Header Ads

ລັດຖະບານ ຫວຽດນາມ ປະດັບຫລຽນໃຫ້ການນຳແຂວງຄຳມ່ວນ



ເນື່ອງໃນໂອກາດທີ່ສອງພັກ, ສອງລັດແລະ ປະຊາຊົນສອງຊາດລາວ-ຫວຽດນາມ ພວມຈັດຕັ້ງການສະເຫລີມສະຫລອງ 2 ວັນປະຫວັດສາດ​​ຄື: ວັນສ້າງຕັ້ງສາຍພົວພັນການທູດ ຄົບ ຮອບ 55 ປີແລະ ວັນເຊັນສົນທິສັນຍາມິດຕະພາບແລະ ການຮ່ວມມືລາວ-ຫວຽດນາມ ຄົບຮອບ 40 ປີ, ປະທານປະເທດແຫ່ງ ສສ ຫວຽດນາມໄດ້​​ເຫັນດີປະດັບຫລຽນໄຊອິດສະຫລະຊັ້ນ 2 ​ແລະ ຊັ້ນ 3 ​ໃຫ້ແກ່ບຸກຄົນ​​ໃນການນໍາແຂວງຄຳມ່ວນ ທີ່ມີຜົນງານດີເດັ່ນໃນການປະກອບສ່ວນຢ່າງຕັ້ງໜ້າເຂົ້າໃນການເສີມຂະຫຍາຍທາດແທ້ມູນເຊື້ອ ສາຍພົວພັນສາມັກຄີມິດຕະພາບແບບພິເສດລາວ-ຫວຽດນາມ.

ໃນວັນທີ 12 ສິງຫາ 2017 ທີ່ແຂວງຄຳມ່ວນ, ທ່ານ ຫງວຽນດັກກວິ່ງ ຮອງເລຂາຜູ້ປະຈຳ ການພັກແຂວງ, ປະທານຄະນະສະ ມາຊິກສະພາ​​ແຫ່ງຊາດ ປະຈຳແຂວງເຊິນລາ ສສ ຫວຽດນາມ ​ໄດ້​ຕາງໜ້າ​ໃຫ້ ລັດຖະບານ ສສ ຫວຽ​ດນາມ ປະດັບ​ຫລຽນໄຊອິດສະຫລະຊັ້ນ 2 ​ໃຫ້ແກ່ທ່ານໂອໄດສຸດາພອນ ກຳມະການສູນກາງພັກ, ​ເລຂາພັກແຂວງເຈົ້າແຂວງໆຄຳມ່ວນ, ປະດັບຫລຽນໄຊອິດສະ ຫລະຊັ້ນ 3 ​ໃຫ້​ແກ່ ທ່ານ ພົມມາ ພັນທະລັງສີ ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງ, ທ່ານ ບຸນມີ ພິມມະສອນ ຮອງເລຂາພັກແຂວງ, ຮອງເຈົ້າແຂວງໆຄຳມ່ວນແລະ ທ່ານ ຄຳສີ ອຸດທິວົງ ຄະນະປະຈຳພັກແຂວງ, ຮອງເຈົ້າແຂວງໆຄຳມ່ວນ.

ທີ່ມາ: ຂປລ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.