Header Ads

ລົງໂທດສອງສ່ຽວຄ້າຂາຍຢາເສບຕິດ ຕິດຄຸກຜູ່ລະ 5 ປີ! ປັບໃໝ ຜູ່ລະ 10 ລ້ານກີບ!


ສອງສ່ຽວຮ່ວມຂາຍຢາເສບຕິດຮັບໂທດຜູ້ລະ 5 ປີ

ທ້າວ ພອນສະຫວັນ ຫຼື ຕ່າມ ອາຍຸ 23 ປີ ແລະ ທ້າວ ອິນທະໄຊ ຫຼື ໜຸ່ມ ອາຍຸ 18 ປີ ທັງສອງຢູ່ບ້ານສີສະຫວາດ ເມືອງຈັນທະບູລີ ນະຄອນຫຼວງວຽງຈັນ ພວກກ່ຽວເປັນຈຳ ເລີຍຂໍ້ຫາຄ້າຂາຍຢາເສບຕິດ ປະເພດ ຢາບ້າ ຖືກສານອາຍາ ສານປະຊາຊົນຂັ້ນຕົ້ນ ນະຄອນຫຼວງວຽງຈັນ ຕັດອິດສະຫຼະພາບ ຄົນລະ 5 ປີ ປັບໃໝຜູ້ລະ 10.000.000 ກີບ ໃນວັນທີ 8 ສິງຫາ 2017.

ໃນສຳນວນຄະດີໄດ້ລະບຸວ່າ: ທ້າວ ພອນສະຫວັນ ເລີ່ມເຄື່ອນໄຫວເສບຢາເສບຕິດ ປະເພດຢາບ້າ ມາແຕ່ປີ 2013 ເປັນຕົ້ນມາ ຢາບ້າທີ່ນຳມາເສບແມ່ນຊື່ນຳໄວລຸ້ນຢູ່ພາຍ ໃນບ້ານ ແລະ ຕາມຮ້ານເກມ, ຮ້ານສະ ນຸກເກີ ມາເດືອນມິຖຸນາ 2016 ຮ່ວມກັນທ້າວ ອິນທະໄຊ ພົວພັນກັນ ກ່ຽວກັບຢາເສບຕິດມາຕະຫຼອດ ທັງເສບ ແລະ ຂາຍ. ມາຮອດ ວັນທີ 4 ຕຸລາ 2016, ມີຜູ້ຮ່ວມຂະບວນການດ່ຽວກັນໂທລະສັບມາສັ່ງຊື້ຢາບ້າ ຈຳນວນ 50 ເມັດ ໂດຍນັດຈຸດຊື້ຂາຍຢູ່ເສັ້ນທາງບ້ານສີສະຫວາດ. ຈາກ ນັ້ນຈຶ່ງ ໂທລະສັບຫາທ້າວ ອິນ ທະໄຊ ເອົາມຢາບ້າມາໃຫ້ ເມື່ອໄດ້ຢາບ້າ ແລ້ວ ກໍເອົາໄປສົ່ງໃຫ້ຜູ້ສັ່ງຊື້ຕາມນັດໝາຍ ພໍໄປ ຮອດຖືກເຈົ້າໜ້າທີ່ ກັກຕົວ ພ້ອມຂອງກາງຢາບ້າຈຳນວນດັ່ງກ່າວ.

ສ່ວນທ້າວ ອິນທະໄຊ ສາລະພາບວ່າ: ໄດ້ພົວພັນກັບຢາເສບຕິດມາ ແຕ່ປີ 2014 ໂດຍ ຊື້ຢູ່ຕາມຮ້ານສະນຸກເກີ ບ້ານ ໜອງດ້ວງ ເມືອງສີໂຄດ ຕະບອງ ຄັ້ງລະ 1-2 ເມັດ ມາວັນທີ 4 ຕຸລາ ຜູ້ຮ່ວມຂະບວນການນຳກັນ ບອກໃຫ້ເອົາຢາບ້າມາໃຫ້ຈຳນວນ 50 ເມັດ ພາຍຫຼັງ ກັບມາກໍຖືກເຈົ້າ ໜ້າທີ່ກັກຕົວ ມາດຳເນີນຄະດີ.

ຈາກຫຼັກຖານທີ່ຄົບຖ້ວນ ແລະ ຄຳຮັບສາລະພາບຂອງຈຳເລີຍ ຄະນະສານອາຍາ ສານ ປະຊາຊົນຂັ້ນຕົ້ນ ນະຄອນຫຼວງວຽງຈັນ ຈຶ່ງເຫັນ ຄວນ ຕັດອິດສະຫຼະພາບພວກຈຳເລີຍ ຈຳຄຸກຜູ້ລະ 5 ປີ ປັບໃໝ ຄົນລະ 10.000.000 ກີບ ສະຖານຄ້າຂາຍຢາເສບຕິດ.

ເບິ່ງຂ່າວອື່ນໆ ຈາກ ປກສ ໄດ້ທີ່

 ------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.