Header Ads

ລົງວຽກສາມສ້າງ ບ້ານບີໝີ ເມືອງເງິນ ແຂວງໄຊຍະບູລີ


ໂດຍປະຕິບັດຕາມຄຳສັ່ງແນະນຳເລກທີ່ 25 ຂອງກົມການເມືອງສູນກາງພັກ, ຄຳແນະນຳເລກທີ່ 198/ຈຂ ຊຍ, ຄໍາແນະນຳເລກທີ 98/ພພ ຊຍ ແລະ ຂໍ້ຕົກລົງຂອງທ່ານເຈົ້າເມືອງ ສະບັບເລກທີ່ 335-336/ຈມ ມງ ໃນການສ້າງຄວາມເຂັ້ມແຂງ ໃຫ້ຂະແໜງການຕ່າງໆຂອງບ້ານ ຕາມທິດນຳສາມສ້າງຂອງເມືອງວາງອອກ. ໃນວັນທີ່ 17 ສິງຫາ 2017 ນີ້. ຢູ່ທີຫໍປະຊຸມບ້ານບີໝີ ເມືອງເງິນ ແຂວງໄຊຍະບູລີ ໄດ້ຈັດກອງປະຊຸມເຊື່ອມຊືມເອກະສານ 3 ສ້າງ. ເຂົ້າຮ່ວມເປັນກຽດມີ ທ່ານ ທະວີສັກ ໄຊຍະວົງ ຮອງເຈົ້າເມືອງ ມີກຳມະການພັກເມືອງ ຫົວໜ້າຫ້ອງການ ກົມກອງ ພະນັກງານ ວິຊາການ ຕະຫຼອດຮອດອົງການຈັດຕັ້ງບ້ານ ແລະ ພໍ່ແມ່ປະຊາຊົນ ເຂົ້າຮ່ວມ




ກອງປະຊຸມ ທ່ານນ້ອຍຄຳເນນ ຈັນຖາວອນ ກຳມການພັກເມືອງ ເລຂາໜວຍພັກ ນາຍບ້ານ ໄດ້ຂື້ລາຍງານ ສະພາບການຂອງບ້ານໂດຍຫຍໍ້ ໃນໄລຍະໜຶ່ງປີທີ່ຜ່ານມາ ໃຫ້ທາງທິມງານ ລົງເຮັດທົດລອງສາມສ້າງ ບ້ານບີໜີປະກອບມີ 222 ຄອບຄົວ ມີພົລເມືອງທັງໜົດ 942 ຄົນ ຍິງ 467 ຄົນ ປະຊາຊົນສ່ວນຫຼາຍແມ່ນຍຶດຖຶອາຊີບ ປູກຝັງລ້ຽງສັດ ແລະ ຕໍ່າຫູກຖໍ່ໄໜເປັນສຳຮອງ ສະເລ່ຍລາຍຮັບຫົວຄົນໜຶ່ງໄດ້ 13,54ລ້ານກີບຕໍ່ຄົນຕໍ່ປີຫຼືເທົ່າກັບ 1.803 ໂດລາ.

ຈາກນັ້ນ ທ່ານທອງພັນສຸກສະຫວັດ ຫົວໜ້າຫ້ອງການແຜນການ ແລະ ການລົງທືນເມືອງ ໄດ້ຂື້ເຜີຍແຜ່ຄຳສັ່ງແນະນຳເລກທີ 25 ຂອງກົມການເມືອງສູນກາງພັກ ວ່າດ້ວຍການສ້າງແຂວງເປັນຫົວໜ່ວຍຍຸດທະສາດ ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ໂດຍຕິດພັນກັບຄຳແນະນຳເລກທີ 198 ຂອງທ່ານເຈົ້າແຂວງ ແລະ ຂອງພະແນກພາຍໃນ ເພື່ອແນໃສ່ເຮັດໃຫ້ອົງຈັດຕັ້ງບ້ານ ແລະ ພໍ່ແມ່ປະຊາຊົນ ເຂົ້າໃຈພ້ອມກັນມີສ່ວນຮ່ວມ ໃນການລົງເຮັດທົດລອງຕໍ່ວຽກງານສາມສ້າງຂອງເມືອງໃນຄັ້ງນີ້ ໃຫ້ມີໜາກມີຢ່າງແທ້ຈີງ


ໂດຍ: ສຸລິຍາ ແສງເດືອນ






------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







No comments

Powered by Blogger.