Header Ads

ບ້ານເລົ່າງົວອອກແຮງງານລວມຂຸດຮ່ອງລະບາຍນ້ຳ-ສ້ອມແປງເສັ້ນທາງຂອງບ້ານ

ວັນທີ6 ສິງຫາ 2017ນີ້ ອໍານາດການປົກຄອງພ້ອມດ້ວຍພໍ່ແມ່ປະຊາຊົນບ້ານເລົ່າງົວ ເມືອງທ່າແຂກ ແຂວງຄຳມ່ວນ ໄດ້ພ້ອມກັນສ້າງຂະບວນການອອກແຮງງານ ຂຸດຮ່ອງລະບາຍນ້ຳແລະສ້ອມແປງເສັ້ນທາງໃຫ່ຍຂອງບ້ານ ຂະບວນການອານາໄມລວມໃນຄັ້ງນີ້  ຊີ້ນຳ-ນຳພາໂດຍທ່ານ ອ້ວນສີທອງ ແກ້ວອາລຸນ ນາຍບ້ານໆເລົ່າງົວ.

 ການອອກແຮງງານແມ່ນໄດ້ພ້ອມພາກັນ ຂຸດຮ່ອງ ລະບາຍນ້ຳທີ່ເຊາະເຈື່ອນອັ່ງແລະໄຫຼຜ່ານທາງເຮັດໃຫ້ເສັ້ນທາງໃຫຍ່ຂອງບ້ານມີຄວາມເປື້ອນເປິ ແລະເອົາທໍ່ລະບາຍນ້ຳມາວາງໃສ່ບ່ອນທີ່ມີນ້ຳຂັງ,ບ່ອນນ້ຳບໍ່ໄຫຼ,ບ່ອນຫຼຸບເພື່ອໃຫ້ນ້ຳໄຫຼສະດວກແລະຂົນກ້ອນຫີນມາຖອກໃສ່ບວກຂຸມທີ່ຫຼຸບໂນນ.

 ພ້ອມນັ້ນຍັງໄດ້ພາກັນຖາກຖາງປ່າຫຍ້າທີ່ຮົກເຮື້ອຢູ່ຕາມແຄມທາງ. ທັງນີ້ກໍ່ເພື່ອເປັນການສ້າງຂະບວນການໃນດ້ານໜຶ່ງທີ່ເປັນກິດຈະກຳສຳຄັນໃນດ້ານການອອກແຮງງານທຳຄວາມສະອາດຕາມຂົງເຂດບ້ານຂອງຕົນຮັບຜິດຊອບແລະທັງເປັນການສ້າງກິດຈະກຳຂອງບ້ານທີ່ເປັນແບບຢ່າງໃຫ້ແກ່ບັນດາບ້ານອື່ນໆ ໃນດ້ານການສ້າງຄວາມສາມັກຄີຂອງອຳນາດການປົກຄອງ,ການຈັດຕັ້ງແລະພໍ່ແມ່ປະຊາຊົນພາຍໃນບ້ານ ໃຫ້ມີຄວາມຮັດແໜ້ນມີສະຕິເປັນເຈົ້າການປົກປັກຮັກສາແລະສ້າງສາບ້ານເມືອງ ໃຫ້ມີຄວາມສະອາດສວຍງາມແລະສະດວກສະບາຍໃນການໄປການມາ.

ບ້ານເລົ່າງົວມີປະຊາກອນລວມ 1167 ຄົນ,ຍິງ 589 ຄົນ ມີ 231 ຫຼັງຄາເຮືອນ 269 ຄອບຄົວ ມີ 11 ໜ່ວຍ ການອອກແຮງງານລວມໃນຄັ້ງນີ້ ແມ່ນໄດ້ມີການແບ່ງເປັນຈຸເປັນເຂດຮັບຜິດຊອບຂອງແຕ່ລະໜ່ວຍ ເຊິ່ງມີປະຊາຊົນທີ່ເຂົ້າຮ່ວມອອກແຮງງານດັ່ງກ່າວມີ 293 ຄົນ,ຍິງ 58 ຄົນ.

ແຫຼ່ຂ່າວຈາກແຂວງຄຳມ່ວນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.