Header Ads

ອາເມລິກາ ປະຕິເສດການເຈລະຈາກັບ ສປປ.ເກົາຫຼີ

 

ອີງຕາມແຫລ່ງຂ່າວຕ່າງປະເທດລາຍງານວ່າ  ກະຊວງການຕ່າງປະເທດ ອາເມລິກາ ໃຫ້ຮູ້ວ່າ: ປະເທດນີ້ ຈະບໍ່ຈັດຕັ້ງການເຈລະຈາກັບ ສປປ.ເກົາຫຼີ.



 ໂດຍລະບຸວ່າ: ຖ້າຫາກ ສປປເກົາຫຼີ  ບໍ່ພິສູດໃຫ້ເຫັນວ່າປະເທດນີ້ ພ້ອມແລ້ວທີ່ຈະປະລະບັນດາໂຄງການນິວເຄຼຍ ແລະ ລູກສອນໄຟ.

 ໂຄສົກກະຊວງການຕ່າງປະເທດ ອາເມລິກາ Heather Nauert ຖະແຫຼງວ່າ:  ສປປ.ເກົາຫຼີ ຄວນມີບັນດາບາດກ້າວ ເພື່ອໃຫ້ ອາເມລິກາ ແລະ ໂລກ ເຫັນໄດ້ບັນດາຄວາມມານະພະຍາຍາມກ່ຽວກັບການປອດນິວເຄຼຍຢ່າງເຂັ້ມງວດຂອງປະເທດນີ້.


ຕາມທ່ານນາງ Heather Nauert ແລ້ວ, ອາເມລິກາ ໄດ້ເຮັດແຈ້ງ ບັນດາຄວາມມຸ່ງຫວັງຂອງຕົນ ສຳລັບລັດຖະບານ ສປປ.ເກົາຫຼີ ແລະ ຝ່າຍ ສປປ.ເກົາຫຼີ ຮູ້ແຈ້ງແລ້ວວ່າສິ່ງໃດທີ່ຄວນເຮັດ. 

 ພ້ອມກັນນັ້ນ, ໂຄສົກກະຊວງການຕ່າງປະເທດ ອາເມລິກາ ກໍ່ເນັ້ນເຖິງຜົນສຳເລັດໃນຄວາມມານະພະຍາຍາມຂອງ ວໍຊິງຕັນ ແນໃສ່ສະກັດກັ້ນກະແສເງິນຈາກຕ່າງປະເທດເຂົ້າໂຄງການນິວເຄຼຍຂອງ ປຽງຢາງ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.