Header Ads

ສື່ດັ້ງເດີມຂອງລາວ ໄດ້ຮັບຜົນກະທົບຈາກສື່ອອນລາຍ



ອີງຕາມການລາຍງານຂ່າວຂອງ ສະຖານີວິທະຍຸແຫ່ງຊາດວ່າ : ສື່ດັ້ງເດີມຂອງລາວ ໄດ້ຮັບຜົນກະທົບຈາກສື່ອອນລາຍ ໂດຍສະເພາະແມ່ນເຮັດໃຫ້ຍອດຜູ້ບໍລິໂພກຂໍ້ມູນຂ່າວສານຜ່ານ ໂທລະພາບ, ຟັງວິທະຍຸ ແລະ ອ່ານໜັງສືພິມນັ້ນຫຼຸດລົງ ລວມທັງຍອດພິມຈໍາໜ່າຍ ແລະ ຍອດການໂຄສະນາ ຈາກການປະກົດການເກີດຂື້ນຂອງສື່ໃໝ່.  ທ່ານ ປິ່ນ ປາດຖະໜາ ພັນທະມາລີ , ຫົວໜ້າ ກົມສື່ມວນຊົນ ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ໃຫ້ທັກສະນະວ່າ : ປະກົດການດັ່ງກ່າວແມ່ນຈະເກີດຂື້ນໄລຍະຊົ່ວຄາວເທົ່ານັ້ນ  ແລະ ຢູ່ໃນພື້ນທີ່ ທີ່ມີອີນຕາເນັດເທົ່ານັ້ນ ແຕ່ສື່ແບບພື້ນຖານກໍ່ຍັງມີບົດບາດຄືເກົ່າ ເຊິ່ງສື່ແບບອອນລາຍນີ້ກໍຍັງມີຈຸດອ່ອນເລື່ອງການກັ່ນຕອງຂໍ້ມູນຂ່າວສານແບບປັດສະນາຈາກບັນນາທິການ.  ແຕ່ເຖິງຢ່າງໃດກໍຕາມ ທ່ານ  ທ່ານ ປິ່ນ ປາດຖະໜາ ພັນທະມາລີ ຍັງໄດ້ເນັ້ນຕື່ມອີກວ່າ : ສື່ແບບເກົ່າຕ້ອງມີການປັບໂຕດ້ວຍການຫັນມານໍາໃຊ້ສື່ແບບໃໝ່ເພື່ອໂຄສະນາໂຕເອງ  ປະຊາສໍາພັນລາຍການຂອງໂຕເອງ  ແລະ ຫັນມາເປັນ "ສັບພະສື່". 

ນອກນັ້ນ. ທ່ານ ຍັງຮຽກຮ້ອງມາຍັງຜູ້ໃຊ້ສື່ສັງຄົມອອນລາຍທຸກຄົນ ເນື້ອໃນ ຂໍ້ມູນຂ່າວສານທີຈະເຜີຍແຜ່ ຕ້ອງມີລັກສະນະສ້າງສັນ, ໃຫ້ຄວາມຮູ້ ແລະ ເປັນປະໂຫຍດຕໍ່ສັງຄົມ.  ສໍາລັບລາຍລະອຽດເພີ່ມຕື່ມແມ່ນເບິ່ງຕາມຄລິບຂ່າວລຸ່ມນີ້.


ທີ່ມາ: ສະຖານີວິທະຍຸແຫ່ງຊາດ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ ກົດພາບອ່ານລາຍລະອຽດ

No comments

Powered by Blogger.