Header Ads

ໜ່ວຍຊາວໜຸ່ມຖະແຫຼງຂ່າວສຳເລັດກອງປະຊຸມໃຫ່ຍຄັ້ງທີ II


ໜ່ວຍຊາວໜຸ່ມຖະແຫຼງຂ່າວ ເມືອງພູຄູນ ໄດ້ເປີດກອງປະຊຸມໃຫ່ຍຄັ້ງທີ II ຂື້ນຢ່າງເປັນທາງການໃນວັນທີ 2 ສິງຫາ 2017 ຢູ່ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງ ພາຍໃຕ້ການເປັນປະທານຂອງສະຫາຍ ເຢັງມົວ ເລຂາໜ່ວຍຊາວໜຸ່ມຖະແຫຼງຂ່າວ ໃຫ້ກຽດເຂົ້າຮ່ວມຂອງສະຫາຍ ເພັດສະໝອນ ວົງສີປະເສີດ ຄະນະປະຈຳພັກເມືອງ, ສະຫາຍ ວັນເພັງ ສິນລະພອນ ເລຂາຄະນະບໍລິຫານງານຊາວໜຸ່ມເມືອງ ມີບັນດາສະຫາຍເລຂາໜ່ວຍຊາວໜຸ່ມອ້ອມຂ້າງຕະຫຼອດຮອດສະມາຊິກຊາວໜຸ່ມພາຍໃນໜ່ວຍເຂົ້າຮ່ວມ.


ສະຫາຍ ເຢັງມົວ ເລຂາໜ່ວຍຊາວໜຸ່ມຖະແຫຼງຂ່າວ ໄດ້ກ່າວບົດລາຍງານການເມືອງທັງສອງພາກ ໂດຍໄດ້ຍົກໃຫ້ເຫັນເຖິງຜົນງານໃນການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ I ຕິດພັນກັບແຜນພັດທະນາເສດຖະກິດສັງຄົມຄັ້ງທີ III ຂອງເມືອງ ຕະຫຼອດໄລຍະ3 ປີຜ່ານມາຄະນະໜ່ວຍ ແລະ ສະມາຊິກຊາວໜຸ່ມແມ່ນໄດ້ເອົາໃຈໃສ່ຈັດຕັ້ງປະຕິບັດຂໍ້ແຂງຂັນ2ສາມັກຄີ, 3ດີ 4ພັດທະນາ ຕິດພັນກັບຂະບວນການ4ບຸກ, ກົດລະບຽບຊາວໜຸ່ມທີ່ສູນກາງຊາວໜຸ່ມປະຊາຊົນປະຕິວັດລາວວາງອອກ ແລະ ສາມາດປະກາດເປັນໜ່ວຍຊາວໜຸ່ມ4ບຸກ ໄດ້2ສະໄໝ. ປະຈຸບັນມີສະມາຊິກຊາວໜຸ່ມ 20 ສະຫາຍ, ຍິງ 4 ສະຫາຍ ໄດ້ຂະຫຍາຍສະມາຊິກຊາວໜຸ່ມເຂົ້າເປັນສະມາຊິກພັກຈຳນວນ 6 ສະຫາຍ, ຍິງ 3 ສະຫາຍ ກວມ 50% ຂອງຈຳນວນສະມາຊິກຊາວໜຸ່ມທັງໝົດທຽບໃສ່ກອງປະຊຸມໃຫຍ່ທີ I ເພີ່ມຂື້ນ 40%. ຈາກຜົນງານດັ່ງກ່າວນັ້ນ ສະມາຊິກຊາວໜຸ່ມກໍໄດ້ຮັບການຍ້ອງຍໍຈາກຂັ້ນສູນກາງ 5 ສະຫາຍ, ຂັ້ນແຂວງ 13 ສະຫາຍແລະ ໄດ້ມອບໃບຍ້ອງຍໍໃຫ້ຜູ້ທີ່ມີຜົນງານດີເດັ່ນເຄື່ອນໄຫວວຽກງານຊາວໜຸ່ມໃນໄລຍະຜ່ານມາ ຈຳນວນ 20 ສະຫາຍ, ຍິງ 4 ສະຫາຍ.


ກອງປະຊຸມໃຫ່ຍຄັ້ງນີ້ ໄດ້ປ່ອນບັດຄັດເລືອກຄະນະໜ່ວຍຊາວໜຸ່ມຊຸດໃໝ່ ເຊິ່ງມີຜູ້ສະໝັກ 5 ສະຫາຍ ເລືອກເອົາ 3 ສະຫາຍ ກອງປະຊຸມຄັ້ງປະຖົມມະລຶກໄດ້ເຫັນດີຮັບຮອງເອົາ ສະຫາຍ ເຢັງມົວໄຊ ເປັນເລຂາ, ສະຫາຍ ສົມໝາຍ ສີດາພອນ ເປັນຮອງ ແລະ ສະຫາຍ ນາງ ໄລວັນ ໄຕຍະມາດ ເປັນຮອງເລຂາທັງເປັນປະທານກວດກາ. ເພື່ອເຮັດໃຫ້ທິດທາງແຜນການວຽກງານພັດທະນາຊາວໜຸ່ມໄດ້ດໍາເນີນຢ່າງຖືກຕ້ອງ ແລະ ຕໍ່ເນື່ອງ ສະຫາຍ ເພັດສະໝອນ ວົງສີປະເສີດ ຄະນະປະຈຳພັກເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນ ໄດ້ໂອ້ລົມ ພ້ອມທັງເໜັ້ນໜັກຫຼາຍບັນຫາໃຫ້ຄະນະໜ່ວຍຊາວໜຸ່ມຊຸດໃໝ່ສືບຕໍ່ຊີ້ນຳ-ນຳພາວຽກງານຊາວໜຸ່ມໃຫ້ປະສົບຜົນສຳເລັດຕາມທີ່ໄດ້ຄາດໝາຍໄວ້.

ຂ່າວ: ວັນທຽນ ຄຳທະສິດ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.