Header Ads

ບໍລິສັດ ປາກຊ່ອງໄຮແລນ ຈັດພິທີມອບໃບກຽດຕິຄຸນ ແກ່ພະນັກງານຍາມ ທັງສອງທີ່ຊື່ສັດ ແລະ ເຮັດຄວາມດີແກ່ສັງຄົມ!


ຈຳປາສັກ: ຄົນດີທີ່ຄວນເອົາເປັນແບບຢ່າງ! ມື້ນີ້ 11 ສິງຫາ 2017 ນຳເອົາຂ່າວຂອງສອງບ່າວ ອາຊີບຍາມ ຮັກສາຄວາມປອດໄພ ທີ່ ປາກຊ່ອງ ໄຮແລນ. ເຊິ່ງທັງສອງແມ່ນໄດ້ເກັບກະເປົາເງິນໄດ້ ແລະ ນຳສົ່ງເຈົ້າຂອງ. ເພື່ອເປັນການຊົມເຊີຍ ຄວາມດີ ແລະ ປູກຈິດສຳນຶກ ການທຳຄວາມດີ ຂອງຄົນໃນສັງຄົມ. ທາງບໍລສັດ ປາກຊ່ອງໄຮແລນ ໄດ້ຈັດພິທີມູບໃບກຽດຕິຄຸນ ໃນນາມບໍລິສັດ ໃຫ້ແກ່ ທັງສອງຢ່າງສົມກຽດ.

ຊົມເຊີຍ!!!!










ທ້າວວິລະກອນ ຈັນທະມີນາວົງ ຈາກບ້ານສີໄຄທົ່ງ ເມືອງສີໂຄດຕະບອງ ນະຄອນຫຼວງວຽງຈັນ(ຕາມບັດປະຊາຊົນ)ເຈົ້າຂອງກະເປົ໋າເງິນ 10 ກວ່າລ້ານກີບທີ່ເປັນຂ່າວໂດ່ງດັງວ່າງ 2-3 ມື້ຜ່ານມານີ້ ໂດຍແມ່ນສອງໜຸ່ມ ລປພ ຈາກບໍລິສັດຈຳປາຮັກສາຄວາມປອດໄພເກັບໄດ້ ພາຍຫຼັງກັບຮອດບ້ານໄດ້ນຳເງິນທີ່ໄດ້ຄືນສ່ວນໜຶ່ງໄປທຳບຸນ ແລະສົ່ງເງິນໄປເພີ່ມໃຫ້ 2 ໜຸ່ມ ລປພ ຄືທ້າວ ອະນຸສິດ ວິລະໄຊ ແລະທ້າວ ແສງອາລຸນ ສຸກກະເສີມ ອີກ 2 ລ້ານກີບລວມເປັນ 2.600.000 ກີບ ເພື່ອເປັນສິນນ້ຳໃຈສົມມະນາບຸນຄຸນທີ່ມີນ້ຳໃຈຊື່ສັດມອບເງິນທີ່ເກັບຄືນໃຫ້ແກ່ເຈົ້າຂອງເດີມ.



ທ້າວອະນຸສິດ ນີລະໄຊ ກ່າວວ່າ: ກ່ອນໜ້ານີ້ທີ່ເຈົ້າຂອງເງິນມອບ 6 ແສນກີບໃຫ້ພວກຕົນນັ້ນ ກໍພໍໃຈແລ້ວ ແລະ ບໍ່ໄດ້ຄິດວ່າໜ້ອຍຫຼື ຫຼາຍເພາະເປັນນ້ຳໃຈຈາກເພິ່ນ ແລະເງິນທີ່ເກັບໄດ້ກໍ່ເປັນເງິນເພິ່ນ ຊຶ່ງສອງຄົນຕັ້ງໃຈຈະມອບຄືນເຈົ້າຂອງກະເປົ໋າໂດຍບໍ່ຫວັງສິ່ງຕອບແທນ ແຕ່ພາຍຫຼັງອອກຂ່າວໃນເພັສຕ່າງໆທາງສັງຄົມອອນລາຍປະຊາຊົນຈຳນວນໜຶ່ງໄດ້ຕຳໜິວ່າ ທ້າວວິລະກອນໃຫ້ເງິນໜ້ອຍເກີນໄປ ຈຸດນີ້ໜຸ່ມໃຈດີທັງສອງໄດ້ຝາກຜ່ານເຟສຂ່າວຂອງພວກເຮົາ.


ຂໍສັງຄົມເຂົ້າໃຈເພາະເຈົ້າຂອງເງິນເອງກໍ່ມີພາລະໜ້າທີ່ໆຕ້ອງຮັບຜິດຊອບຫຼາຍຢ່າງ ແລະການທີ່ພວກຕົນເກັບໄດ້ກໍ່ມີຄວາມຍິນດີເອົາໄປຄືນດ້ວຍນ້ຳໃສໃຈຈິງແທ້ ສະນັ້ນຂໍສັງຄົມຢ່າຕຳໜິເຈົ້າຂອງກະເປົ໋າໄປໃນແງ່ລົບ ແລະຂອບໃຈທຸກກຳລັງໃຈ, ທຸກແຮງສະໜັບສະໜັບທີ່ສົ່ງໃຫ້ ພວກຕົນທັງສອງຈະເປັນຄົນດີຂອງສັງຄົມຕະຫຼອດໄປ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.