Header Ads

ຊີອີີໂອຫົວເຫວີຍກ່າວເຖີງລະອຽດຂອງ Huawei Mate 10 ວ່າຈະມີດີກ່ວາ ໄອໂຟນລຸ້ນໃຫມ່


ພວກເຮົາຄາດວ່າ Huawei ກຳລັງພັດທະນາເທັກໂນໂລຢີໃຫມ່ເພື່ອທີ່ຈະໃຊ້ເປີດໂຕ Mate 10 ໃນໄວໆນີ້, ເພາະວ່າ Mate 8 ແລະ Mate 9 ກໍ່ໄດ້ປ່ອຍຕົວໃນເດືອນພະຈິກປີ 2015 ແລະ ເດືອນພະຈິກປີ 2016 ຕາມລຳດັບ, ແຕ່ຕາມຂ່າວລືກ່ຽວກັບໂທລະສັບມືຖືຍັງບໍ່ມີການອັນເດດກ່ຽວກັບເລື່ອງນີ້ເລີຍ. ແຕ່ຢ່າງໃດກໍ່ຕາມ, ໃນການສໍາພາດກັບ Bloomberg, ຜູ້ບໍລິຫານສູງສຸດຂອງ ກູ່ມທຸລະກິດເພື່ອຜູ້ຊົມໃຊ້ ຂອງຫົວເຫວີຍ ທ່ານ ລິຊາດ ຢູ ໄດ້ຢືນຢັນທີ່ຈະເປີດໂຕສະມາດໂຟນລຸ້ນນີ້ແລ້ວ, ແລະໄດ້ກ່າວໃຫ້ເຫັນບາງຢ່າງກ່ຽວກັບສິ່ງທີ່ສະມາດໂຟນລຸ້ນນີ້ຈະສະເຫນີ.
ອິງໃສ່ບົດລາຍງານທາງອິນເຕີເນັດທີ່ຜ່ານມາ, ທ່ານ ລິຊາດ ຢູ ໄດ້ອະທິບາຍກ່ຽວກັບ ຫົວເຫວີຍ Mate 10 ວ່າຈະແຂ່ງຂັນກັບ Apple iPhone ຄົບຮອບ 10 ປີ ໄດ້ແນວໃດ. ທ່ານໄດ້ ກ່າວອີກວ່າ ຫົວເຫວີຍ Mate 10 ຈະເປັນ "ຜະລິດຕະພັນທີ່ມີປະສິດທິພາບຫຼາຍ" ກວ່າໄອໂຟນລຸ້ນໃຫມ່, ເຊິ່ງ: "ຫົວເຫວີຍ Mate 10, ເຊິ່ງມີແບດເຕີຣີເພີ່ມຂື້ນ, ມີຈໍສະແດງຜົນໃຫຍ່ຂື້ນ, ກ້ອງຖ່າຍຮູບທີ່ດີກວ່າ ແລະ ອີກຫຼາຍ ຄຸນນະສົມບັດອື່ນໆທີ່ຈະຊ່ວຍໃຫ້ພວກເຮົາແຂ່ງຂັນກັບ Apple"
ໃນສ່ວນທີສອງຂອງຄໍາຖະແຫຼ່ງຂອງທ່ານ, ມັນຍັງແມ່ນເລື່ອງທີ່ຍາກຫຼາຍທີ່ຈະປຽບທຽບ Mate 10 ກັບ iPhone 10 ທີ່ຍັງບໍ່ມີຂ່າວ ແລະລາຍລະອຽດອອກມາເລີຍ, ແຕ່ສິ່ງທີ່ພວກເຮົາຈະມີໃນລຸ້ນນີ້ແມ່ນ ແບດເຕີຣີຂະຫນາດໃຫຍ່ ແລະອັດຕາສ່ວນຂອງຫນ້າຈໍທີ່ຄ້າຍຄືກັບຂອງ Samsung Galaxy S8 (ອາດຈະຄ້າຍກັບ Galaxy Note 8).

ໃນຊຸມປີຜ່ານມານັບຕັ້ງແຕ່ມີການຮ່ວມມືກັບບໍລິສັດ Leica ຂອງເຢຍລະມັນ, ຫົວເຫວີຍ ຖືວ່າເປັນການກ້າວກະໂດດທາງດ້ານກ້ອງຖ່າຍຮູບໃນສະມາດໂຟນ ເຊີ່ງໄດ້ຮັບການຍ້ອງຍໍ ແລະ ເປັນທີ່ຍອມຮັບຈາກຜູ້ຊົມໃຊ້ ທາງຄຸນນະພາບຂອງຮູບພາບ. ເປັນໄປໄດ້ອີກວ່າ ສະມາດໂຟນລຸ້ນໃຫມ່ ທີ່ຈະມາເຖິງຈະມີການພັດທະນາໃຫ້ດີຍີ່ງຂື້ນກ່ວາເກົ່າ.

ນອກຈາກນີ້, ຄາດວ່າສະມາດໂຟນລຸ້ນນີ້ຈະມາພ້ອມກັບຊິບເຊັດໃຫມ່ລ່າສຸດ Kirin 970 ທີ່ບໍ່ພຽງແຕ່ຈະໄວກ່ວາເກົ່າ ແຕ່ວ່າຍັງສາມາດຮອງຮັບການເຮັດວຽກຂອງ AI ໄດ້. ເຖີງຢ່າງໃດກໍຕາມ. ເລື່ອງນີ້ຍັງບໍ່ໄດ້ຢືນຢັນໃນການສໍາພາດ, ພວກເຮົາຍັງບໍ່ທັນມີຂໍ້ມູນທີ່ແນ່ນອນເທື່ອວ່າ Huawei Mate 10 ຈະມີເປີດໂຕຊ່ວງໃດ ຫລື ລາຄາປະມານເທົ່າໃດ. ແຕ່ທ່ານຄາດວ່າຈະຢູ່ໃນລະດັບພຣີມຽມ ແລະ ຈະມາກ່ອນທ້າຍປີ 2017ນີ້.

Source: http://www.androidauthority.com/huawei-mate-10-specs-price-release-date-790418/

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

No comments

Powered by Blogger.