານໂພນໄຊ. ຜ່ານການແຂ່ງຂັນດ້ວຍບັນຍາກາດເບີກບານມ່ວນຊື່ນປະກົດວ່າ: ປະເພດເຮືອປະເພນີ ບ້ານໂພນໄຊ ເປັນແຊ້ມໄດ້ຮັບເງິນສົດ 4.000.000ກີບ ພ້ອມຂັນເງິນ 1 ໜ່ວຍ 500 g,ທີ່ 2 ບ້ານລີ່ ໄດ້ຮັບເງິນສົດ 3.500.000ກີບ,ພ້ອມຂັນ 1 ໜ່ວຍ 250 g,ທີ່ 3 ບ້ານໂຄ້ງ ໄດ້ຮັບເງິນສົດ 3.000.000ກີບ ພ້ອມຂັນ 1 ໜ່ວຍ 250 g,ທີ່ 4 ບ້ານນໍ້າງາ ຮັບເງິນສົດ 2.700.000ກີບ,ທີ່ 5 ບ້ານນໍ້າລາ ຮັບເງິນສົດ 2.300.000ກີບ,ທີ່ 6 ບ້ານຟ້າ 2.000.000ກີບ ແລະ ປະເພດເຮືອສູດ ຫຼື ເຮືອປັບແຕ່ງ ທີ່ 1 ເມືອງຊຽງເງິນ ໄດ້ຮັບເງິນສົດ 4.000.000ກີບພ້ອມຂັນ 1 ໜ່ວຍ 500 g,ທີ່ 2 ກຸ່ມພັດທະນານໍ້າຖ້ວມ ຮັບເງິນສົດ 3.500.000ກີບພ້ອມຂັນ 1 ໜ່ວຍ 250 g,ທີ່ 3 ບ້ານບົມ ຮັບເງິນສົດ 3.000.000ກີບພ້ອມຂັນ 1 ໜ່ວຍ 250 g,ທີ່ 4 ກຸ່ມນໍ້າງາຮັບເງິນສົດ 2.700.000ກີບ,ທີ່ 5 ບ້ານນະຄອນ ຮັບເງິນສົດ 2.400.000ກີບ,ທີ່ 6 ບ້ານໂພນສະອາດ ຮັບເງິນສົດ 2.200.000ກີບ ແລະ ທີ່ 7 ເຮືອຊ່ວງບ້ານໂພນໄຊ ຮັບເງິນສົດ 2.000.000ກີບ,ນອກຈາກນັ້ນຍັງມີລາງວັນຊົມເຊີຍເຮືອງາມ ເຊິ່ງແມ່ນເຮືອຊ່ວງບ້ານ ໂຄ້ງ ໄດ້ເປັນປີທີ່ 2 ຮັບເງິນສົດ 300.000ກີບ.ມອບລາງວັນໃນຄັ້ງນີ້ໂດຍມີທ່ານ ເຈົ້າເມືອງນໍ້າບາກ ແລະ ຄະນະພັດປ່ຽນກັນຂື້ນມອບຕາມລໍາດັບ. 

ຂ່າວ:ເພັດສາຄອນ ສິມມະວົງ/ຂ່າວສານຫຼວງພະບາງ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.