Header Ads

ຄຸນປະໂຫຍດຂອງຜັກກູດທີ່ຫຼາຍຄົນອາດຍັງບໍ່ທັນຮູ້



ຖ້າເວົ້າເຖິງຫຼາຍຄົນຄົງຮູ້ດີ ເພາະຜັກ​ກູດ​ ຖືເປັນ​ພືດຊະນິດ​ໜຶ່ງ​ ເຊິ່ງ​ສາມາດ​ນຳ​ມາປຸງ​ເປັນ​ອາຫານ​ໄດ້​ ແລະ​ ຍັງ​ເປັນ​ຜັກ​ພື້ນ​ບ້ານ​ທີ່​ມີ​ປະໂຫຍດ​ອີກ​ດ້ວຍ​ ນິຍົມ​ນຳ​ຍອດ​ອ່ອນ​ ແລະ​ ໃບ​ອ່ອນ​ມາປຸງ​ອາຫານ​ຫລື​ ລວກ​ກັບແຈ່ວ ພືດ​ຊະນິດ​ນີ້​ ມັກ​ຂຶ້ນ​ຢູ່​ຕາມ​ບໍລິເວນ​ທີ່​​ຊຸ່ມ​ນ້ຳ​ ແຄມຫ້ວຍ​ ໜອງ​ ບຶງ​ ໃນ​ພື້ນ​ທີ່​ເປີດ​ໂລ່ງ​ ຍິ່ງ​ໃນ​ຊ່ວງ​ໜ້າ​ແລ້ງ​ ຜັກ​ກູດ​ຈະ​ມີຣົດ​ຊາດ​ແຊບ​ກວ່າ​ລະດູ​ອື່ນ​ໆ​ ຜັກ​ກູດ​ຈະ​ມີຣົດຈືດ​ອົມ​ຫວານ​ ກອບ​​ ເປັນ​ຜັກ​ທີ່​ມີ​ເສັ້ນ​ໃຍ​ກາກ​ຫລາຍ​ ເຮັດໃຫ້​ລະບົບ​ຂັບ​ຖ່າຍ​ດີ​ ນອກ​ຈາກ​ນີ້​ຍັງມີ​ ວິ​ຕາ​ມິນ​ເອ​ ວິ​ຕາ​ມິນ​ບີ​1​ ວິ​ຕາ​ມິນ​ບີ​2​ ວິ​ຕາ​ມິນ​ຊີ​ ແລະ​ ໄນ​ອາ​ຊິນ​ ຂ້ອນ​ຂ້າງ​ສູງ​ ນຳ​ມາລວກ​ຫລື​ຕົ້ມ​ໃຫ້​ສຸກ​ ໃຊ້​ເປັນ​ຜັກກິນກັບແຈ່ວປະເພດ​ຕ່າງ​ໆ​ ຫລື ​ນຳ​ໄປຸ​ປງ​ອາຫານ​ໄດ້​ຫຼາຍ​ຢ່າງ​.


 ສັບ​ພະຄຸນ​ຂອງ​ຜັກ​ກູດ​
- ຊ່ວຍ​ເພີ່ມ​ພູ​ມຄຸ້ມ​ກັນ​ ແລະ​ ຊ່ວຍ​ຕໍ່​ຕ້ານ​ອະ​ນຸ​ມູນ​ອິດສະຫລະ​
- ໃບ​ຜັກ​ກູດ​ນຳ​ມາ​ຕົ້ມ​​ດື່ມ​ ຊ່ວຍ​ແກ້​ໄຂ້​ຕັວ​ຮ້ອນ​
- ເປັນ​ຜັກ​ທີ່​ມີ​ຄຸນສົມບັດ​ຊ່ວຍ​ດັບ​ຮ້ອນ​
- ຊ່ວຍ​ຫລຸດ​ລະ​ດັບ​ຄໍ​ເລດ​ເຕີ​ຣອນ​ໃນ​ເມັດ​ເລືອດ​
- ອຸດົມ​ໄປ​ດ້ວຍ​ທາດ​ເຫຼັກ​ ແລະ ​ບີ​ຕາ​ແຄ​ໂຣ​ທີນ​
- ຊ່ວຍ​ແກ້​ພະຍາດ​ເລືອດ​ຈາງ​
- ຊ່ວຍ​ບຳ​ຣຸງ​ສາຍ​ຕາ​
- ຊ່ວຍ​ລະບົບ​ຂັບ​ຖ່າຍ​ ເພາະ​ເປັນ​ຜັກ​ທີ່​ມີ​ເສັ້ນ​ໃຍສູງ​ຫລາຍ​

ຂໍ້​ຄວນ​ລະ​ວັງ​ : ບໍ່​ຄວນ​ຮັບປະທານ​ຜັກ​ກູດ​ແບບ​ດິບ​ໆ​ ຫລື​ ແບບ​ສົດ​ໆ​ ໃນປະລິມານທີ່ຫຼາຍເກີນໄປ ເນື່ອງ​ຈາກ​ຜັກ​ກູດ​ມີ​ສານ​ອອກ​ຊາ​ເລດ​ໃນ​ປະລິມານ​ທີ່​ສູງ​

ທີ່ມາ:  laoshealth 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.