Header Ads

ບ້ານປາກອື່ມ ຫາ ບ້ານວັງຊຽງ ເມືອງໂພນທອງ ໄດ້ຮັບຜົນກະທົບຈາກໄພນ້ຳຖ້ວມໄຫຼນອງ 4/8/2017


ເມືອງໂພນທອງ ແຂວງຫຼວງພະບາງ: ວັນທີ່ 4 ສິງຫາ ນີ້ ໄດ້ເກີດເຫດການນ້ຳຖ້ວມເສັ້ນທາງແລະເຮືອນຂອງປະຊາຊົນຈໍານວນໜຶ່ງ ໂດຍບໍ່ເຄີຍມີມາກ່ອນ ຢູ່ລະຫ່າງ ບ້ານປາກອືມ ຫາ ບ້ານ ວັງຊຽງ.ແລະບ້ານຈໍານວນໜຶ່ງທີ່ຢູ່ເຂດຕໍ່າ, ເຫດການນ້ຳຖ້ວມ ແມ່ນໄດ້ເກີດຂື້ນໃນເວລາປະມານ 7:30 ຂອງວັນທີ່ 4 ສິງຫາ ເນື່ອງຈາກມີຝົນຕົກໜັກໃນຫຼາຍຊົ່ວໂມງ ໄດ້ເຮັດໃຫ້ສາຍນ້ຳອືມ,ສາຍນ້ຳມັດ ແລະ ສາຍນ້ຳແມນໄດ້ເກີດມີສະພາບນ້ຳໄຫຼຢ່າງຮ້າຍແຮງຢູ່ຈຸດຂົວຈົມ ບ້ານປາກອຶມ ໄປຫາ ບ້ານ ວັງຊຽງ ອັນໄດ້ເຮັດໃຫ້ປະລິມານນ້ຳ ໄດ້ໄຫຼເຂົ້າຖ້ວມບ້ານເຮືອນຂອງປະຊາຊົນໃນລະດັບປະມານ 1 ແມັດ ສົ່ງຜົນເຮັດໃຫ້ເຮືອນປະຊາຊົນ ໄດ້ຮັບຜົນເສຍຫາຍ ຈໍານວນໝຶ່ງໃນນີ້ ໄດ້ມີເສັ້ນທາງ ເປ່ເພເຊາະເຈືອນ, ຕັດຂາດ,ເຮືອນເປ່ເພຈຳນວນ 5 ຫຼັງຄາເຮືອນ ພ້ອມກັນນັ້ນ ກໍ່ມີວັດຖຸສີ່ງຂອງເຄື່ອງໃຊ້, ເຄື່ອງນຸ່ງຮົ່ມ ຂອງປະຊາຊົນຫຼາຍຄອບຄົວໄດ້ຮັບຄວາມເສຍຫາຍ ຫຼາຍສົມຄວນ.



ຕໍກັບເຫດການທີ່ເກີດຂື້ນ ໄດ້ມີກຳລັງທະຫານຂອງເມືອງແລະປະຊາຊົນ,ພະນັກງານເຂົ້າໃຫ້ການຊ່ວຍເຫຼືອ ໂດຍສະເພາະແມ່ນການຍົກຍ້າຍເຄື່ອງໃຊ້ ອອກຈາກພື້ນທີ່ນ້ຳຖ້ວມ ຈື່ງເຮັດໃຫ້ບໍ່ມີຜູ້ບາດເຈັບ ຫຼື ເສຍຊີວິດຈາກເຫດການໃນຄັງນີ້ ເຖົ້າແກ່ຜູ້ອາວຸດໂສໄດ້ເວົ້າສູ່ຟັງວ່າ: ໃນແຕ່ລະປີສາຍນ້ຳອືມ,ສາຍນ້ຳມັດແລະສາຍນ້ຳແມນ ແມ່ນມີປະລິມານສູງ ແລະ ໄຫຼນອງເປັນປົກກະຕິ ແຕ່ໃນຄັ້ງນີ້ ແມ່ນຮ້າຍແຮງໂດຍບໍ່ເຄີຍພົບເຫັນມາກ່ອນໃນລັກສະນະນີ້.ສະນັ້ນຈິງໄດ້ເປັນການແຈ້ງເຕືອນເຖິງຜູ້ທີຈະເດີນທາງໄປມາເຂົ້າສູ່ເມືອງໂພນທອງແຂວງຫຼວງພະບາງຈົ່ງສະມີສະຕິລະວັງຕົວແລະຕ້ອງສອບຖາມຂໍມູນຢ່າງລະອຽດຜົນເສຍຫາຍແລະຄວາມຄືບໜ້າສະພາບ,ເຫດການ ຂ່າວຈະລາຍງານໃຫ້ຮູ້ຕືມ.

ຂ່າວ: ທ້າວ ທະນູສິນ ອິດທິພົນ













------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.