Header Ads

ລັດອະນຸມັດງົບ 180 ຕື້ກີບ ເພື່ອຂະຫຍາຍກອງ ທຶນປະກັນສຸຂະພາບ



ອີງຕາມການລາຍງານຂອງ ຂປລ ວ່າ: ລັດຖະບານ​ລາວ​ ໄດ້​ຈັດ​ສັນ​ງົບປະມານ 180 ຕື້​ກີບ​ ເພື່ອ​ຂະຫຍາຍ​ກອງ​ທຶນ​ປະກັນ​ສຸຂະພາບ ​ສໍາລັບ​ສົກ​ປີ 2017-2018​ ໂດຍ​ເລັ່ງ​ໃສ່​ການ​ເພີ່ມ​ໂອກາດ ​ໃຫ້​ປະຊາຊົນ​ເຂົ້າ​ເຖິງ​ການ​ບໍລິການ​ສຸຂະພາບຫລາຍ​ຂຶ້ນ​ກວ່າ​ເກົ່າ. ກອງທຶນດັ່ງກ່າວ, ເປັນທີ່ຮູ້ຈັກກັນ​ດີ​ວ່າ 30.000 ກີບ ສໍາລັບການ​ປິ່ນປົວພະຍາດທັງໝົດ ​ໂດຍໄດ້ຮັບທຶນຈາກປະກັນໄພສຸຂະພາບແຫ່ງຊາດ (NHI) ທີ່​ຄວບ​ຄຸມ 16 ແຂວງ ໃນທົ່ວປະເທດ ປະກອບ​ມີ ແຂວງຫົວພັນ, ຊຽງຂວາງ, ວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ຫລວງນ້ຳທາ, ເຊກອງ, ອັດຕະປື, ສາລະວັນ, ຜົ້ງສາລີ, ອຸດົມໄຊ, ຈໍາປາສັກ, ບໍ່ແກ້ວ, ໄຊສົມບູນ ແລະ ​ແຂວງໄຊຍະບູລີ, ສ່ວນ​ແຂວງຫລວງພະບາງ ແລະ ນະຄອນຫລວງວຽງ​ຈັນ ຍັງບໍ່ໄດ້ລວມເຂົ້າ ໃນການປະກັນສຸຂະພາບແຫ່ງຊາດ ​ເຊິ່ງມີຈຸດປະສົງ ເພື່ອສະເໜີ ໃຫ້ກວດສຸຂະພາບ ແລະ ​ໃຫ້ຄວາມສະດວກ ໃນການປິ່ນປົວສໍາລັບປະຊາຊົນ ໃນ​ເຂດທ້ອງຖິ່ນ. ພ້ອມ​ດຽວ​ກັນ​, ​ກອງ​ທຶນ​ປະກັນ​ສຸຂະພາບດັ່ງກ່າວ​, ຍັງ​ໄດ້​ເລັ່ງ​ໃສ່ເປົ້າໝາຍສໍາລັບປະຊາຊົນ ຜູ້ທີ່ບໍ່ໄດ້​ເປັນສະມາຊິກປະກັນ​ສຸຂະພາບລັດຖະບານ ຫລື ປະກັນໄພສຸຂະພາບເອກະຊົນ ຈໍານວນ 5 ລ້ານ​ກວ່າ​ຄົນ ​ໃຫ້ສາມາດ​ເຂົ້າເຖິງ ​ແລະ ​ໄດ້​ປະ​ໂຫຍ​ດຈາກການ​ບໍລິການ​ປະກັນ​ສຸຂະພາບ​ພາຍ​ ໃນ​ປີ 2020.

ທ່ານ ບຸນ​ເພັງ ພູ​ມະ​ໄລ​ສິດ ຜູ້ອໍານວຍການສໍານັກງານ ປະກັນສຸຂະພາບແຫ່ງຊາດ, ກະຊວງສາ ທາລະນະສຸກ​ ໄດ້​ເປີດ​ເຜີຍ​ອາທິດ​ຜ່ານ​ມາ​ນີ້​ ວ່າ:  ກອງທຶນນີ້ ແມ່ນເພື່ອປັບປຸງການເຂົ້າເຖິງ ການບໍລິການສຸຂະພາບ ໂດຍສະເພາະ ຜູ້ທີ່ບໍ່​ໄດ້​ຢູ່​ໃນ​ການ​ຄຸ້ມ​ຄອງ ຫລື ບໍ່​ມີບັດປະກັນສັງຄົມ. ພາຍໃຕ້ກອງທຶນນີ້, ປະຊາຊົນ​ໄດ້ຮ້ອງຂໍໃຫ້ຈ່າຍພຽງແຕ່ 30.000 ກີບ ຕໍ່ການກວດກາພະຍາດສໍາລັບ​ເງື່ອນ​ໄຂ​ໃດ​​ໜຶ່ງ ລວມທັງການກວດສຸຂະພາບ ແລະ ການປິ່ນປົວຢູ່ໂຮງໝໍ ຂອງລັດຖະບານ ແລະ ສຸກສາລາໃນຊຸມຊົນ. ທຶນດັ່ງ ກ່າວ, ຈະຄວບ​ຄຸມເອົາການ​ຮັກສາປິ່ນປົວ​ທັງ​ໝົດ ລວມທັງຜ່າຕັດ​​ໄດ້ເຖິງ 5 ລ້ານກີບ, ຖ້າວ່າບັນຊີລາຍການປິ່ນປົວທາງການແພດ​ເກີນ 5 ລ້ານກີບ ໝາຍວ່າກອງທຶນຈະຊ່ວຍຈ່າຍ​ໃຫ້ 75%.

ທ່ານ ດຣ. ສີ​ທົນ ​ໄຊ​ວິ​ໄລ​ສັກ ຜູ້ອໍານວຍການພະແນກທາລະນະສຸກ​ ແຂວງ​ເຊ​ກອງ ​ລາຍ​ງານ​ວ່າ: ກອງທຶນນີ້, ແມ່ນຈະ​ເຮັດໃຫ້ປະຊາຊົນຈໍານວນຫລາຍ ສາມາດເຂົ້າເຖິງບໍລິການສຸຂະພາບຄຸນນະ ພາບ​ໄດ້​ຫລາຍ​ຂຶ້ນ​ກວ່າ​ເກົ່າ. ​ໃນ​ອະດີດ​ຜ່ານ​ມາ ປະຊາຊົນ ຢູ່ໃນກຸ່ມເປົ້າໝາຍດັ່ງກ່າວ, ບໍ່ໄດ້ເຂົ້າເຖິງການບໍລິການສຸຂະພາບຢ່າງ​ທົ່ວ​ເຖິງ ເນື່ອງຈາກວ່າ ພວກເຂົາເຈົ້າຍັງທຸກຍາກຫລາຍ.

ແຫລງຂ່າວ: ຂປລ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.