Header Ads

ຮູ້ແລ້ວສາເຫດ ແລະ ບົດຮຽນຂອງເຫດ ໄຟໄໝ້ ສິມວັດທາດນ້ອຍ, ຫຼວງພະບາງ!


ສາເຫດແລະບົດຮຽນ ຂອງໄຟໄຫມ້ວັດທາດນ້ອຍຫລວງພຣະບາງ 09/08/2017 ເມື່ອເວລາ 12:10 ໂມງ ຂອງວັນທີ່ 09/08/2017 ໄດ້ເກີດເຫດໄຟໄຫມແທ່ນບູຊາພຣະປະທານພາຍໃນສິມຂອງວັດທາຕຸນ້ອຍ ເມືອງຫລວງພຣະບາງ

ຫລັງຈາກມອດໄຟໄດ້ແລ້ວ ກວດກາເບິ່ງ ຄວາມເສຍຫາຍປະກອບມີ : ໂຕະບູຊາພຣະແລະພຸທທະຮູບຈຳນວນຫນຶ່ ງທີ່ຕັ່ງໄວ້ຕາມແຖນບູຊາພ້ອມພຣະພຸທທະຮູບຕ່າງໆ (ດັງຮູບນີ້ເຫດເກີດທີ່ວັດມະຫາທາຕ ຣາຊວໍຣວິຫາຣ ຫລື ວັດທາດນ້ອຍ ເມືອງຫລວງພະບາງ)



 ສຳລັບສິມແລະພຣະປະທານຍັງຄືເກົ່າແຖນພຣະປະທານ ໄດ້ຮັບຜົນກະທົບ ນ້ອຍຫນຶ່ງ

#ສາຍເຫດ ແມ່ນມີພໍ່ອອກມາໄຕ້ທຽນບູຊາ ໃນເວລາເພລພໍດີ ເຊິ່ງເພິ່ນໄດ້ໄຕ້ບູຊາແລ້ວປິດປະຕູອາຮາມໄວ້ ເລີຍເກີດອັກຄີໄພດັງທີ່ເຫັນນີ້ແລ

ຮູບພາບແລະຂ່າວຈາກເພຈ : ສາທຸ ດີ ຄຳພີລະປັນໂຍ ແລະ ເພຈ ວັດຊຽງທອງ



ບົດຮຽນທີ່ຖອດຖອນໄດ້ໃນເຫດການນີ້ :

ວັດທາຕຸນ້ອຍແຫ່ງນີ້ ຕາມທີ່ຜູ້ຊົງຄຸນນະວຸຸທເວົ້າໃຫ້ຟັງມາວ່າ ເຄີຍເກີດເຫດລັກສະນະແນວນີ້ມາແລ້ວ ໃນປະມານປີ 1950 ກວ່າໆ ພຸ້ນ ເຊິ່ງໃນໄລຍະນັ້ນ ເຮັດໃຫ້ສິມຖືກເຜົາໄຫມຫມົດ ສິມປະຈຸບັນນີ້ແມ່ນເພິ່ນສ້າງຂຶ້ນໃຫມ່



ຕາມຮີດຕາມຄອງແລ້ວ ຢູ່ຫລວງພຣະບາງ ແຕ່ລະວັດ ແມ່ນເພິ່ນຈະມີອູບມຸງໄວ້ຫນ້າສິມ ຂ້າງສິມ ( ພາຍນອກ ) ເພິ່ນໃຫ້ຜູ້ຄົນມາບູຊາ ດ້ວຍດອກໄມ້ທູບທຽນ ຫລືແມ່ນແຕ່ເຂົ້າ ກໍ່ບູຊາອູບນີ້ ເພິ່ນບໍ່ໃຫ້ຜູ້ຄົນໄປບູຊາພາຍໃນສິມ ມີແຕ່ພຣະສົງສູດມົນ ເຮັດສັງຄະກຳ ບວດ.... ຕ່າງໆ ຫລັງຈາກແລ້ວພິທີແລ້ວເພິ່ນຈະມອດໄຟ ມອດທູບທຸກຄັ້ງໄປ ນີ້ກໍ່ເປັນບົດຮຽນອັນຫນຶ່ງທີ່ວັດຕ່າງໆ ຄວນເອົາໃຈໃສເລື່ອງແບບນີ້ໃຫ້ເຂັ້ມງວດຂຶ້ນ ໂດຍສະເພາະກາງພັນສາ ບາງວັດກໍ່ມີທຽນພັນສາໃຫຍ່ໆ ທີ່ຜູ້ຄົນມາຖວາຍ ແລະກໍ່ໄຕ້ກັນພາຍໃນສິມ ແປວໄຟຂອງທຽນພັນສານີ້ ຕົ້ນໃຫຍ່ ໄສ້ໃຫຍ່ ໄຟກໍ່ໃຫຍ່ໄປດ້ວຍ ເຮັດໃຫ້ແປວໄຟດັ່ງກ່າວ ຂາງເພດານຂອງສິມ ເຮັດໃຫ້ແຫ້ງ ຖືກຄວາມຮ້ອນແລ້ວກໍ່ເປັນເຊື້ອໄຟຢ່າງດີ ແລະກໍ່ມີບົດຮຽນມາແລ້ວ ນັ້ນກໍ່ຄືວັດໜອງສີຄູນເມືອງ ກໍ່ເກີດມາແລ້ວ ແບບນີ້ເອງ .



ດັ່ງນັ້ນ ຈຶ່ງຂໍຮ້ອງໃຫ້ທຸກໆວັດໃນເມືອງຫລວງພຣະບາງຈົ່ງລະມັດລະວັງ ເລື່ອງໄຕ້ທູບທຽນ ໃນຍາມພັນສາແບບນີ້ເປັນພິເສດ ແລະຄວນບອກຜູ້ມີສັດທາທັງຫລາຍໃຫ້ໄຕ້ຢູ່ພາຍນອກສິມແລະເຮັດພິທີແລ້ວກໍ່ມອດ ຈຶ່ງຈະໄດ້ບຸນ ແລະປອດໄພກັບສາສະໜາສະຖານທີ່ເຄົາລົບແບບນີ້ .




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.