Header Ads

ປະທານກໍາມາທິການ ແຜນການ, ການເງິນ ແລະ ການກວດສອບ ສະພາແຫ່ງຊາດ ລົງເຄື່ອນໄຫວຕິດຕາມກວດກາເຮັດວຽກຢູ່ ແຂວງຈໍາປາສັກ






ໃນຕອນເຊົ້າຂອງວັນທີ 4 ສິງຫາ 2017 ນີ້ ທ່ານ ປອ. ວິໄລວົງ ບຸດດາຄໍາ ປະທານກໍາມາທິການ ແຜນການ ການເງິນ ແລະ ການກວດສອບ ສະພາແຫ່ງຊາດ ພ້ອມຄະນະ ໄດ້ລົງເຄື່ອນໄຫວຕິດຕາມກວດກາເຮັດວຽກຢູ່ ແຂວງຈໍາປາສັກ ໂດຍໄດ້ປະສານສົມທົບກັບ ສະພາປະຊາຊົນແຂວງຈໍາປາສັກ. ເຊີ່ງການເຄື່ອນໄຫວຂອງທ່ານ ພ້ອມຄະນະໃນຄັ້ງນີ້, ໄດ້ພົບປະກັບທ່ານເຈົ້າແຂວງໆຈໍາປາສັກ ແລະ ຮັບຟັງການລາຍງານຫຍໍ້ກ່ຽວກັບສະພາບການຈັດຕັ້ງປະຕິບັດວຽກງານລວມຂອງແຂວງ. ຈາກນັ້ນ, ໄດ້ເປີດກອງປະຊຸມເຮັດວຽກຮ່ວມກັບ ບັນດາພະແນກການ ແລະອໍານາດການປົກຄອງຂອງແຂວງ ຢູ່ທີ່ຫ້ອງປະຊຸມ 406 ຂອງຫ້ອງວ່າການປົກຄອງແຂວງຈໍາປາສັກ. 



ເພື່ອຮັບຟັງການລາຍງານ ກຽວກັບການຈັດຕັ້ງປະຕິບັດວຽກງານ ກໍຄືການຈັດຕັ້ງປະຕິບັດມະຕິຂອງກອງປະຊຸມສະພາແຫ່ງຊາດ. ປະກອບມີ 14 ພະແນກການ ແລະພາກສ່ວນທີ່ກ່ຽວຂ້ອງເຂົ້າຮ່ວວມຄື: ພະແນກແຜນການ ແລະການລົງທຶນ, ພະແນກການເງີນ, ພະແນກຊັບພະຍາກອນທໍາມະຊາດ ແລະສິ່ງແວດລ້ອມ, ພະແນກສຶກສາທິການ ແລະກິລາ, ພະແນກກວດກາລັດ, ພະແນກກະສິກໍາ ແລະປ່າໄມ້, ພະແນກແຮງງານ ແລະສະຫວັດດີການ-ສັງຄົມ, ພະແນກຖະແຫຼງຂ່າວ ວັດທະນະທໍາ ແລະທ້ອງທ່ຽວ, ພະແນກສ່ວຍສາອາກອນ, ພະແນກພະລັງງານ ແລະບໍ່ແຮ່, ພາສີແຂວງ, ຫ້ອງງົບປະມານ, ຄັງເງິນປະຈໍາແຂວງ ແລະພະແນກສາທາລະນະສຸກ. ທັງນີ້, ກໍ່ເພື່ອເປັນການເກັບກໍາຂໍ້ມູນຕ່າງໆ ໃນການກະກຽມເນື້ອໃນໃຫ້ແກ່ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງ ຊາດ ຊຸດທີ VIII.

ພາບ-ຂ່າວ ສົມວິຈິດ ໄຊມົນຕີ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.