Header Ads

ພະແນກແຜນການ ແລະ ການລົງທຶນແຂວງຫຼວງພະບາງ ເປີດບັ້ນດຳເນີນຊີວິດການເມືອງປັບປຸງປົວແປງພາຍໃນໜ່ວຍພັກ



ໃນຕອນເຊົ້າຂອງວັນທີ່ 14 ສິງຫາ 2017ນີ້ ພະແນກແຜນການ ແລະ ການລົງທຶນ ແຂວງຫຼວງພະບາງ ໄດ້ເປີດກອງປະຊຸມ ດຳເນີນຊີວິດການເມືອງ ປັບປຸງປົວແປງພາຍໃນ ຄະນະພັກຮາກຖານ ຂອງຕົນຂື້ນ. ໂດຍການເປັນປະທານຂອງສະຫາຍ ນາງ ສີລິພອນ ສຸພັນທອງ ເລຂາຄະນະພັກຮາກຖານ,ຫົວໜ້າພະແນກແຜນການ ແລະ ການລົງທຶນແຂວງຫຼວງພະບາງ ໃຫ້ກຽດເຂົ້າຮ່ວມສະຫາຍ ບົວຄົງ ນາມມະວົງ ຮອງເລຂາພັກແຂວງຫຼວງພະບາງ, ມີຄະນະພັກ ແລະ ສະມາຊິກພັກ ພາຍໃນພະແນກເຂົ້າຮ່ວມ.

ໃນກອງປະຊຸມ ສະຫາຍ ນາງ ສີລິພອນ ສຸພັນທອງ ເລຂາຄະນະພັກຮາກຖານ,ຫົວໜ້າພະແນກແຜນການ ແລະ ການລົງທຶນແຂວງຫຼວງພະບາງ ໄດ້ຂື້ນກ່າວເປີດກອງປະຊຸມ ເຊິ່ງມີບາງຕອນວ່າ: ໃນການເປີດບັ້ນດຳເນີນຊີວິດການເມືອງເພື່ອປັບປຸງປົວແປງພາຍໃນພັກ.ມີຄວາມໝາຍ ແລະ ສຳຄັນທີ່ສຸດໃນລະບົບອົງການຈັດຕັ້ງ ໂດຍສະເພາະກໍ່ແມ່ນຖັນແຖວພະນັກງານສະມາຊິກພັກ ເຊິ່ງຕ້ອງໄດ້ກຳແໜ້ນບັນດາມະຕິກອງປະຊຸມໃຫ່ຍຂອງພັກແຕ່ລະຂັ້ນ ແລະ ພ້ອມກັນຈັດຕັ້ງປະຕິບັດແນວທາງຂອງພັກ ຕາມພາບົດບາດລະສິດ ແລະ ໜ້າທີ່ຂອງຕົນໃຫ້ປາກົດຜົນເປັນຈິ່ງ.




ຈາກນັ້ນ ສະຫາຍ ບົວຄົງ ນາມມະວົງ ຮອງເລຂາພັກແຂວງຫຼວງພະບາງ ໄດ້ມີຄໍາເຫັນຊີ້ນໍາ ເຊິ່ງສະຫາຍກ່າວວ່າ: ການດຳເນີນຊີວິດການເມືອງປັບປຸງປົວແປງພາຍໃນພັກ ແມ່ນໂອກາດທີ່ດີ ຂອງພະນັກງານສະມາຊິກພັກ ເພື່ອເປັນການ ປະຕິບັດຫຼັກການລວມສູນປະຊາທິປະໄຕເພື່ອພ້ອມກັນເສີມຂະຫຍາຍຈຸດດີ ແລະ ຕັດສິນໃຈແກ້ໄຂຈຸດອ່ອນຂໍ້ບົກພ່ອງໃການປະຕິບັດໜ້າທີ່ການເມືອງຂອງຕົນ ທີ່ໄດ້ຮັບມອບໝາຍ ເພື່ອເປັນໄມ້ຫຼ້າວັດແທກຜົນສຳເລັດຂອງຄວາມຮັບຜິດຊອບນັບທັງປະລິມານ ແລະ ຄຸນນະພາບ. ສະຫາຍຍັງເນັ້ນຕື່ມວ່າ: ຈຸດປະສົງການເປີດບັ້ນດໍາເນີນການເມືອງປັບປຸງປົວແປງພັກ ແມ່ນເພື່ອປັບປຸງແນວຄິດຈິດໃຈ, ດັດສ້າງພະນັກງານສະມາຊິກພັກໃນທາງດ້ານຄຸນສົມບັດສິນທຳປະຕິວັດ ໃຫ້ມີຄວາມໜັກແໜ້ນເຂັ້ມແຂງ, ເພື່ອປັບປຸງແບບແຜນຊີ້ນຳ-ບັນຊາ, ແບບແຜນວິທີເຮັດວຽກ. ທັງນີ້ກໍ່ເພຶ່ອຕອບຕ້ານ ແລະ ສະກັດກັ້ນແນວຄິດເອກະຊົນ, ພະຍາດອາດຍາສິດ, ປາກົດການພະນັກງານທີ່ມີລັກສະນະເສື່ອມຄຸນປ່ຽນທາດ, ປາກົດການສໍ້ລາດບັງຫຼວງ, ສວຍໃຊ້ໜ້າທີ່ຕຳແໜ່ງ ແລະ ອື່ນໆທີ່ເປັນຜົນກະທົບແລະອັນຕະລາຍພາຍໃນພັກ.

ໃນວາລະກອງປະຊຸມ ໄດ້ເຊື່ອມຊຶມ 2 ເອກະສານຂອງພັກເຊັ່ນ: ເອກະສານເດັດດ່ຽວປັບປຸງປົວແປງພັກໃຫ້ປອດໃສ,ເຂັ້ມແຂງ ແລະ ໜັກແໜ້ນ ແລະ ເອກະສານຕີລາຄາມະຕິ X ຂອງສູນກາງພັກ,ມະຕິກອງປະຊຸມໃຫ່ຍຄັ້ງທີ່VIIຂອງອົງຄະນະພັກແຂວງ ພ້ອມທັງທາບຖາມຢັ່ງຄະແນນຫາງສຽງ ເພື່ອຕໍານິຄະນະພັກ ແບບປິດລັບ ແລະ ພ້ອມກັນນີ້ພະນັກງານສະມາຊິກແຕ່ລະສະຫາຍຍັງຈະໄດ້ຜ່ານບົດສຳຫຼວດຂອງຕົນເອງເພື່ອຕຳນິຕົນເອງ ແລະ ຕຳນິກໍ່ສ້າງຊ່ວຍເຫຼືອເຊິ່ງແລະກັນ ເພື່ອພ້ອມກັນເຮັດສຳເລັດໜ້າການເມືອງໃນໄລຍະໃໝ່.ກອງປະຊຸມດໍາເນີນຮອດວັນທີ່ 18 ສິງຫາ 2017ຈິ່ງສໍາເລັດ.


ຂ່າວ: ເພັດສາຄອນ ສິມມະວົງ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.