Header Ads

ໜ່ວຍພັກຖະແຫຼງຂ່າວ ສຳເລັດການດຳເນີນຊີວິດການເມືອງປັບປຸງປົວແປງພາຍໃນພັກ


ການດຳເນີນຊີວິດການເມືອງປັບປຸງປົວແປງພາຍໃນພັກໃຫ້ປອດໃສ, ເຂັ້ມແຂງ ແລະ ໜັກແໜ້ນຂອງໜ່ວຍພັກຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງພູຄູນໄດ້ສຳເລັດລົງໃນຄັ້ງວັນທີ28 ກໍລະກົດທີຜ່ານມານີ້ ພາຍຫຼັງໄດ້ດຳເນີນມາແຕ່ 26 ຫາ 28 ກໍລະກົດ 2017  ໂດຍການເປັນປະທານຂອງສະຫາຍ ນາງ ສີມອນ ສີລິກຸນ ກຳມະການພັກເມືອງ ເລຂາໜ່ວຍພັັກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃຫ້ກຽດເຂົ້າຮວມໃນຄັ້ງນີ້ມີສະຫາຍ ເພັດສະໝອນ ວົງສີປະເສີດ ຄະນະປະຈຳພັກເມືອງ ມີບັນດາຄະນະໜ່ວຍພັກ, ແຂກທີຖືກເຊີນຕະຫຼອດຮອດສະມາຊິກພັກພາຍໃນໜ່ວຍພັກເຂົ້າຮວມ.
ສະຫາຍ ນາງ ສີມອນ ສີລິກຸນ ເລຂາໜ່ວຍພັກຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງພູຄູນໄດ້ກ່າວປິດບັ້ນດຳເນີນຊີວິດການເມືອງປັບປຸງປົວແປງພາຍໃນພັກຂອງໜ່ວຍພັກຖະແຫຼງຂ່າວໃຫ້ເຂັມແຂງ ແລະ ໜັກແໜ້ນປະຈຳປີ2017 ເຊິງສະຫາຍໃຫ້ກ່າວວ່າ:



ການດຳເນີນຊີວິດການເມືອງປັບປຸງປົວແປງພາຍໃນພັກໃນຄັ້ງນີ້ ໄດ້ດຳເນີນດ້ວຍຈິດໃຈອັນເຄັ່ງຮ້ອນ ແລະ ມີຄວາມຮັບຜິດຊອບສູງ ຂອງບັນດາສະຫາຍສະມາຊິກພັກ ໃນໄລຍະ3ວັນຜ່ານມາໄດ້ ຈັດຕັ້ງເຊືອມຊືມເນື້ອໃນເອກະສານແຕ່ລະບົດ ແລະ ປະກອບຄຳຄິດຄຳເຫັນຂອງແຕ່ລະສະຫາຍດ້ວຍບັນຍາກາດອັນຟົດຟື້ນມີຄວາມເປັນເອກະພາບສູງຕໍ່ແນວທາງນະໂຍບາຍຂອງພັກ ວາລະກອງປະຊຸມໄດ້ຮັບຟັງການຜ່ານບົດສຳຫຼວດຂອງຄະນະໜ່ວຍພັກ, ສະມາຊິກພັກ ພ້ອມທັງຍົກໃຫ້ເຫັນດ້ານດີ-ຂໍ້ຄົງຄ້າງໃນການຊີ້ນຳນຳພາຂອງສະຫາຍສະມາຊິກພັກໃນໄລຍະຜ່ານມາ ແລະ ຕຳນິຕິຊົມສົ່ງຂ່າວເຊິງກັນ ແລະ ກັນ ສາມາດເຫັນໄດ້ສິ່ງທີຄ່ວນຈະໄດ້ເອົາໃຈໃສ່ແກ້ໄຂເປັນຕົ້ນແມ່ນ: ດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ແບບແຜນວິທີເຮັດວຽກ, ນໍ້າໃຈຮັບໃຊ້ປະຊາຊົນ ແລະ ຄວາມເສຍສະຫຼະເພືອສວນລວມ; ພະຍາດອາດຍາສິດ, ຫ່າງເຫີນຈາກປະຊາຊົນ ການດຳເນີນຊີວິດການເມືອງໃນຄັ້ງສາມາດເຫັນໄດ້ໄພອັນຕະລາຍຖ້າສະມາຊິກພັກພວກເຮົາບໍ່ເປັນແບບຢ່າງໃນການປຽນທັດສະນະຄະຕິກ້າແກ້ໄຂຂໍ້ບົກຜ່ອງຕົນເອງ

ສະຫາຍເລຂາໜ່ວຍພັກຖະແຫຼງຂ່າວຍັງໃຫ້ຮູ້ຕືມວ່າ ຜ່ານການຕີລາຄາປະເມີນຈັດປະເພດເປີດເຜີຍ ແລະ ປິດລັບຂອງຄະນະພັກ ສະມາຊິກພັກຈຳນວນ 13ສະຫາຍ ຍິງ4ສະຫາຍສາມາດຕີລາຄາໄດ້ປະເພດແຂງ 7 ສະຫາຍ ຍິງ3ສະຫາຍ, ກາງ 6 ສະຫາຍ, ຍິງ1ສະຫາຍ  ທັງໝົດນັ້ນແມ່ນເພືອຍົກສູງບົດບາດການນຳພາຂອງພັກ ສ້າງໃຫ້ພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ.  

ພາບ ແລະ ຂ່າວ: ວັນທຽນ ຄຳທະສິດ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.