Header Ads

ຫົວເຫວີຍ Mate 10 ຈະນຳໃຊ້ຊິບເຊັດ AI ສໍາລັບຄຸນສົມບັດປັນຍາປະດິດສ້າງ



ບໍລິສັດຍັກໃຫຍ່ດ້ານໂທລະຄົມມະນະຄົມ ແລະ ເທັກໂນໂລຢິຂອງຈີນ ກໍ່ຄື ບໍລິສັດ ຫົວເຫວີຍ, ມຸ່ງໝັ່ນ ແລະ ໃຫ້ຄວາມສຳຄັນໃນຫັນປ່ຽນທິດທາງເທັກໂນໂລຢີຄັ້ງໃຫຍ່ໃນອະນາຄົດ ແລະ ມີແຜນທີ່ເປີດໂຕ ຊິບເຊັດ Artificial Intelligence - AI (ປັນຍາປະດິດສ້າງ) ຂອງຕົນເອງເພື່ອທີ່ຈະຕອບສະໜອງຄວາມຕ້ອງການໃນຂ້າງໜ້າ.

ພາຍຫຼັງການເຕີບໃຫຍ່ຢ່າງໄວວາ ຂອງອິນເຕີເນັດເຄື່ອນທີ່, Artificial Intelligence - AI (ປັນຍາປະດິດສ້າງ) ຈະກາຍເປັນທາງອອກທີ່ດີແລະ ໃຫຍ່ ທີ່ສຸດໃນອະນາຄົດ, ຫົວເຫວີຍເອງກໍ່ໄດ້ເລີ່ມຄົ້ນຄ້ວາ ແລະ ພັດທະນາຊິບເຊັດ ນີ້. ຄາດວ່າຈະເປີດໂຕພ້ອມກັບ ຫົວເຫວີຍ Mate 10 ໃນທ້າຍປີນີ້ ເຊີ່ງຈະເປັນສະມາດໂຟນທຳອີດຂອງໂລກທີ່ນຳໃຊ້ ຊິບເຊັດ AI ແລະ ເປັນກໍາມະສິດຂອງຫົວເຫວີຍເອງ.

ຫົວເຫວີຍ ໄດ້ຮັບຄວາມສົນໃຈຈາກແຟນຄັບ ໃນທະວິດເຕີ້, “AI:ຈະເປັນຫຼາຍກ່ວາກຜູ້ຊ່ວຍເລື່ອງສຽງ”, ແລະ ກໍ່ມີອິກຫຼາຍຄຳເຫັນກ່ຽວກັບ AI:ວ່າ ເຖີງເວລາທີ່ເຮົາຈະຄິດໃຫມ່ແລ້ວວ່າ AIແມ່ນຫຍັງກັນແທ້, ສາມາດເຮັດຫຍັງ, ຢຸ່ໃສໄດ້ແນ່ ແລະທີ່ສຳຄັນແມ່ນ ສາມາດ ຊ່ວຍຍົກລະດັບຊີວິດການເປັນຢູ່ຂອງເຮົາໄດ້ແນວໃດ.

ທ່ານ ລິຊາດ ຢູ ປະທານບໍລິຫານສູງສຸດ ຂອງຫົວເຫວີຍ ໄດ້ກ່າວວ່າ: ພາຍໃນປີ 2025, ຈະມີຫຼາຍກ່ວາ 90 %ຂອງຜູ້ໃຊ້ອັດສະລິຍະ ແລະ ທັນສະໄໝນິ້ ຈະໄດ້ຮັບຜົນປະໂຫຍດສູງສຸດຈາກຜູ້ຊ່ວຍສ່ວນຕົວ ທີ່ມີຄວາມສະຫຼາດ, ຮັກສາແລະເກັບ ຂໍ້ມູນໄດ້ດີສຸດ.

ຊິບເຊັດ AI ຂອງຫົວເຫວີຍນີ້ ຄາດວ່າຈະເປັນຫຼາຍກ່ວາຜູ້ຊ່ວຍສ່ວນຕົວ ເຊີ່ງຈະມີຄວາມສາມາດຊ່ວຍຈັດຕາຕະລາງການນັດໝາຍຕ່າງໆ, ການຕັ້ງຄ່າເຕືອນ, ແລະສໍາເລັດຫນ້າວຽກອື່ນໆອີກນຳ.

ຊິບເຊັດ AI ຂອງຫົວເຫວີຍນີ້ ຈະນໍາສະເໜີໃນງານວາງສະແດງສິນຄ້າເອເລັກໂທຣນິກ IFA 2017 ເດືອນ ສິງຫານີ້ ທີ່ ເມືອງ ເບີລິນ ປະເທດ ເຢຍລະມັນ, ແລະມີຂ່າວເພີ່ມເຕີມອີກວ່າ ຊິບເຊັດ AI ຂອງຫົວເຫວີຍ ຈະມາຄວບຄູ່ກັບການເປີດໂຕ processor, the Kirin 970 ໃຫມ່ລ່າສຸດ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.