Header Ads

ປະຊາຊົນບ້ານອາຊິງໃຕ້ ໄດ້ຮັບການຊ່ວຍເຫລືອຕໍ່ເນື່ອງ


​ໃນວັນທີ 29 ກໍລະກົດຜ່ານມາ ທີ່ຫ້ອງວ່າການປົກຄອງເມືອງສະໝ້ວຍ ແຂວງ
ສາລະວັນບໍລິສັດຈະເລີນສະຫວັນກໍ່ສ້າງຂົວທາງຈຳກັດຮ່ວມກັບສິດເກົ່າໂຮງຮຽນອຸດົມເອກ 4 ແຂວງສະຫວັນນະເຂດ ແລະ ທະນາຄານຮ່ວມພັດທະນາ(JDB) ໜ່ວຍບໍລິການສາລະວັນ ໄດ້ມອບເຄື່ອງ ແລະເງິນຊ່ວຍເຫຼືອປະຊາຊົນເປັນຕົ້ນມີ: ເຂົ້າສານ, ອາຫານແຫ້ງ, ເຄື່ອງນຸ່ງຫົ່ມ, ເຄື່ອງຄົວເຮືອນ ແລະອື່ນໆ ມີມູນຄ່າລວມທັງໝົດ 24 ລ້ານກວ່າກີບ.


ໃນນີ້ທະນາຄານຮ່ວມພັດທະນາໜ່ວຍບໍລິການແຂວງສາລະວັນ ກໍ່ໄດ້ມອບເງິນຈຳ
ນວນ 5 ລ້ານກີບແລະກຸ່ມຕ່າງໆຈາກ​​ແຂວງສະຫວັນນະເຂດກໍ່ໄດ້ມອບເຄື່ອງຊ່ວຍເຫຼືອເຊັ່ນກັນລວມມູນຄ່າທັງໝົດ 38 ລ້ານກວ່າກີບແລະເງິນຈຳນວນໜຶ່ງມອບໃຫ້ປະຊາຊົນແຕ່ລະຄອບຄົວ.

​​ໃຫ້ກຽດມອບໂດຍ:​ ທ່ານ ແກ້ວສົມບູນ ດວງໂພທິສານ ປະທານບໍລິສັດຈະ
ເລີນສະຫວັນກໍ່ສ້າງຂົວທາງຈຳກັດ ແລະທ່ານ ຈັນທະລາ ດວງມະລາວັນ ຫົວ
ໜ້າທະນາຄານຮ່ວມພັດທະນາໜ່ວຍບໍລິການສາລະວັນແລະຕ່າງໜ້າກຸ່ມສະມາຄົມສະຫວັນນະເຂດ, ໃຫ້ກຽດຮັບໂດຍ ທ່ານ ພູທົງ ຄຳມະນີວົງ ຮອງເຈົ້າ
ແຂວງໆສາລະວັນ ປະທານຕ້ານແລ້ງຕ້ານຖ້ວມຂັ້ນແຂວງ ພ້ອມດ້ວຍພາກສ່ວນ
ທີ່ກ່ຽວຂ້ອງຈາກແຂວງ, ເມືອງເຂົ້າຮ່ວມ. 


ຈາກນັ້ນ,ກໍ່ໄດ້ຈັດແບ່ງປັນໃຫ້ແຕ່ລະຄອບຄົວທີ່ປະສົບເຄາະຮ້າຍຈຳນວນ 37 ຄອບຄົວ ເພື່ອໃຫ້ເຂົາເຈົ້າບັນເທົາຊີວິດການເປັນຢູ່ ໂດຍສະເພາະຢູ່ໃນໄລຍະ
ຟື້ນຟູບ້ານດັ່ງກ່າວອີກດ້ວຍ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

No comments

Powered by Blogger.