Header Ads

ເມືອງນໍ້າບາກຈັດງານແຂ່ງຂັນຊ່ວງເຮືອປະຈໍາປີ 2017 ຢ່າງມ່ວນຊື່ນ !



ວັນທີ່ 7 ສິງຫາ 2017 ເມືອງນໍ້າບາກໄດ້ຈັດງານແຂ່ງເຮືອຊ່ວງປະຈໍາປີ2017 ຂື້ນ ໂດຍການເປັນປະທານຂອງທ່ານ ສົມພອນ ສີອຸດົມພັນ ເຈົ້າເມືອງນໍ້າບາກ,ເຂົ້າຮ່ວມຊົມຄັ້ງນີ້ໂດຍມີທ່ານ ສຸກັນບຸນຍົງ ກໍາມະການປະຈໍາພັກແຂວງ,ເຈົ້າແຂວງຫຼວງພະບາງ,ພ້ອມດ້ວຍການນໍາຂອງເມືອງ,ຕະຫຼອດຮອດປະຊາຊົນ ແລະ ແຂກທັງພາຍໃນ ແລະຕ່າງປະເທດເຂົ້າຮ່ວມຢ່າງມ່ວນຊື່ນ.


ພິທີເລີ້ມຕົ້ນດ້ວຍການນໍາປ່ອຍປາລົງສູ່ແມ່ນນໍ້າບາກ ເພື່ອລະນຶກເຖິງວັນອານຸລັກສັດນໍ້າ-ສັດປ່າ ສໍາລັບປີນີ້ມີເຮືອຊ່ວງເຂົ້າແຂ່ງຂັນທັງໝົດ 13 ລໍາ,ສີພາຍບໍ່ເກີນ 27 ສີພາຍ,ແບ່ງເປັນ 2 ປະເພດຄື: ເຮືອເຄີ່ງປະເພນີ 6 ລໍາ ແລະ ເຮືອສູດ 7 ລໍາ,ປະກອບມີ 4 ສາຍ.ເຊິ່ງແຕ່ລະສາຍແຂ່ງແບບພົບກັນໝົດທຸກສາຍ ແລະ ມີຄັ້ງແຂ່ງຂັນຕໍ່ສຸດ 23 ລອງ ແລະ ສູງສຸດ 36 ລ່ອງ.ໃນນັ້ນເຮືອປະເພນີສາຍ A: ບ້ານຟ້າ,ນໍ້າງາ ແລະ ບ້ານລີ່,ສາຍ B ມີ:ບ້ານໂຄ້ງ,ນໍ້າລາ ແລະ ບ້ານໂພນໄຊ,ເຮືອສູດສາຍ A ມີ: ເມືອງຊຽງເງິນ,ບ້ານບົມ,ໂພນສະອາດ ແລະ ບ້ານນະຄອນ,ສາຍ B ມີ: ກຸ່ມພັດທະນານໍ້າຖ້ວມ,ກຸ່ມນໍ້າງາ ແລະ ບ້ານໂພນໄຊ.


ຂ່າວ: ເພັດສາຄອນ ສິມມະວົງ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.