Header Ads

ເມືອງເງິນ ແຂວງ ໄຊຍະບູລີ ຈັດພິທີທຳລາຍສີ້ນຄ້າເກືອດຫ້າມ ແລະ ສີ້ນຄ້າໝົດອາຍຸ.


ຕອນເຊົ້າຂອງວັນທີ 2 ສິງຫາ 2017 ນີ້ ຢູ່ ທາງຫ້ອງການ ອຸດສາຫະກຳ ແລະ ການຄ້າ ເມືອງເງິນ ແຂວງ ໄຊຍະບູລີ ຈັດພິທີ ທຳລາຍສິນຄ້າເກືອດຫ້າມ ແລະ ສິນຄ້າໝົດອາຍຸ ຢ່າງເປັນທາງການ, ເຂົ້າຮ່ວມເປັນກຽດມີ ທ່ານ ທະວີສັກ ໄຊຍະວົງ ຄະນະປະຈຳພັກເມືອງ ຮອງເຈົ້າເມືອງ, ມີ ທ່ານ ປີ່ນແກ້ວ ປ້ອງຄຳ ຫົວໜ້າຫ້ອງການອຸດສະຫະກຳ ແລະ ການຄ້າເມືອງ , ມີຄະນະກຳມະການກວດກາສິນຄ້າຂັ້ນເມືອງ, ມີພະນັກງານວິຊາການ, ເລຂາໜ່ວຍພັກນາຍບ້ານ ທັງ 7 ບ້ານ ເຂົ້າຮ່ວມ













ທ່ານ ສົມແລ່ນ ອິນສະແຫວງ ຮອງຫົວໜ້າຫ້ອງການ ອຸດສາຫະກຳ ແລະ ການຄ້າ ເມືອງ ກໍ່ໄດ້ລາຍງານກ່ຽວກັບຜົນຂອງການລົງກວດກາ ສີ້ນຄ້າເກືອດຫ້າມ ແລະ ສິນຄ້າໝົດອາຍຸ. ໃນລະຫວ່າງ ວັນທີ 19 – 28 ກໍລະກົດ 2017  ນີ້ ທາງຄະນະກຳມະການກວດກາສີ້ນຄ້າຂັ້ນເມືອງ ໄດ້ລົງກວດກາ ສິນຄ້າຢູ່ຕາມຕະຫຼາດ ແລະ ບັນດາຫ້າງຮ້ານຕ່າງໆພາຍໃນເມືອງ ຜ່ານການລົງກວດກາ ທັງໝົດ 52 ຫົວໜ່ວຍ ມີຈຳນວນ 7 ບ້ານເທດສະບານ ໄດ້ພົບເຫັນສິນຄ້າທີ່ໝົດອາຍຸ ຈຳນວນ 33 ຫົວໜ່ວຍ, ມີ 31 ລາຍການ: ເປັນຕົ້ນແມ່ນ ເຄື່ອງບໍລິໂພກ ເຊັ່ນ: ກາເຟ, ນົມ, ເຂົ້າຫນົມ, ຫມີ່ສຳເລັດຮູບ, ນ້ຳອັດລົມ, ເຄື່ອງສຳອາງ ແລະ ສີ້ນຄ້າເກືອດຫ້າມ ຈຳນວນໜຶ່ງ . ລວມມູນຄ່າທັງໝົດ 16,287,000 ກີບ, ,ຈາກນັ້ນຄະນະກຳມະການກໍ່ໄດ້ເອົາເຄື່ອງດັ່ງກ່າວໄປຈູດທຳລາຍຖີ້ມ ຢູ່ສະຖານທີ່ຖີ້ມຂີ້ເຫຍື້ອຂອງເມືອງ . ນີ້ກໍ່ເພື່ອຮັບປະກັນໃຫ້ຜູ້ບໍລິໂພກສິນຄ້າຢູ່ຕາມຕະຫຼາດ, ຫ້າງຮ້າງຕ່າງໆພາຍໃນເມືອງ ໄດ້ນຳໃຊ້ເຄື່ອງທີມີຄຸນນະພາບ, ຮັບປະກັນໃຫ້ຊີວິດ ຜູ້ບໍລິໂພກມີຄວາມປອດໄພຫຼາຍຂື້ນ.

ພາບ+ຂ່າວໂດຍ: ອິນແປງ ແຫວນຄຳ







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.