Header Ads

ການເຝິກແອບປ້ອງກັນ-ຄວມຄຸມຕ້ານໄພພິບັດ


ໃນຕອນບ່າຍຂອງວັນທີ 2 ສິງຫາ 2017 ຜ່ານມານີ້, ທ່ານ ພົນຕີ ຄໍາລຽງ ອຸທະໄກ ສອນ , ຮອງຫົວໜ້າ ກົມໃຫຍ່ເສນາທິການກອງທັບ, ພ້ອມດ້ວຍຄະນະໄດ້ລົງຢ້ຽມຢາມ ແລະ ຊີ້ນຳວຽກງານຫັດແອບຝຶກຊ້ອມປ້ອງກັນ-ຄວມຄຸມຕ້ານໄພພິບັດທາງທຳມະຊາດປະຈຳປີ 2017 ຢູ່ທີ່ບ້ານຕົ້ນແຫນ ເມືອງໄຊບູລີ ແຂວງສະຫວັນນະເຂດ.ໃຫ້ກຽດ ຕ້ອນຮັບໂດຍ ສະຫາຍ ພົນຈັດຕະວາ ບົວວັນ ເພັງບຸນພັນ ຫົວໜ້າການທະຫານ ກອງບັນຊາການທະຫານແຂວງສະຫວັນນະເຂດ

ໃນການລົງຢ້ຽມຢາມ,ກວດກາ,ແລະ ຊີ້ນຳ ຂອງທ່ານ ພົນຕີ ຄໍາລຽງ ອຸທະໄກສອນ . ໃນເທື່ອນີ້ກໍ່ໄດ້ຮັບ ຟັງການລາຍງານໂດຍຫຍໍ້ຈາກຄະນະຮັບຜິດຊອບວຽກງານຫັດແອບຝຶກຊ້ອມປ້ອງກັນ-ຄວມຄຸມຕ້ານໄພພິບັດ ກ່ຽວກັບການເຄື່ອນໄຫວກະກຽມຄວາມພ້ອມໃນໄລຍະທີ່ຜ່ານມາໂດຍໄດ້ສົມທົບກັບອຳນາດການປົກຄອງແຂວງ,ເມືອງ,ບ້ານ,ປກຊ-ປກສ ແລະ ອົງການຈັດຕັ້ງມະຫາຊົນຂອງບ້ານເຄື່ອນໄຫວ ເຮັດວຽກງານການເມືອງແນວຄິດ, ເພື່ອໂຄສະນາສຶກສາອົບຮົມແນວຄິດຂອງປະຊາຊົນໃຫ້ຮູ້ແຈ້ງຕໍ່ແນວທາງ ແຜນນະໂຍບາຍຂອງພັກ - ລັດ, ເວົ້າລວມ,ເວົ້າສະເພາະກໍ່ແມ່ນແນວທາງຂອງກອງທັບປະຊາຊົນລາວ


ໃນໂອກາດດັ່ງກ່າວ ທ່ານ ຮອງຫົວໜ້າກົມໃຫຍ່ເສນາທິການກອງທັບ,ໄດ້ສະແດງ ຄວາມຍ້ອງຍໍຊົມເຊີຍຕໍ່ຜົນງານ ການເຄື່ອນໄຫວກະກຽມຄວາມພ້ອມໃນບັ້ນຫັດແອບ, ຕ້ານໄພພິບັດທຳມະຊາດ ຢູ່ແຂວງສະຫວັນນະເຂດ ເຊິ່ງເປັນແຂວງໃຫຍ່ ແລະ ສຸ່ມສຽງຕໍ່ໄພນ້ຳຖ້ວມສູງໃນແຕ່ລະປີ, ຍັງໄດ້ເນັ້ນໜັກໃຫ້ ຄະນະຮັບຜິດຊອບວຽກງານພາກສະໜາມສຶບຕໍ່ເຄືອນໄຫວເຝິກຊ້ອມໃຫ້ດີຂຶ້ນເປັນກ້າວໆ, ສ່ວນບັນດາ ປະກົດການຕ່າງໆທີ່ເກີດຂຶ້ນນັ້ນ ຄະນະພັກ-ຄະນະນຳທຸກຂັ້ນ ຕ້ອງໄດ້ພ້ອມກັນສືບຕໍ່ປັບປຸງ ໃຫ້ເຂັ້ມແຂງທາງດ້ານການຈັດຕັ້ງ ແລະ ແບບແຜນວິທີເຮັດວຽກ, ພະຍາຍາມແກ້ໄຂຈຸດຄົງຄ້າງ, ຜົນກະທົບດັ່ງກ່າວ ຢ່າງຮີບດ່ວນໃຫ້ຖືກຕ້ອງສອດຄ່ອງ, ເພື່ອຍົກສູງຄຸນນະພາບເພື່ອປະຕິບັດຕາມທິດຊີ້ນໍາວຽກງານການເມືອງໃຫ້ຕິດພັນກັບໜ້າທີ່ການເມືອງເພື່ອໂຄສະນາສຶກສາອົບຮົບໃຫ້ພະນັກງານ-ນັກຮົບມີແນວຄິດໜັກແໜ້ນ,ພ້ອມທັງປຸກລະດົມຂົນຂວາຍ ແລະ ຊ່ວຍເຫຼືອຮາກຖານປະຊາຊົນ,ເວົ້າສະເພາະກໍ່ແມ່ນປະຊາຊົນທີ່ອາໄສຢູ່ຕາມລ່ອງແມ່ນໍ້າເຊບັ້ງໄຟທີ່ມີຄວາມສ່ຽງສູງຕໍ່ໄພນໍ້າຖ້ວມທີ່ເກີດຂຶ້ນເລື້ອຍໆ.














ຂ່າວ: ອັກສອນສິນ ພົມມະຈັນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.