Header Ads

ສຫ ນາງ ຄຳໄພ ຕາທິບ ຮອງປະທານສະຫະພັນແມ່ຍິງແຂວງ ພ້ອມດ້ວຍທິມງານ ໄດ້ລົງຊຸກຍູ້, ຕິດຕາມ, ກວດກາ ການເຄື່ອນໄຫວວຽກງານຂອງສະຫະພັນແມ່ຍິງ ເມືອງເງິນ ແຂວງໄຊຍະບູລີ.


ວັນທີ່ 1 ສິງຫາ 2017 ນີ້. ສຫ ນາງ  ຄຳໄພ ຕາທິບ ຮອງປະທານສະຫະພັນແມ່ຍິງແຂວງ ພ້ອມດ້ວຍທິມງານ ໄດ້ລົງຊຸກຍູ້, ຕິດຕາມ, ກວດກາ ການເຄື່ອນໄຫວວຽກງານຂອງສະຫະພັນແມ່ຍິງ ເມືອງເງິນ ແຂວງໄຊຍະບູລີ. ເຊີ່ງໃຫ້ການຕ້ອນຢ່າງອົບອຸ່ນຂອງ ສຫ ນາງ ບົວຄຳ ຈັນທະວິໄລ ສະມະຊິກ ສະພາປະຊາຊົນຂັ້ນແຂວງ ກຳມະການພັກເມືອງ ປະທານສະຫະພັນແມ່ຍິງເມືອງ ພ້ອມດ້ວຍປະທານສະຫະພັນແມ່ຍິງໜ່ວຍອ້ອມຂ້າງ ຕະຫຼອດຮອດສະມາຊີກສະຫະພັນແມ່ຍິງໄດ້ໃຫ້ການຕ້ອນຮັບຢ່າງອົບອຸ່ນຢູ່ທີສະໂມສອນຂອງເມືອງ.



ການລົງມາຊຸກຍູ້, ຕິດຕາມ, ກວດກາ ການເຄື່ອນໄຫວວຽກງານຂອງສະຫະພັນແມ່ຍິງ ເມືອງເງິນ ໃນຄັ້ງນີ້ ສຫ ນາງ  ຄຳໄພ ຕາທິບ ຮອງປະທານສະຫະພັນແມ່ຍິງແຂວງ ໄດ້ເປັນກຽດຂື້ນລາຍງານການຈັດຕັ້ງປະຕິບັດວຽກງານຂອງສະຫະພັນແມ່ຍິງແຂວງໃນໄລຍະ 6 ເດືອນຜ່ານມາ ທີ່ສາມາດຍາດໄດ້ຜົນງານຫຼາຍດ້ານ.ກໍ່ຄືວຽກງານສະຫະພັນແມ່ຍິງເມືອງໃຫ້ພ້ອມກັນສືບຕໍ່ສຶກສາອົບຮົມແນວຄິດ ໃຫ້ເອື້ອຍນ້ອງແມ່ຍິງໃຫ້ເປັນປົກກະຕິ , ນຳເອົາເນື້ອໃນຂໍ້ແຂ່ງຂັນ 3 ດີ  ແລະ ມະຕິຕ່າງໆ. ລົງເຜີຍແຜ່ເຊື່ອມຊຶມ ໃຫ້ເອື້ອຍນ້ອງແມ່ຍິງ ຮູ້ໄດ້ພາລະບົດບາດ ສິດ ແລະ ໜ້າທີ່ ຄວາມສະເໝີພາບລະຫວ່າງ ຍິງຊາຍ ຊຸກຍູ້ສົ່ງເສີມການອານຸລັກຮັກສາມູນເຊື້ອວັດທະນະທຳ ແລະ ຮີດຄອງປະເພນີ ອັນດີງາມຂອງຊາດຂອງເຜົ່າໃຫ້ຢູ່ຄູ່ກັບເອື້ອຍນ້ອງແມ່ຍິງຕະຫຼອດໄປ.ເອົາໃຈໃສ່ສ້າງເສດຖະກິດຄອບຄົວໃຫ້ແຂງແຮງ ເພື່ອແນໃສ່ແກ້ໄຂຊີວິດການເປັນຢູ່ໃຫ້ນັບມື້ດີຂື້ນເປັນກ້າວໆ. ຈາກນັ້ນ ກໍ່ໄດ້ລົງພົບປະໂອລົມເອື້ອຍນ້ອງສະຫະພັນແມ່ຍິງ ບ້ານເພຍງາມ ອີກດ້ວຍ.

ໂດຍ: ອິນແປງ ແຫວນຄຳ
                                                                                                                                                                                                            
 





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.