Header Ads

ໂຄງການກໍ່ສ້າງເສັ້ນທາງຕານມີໄຊ-ສີເກີດ ມີຄວາມຫຼ້າຊ້າ



ທ່ານ ສົມ​ປະສົງ ຈັນທະ​ວົງ ຫົວໜ້າ​ທີມ​ງານ​ທີ່​ປຶກສາ​ໂຄງການ​ກໍ່ສ້າງ​ເສັ້ນທາງ​ແຕ່​ຕານ​ມີໄຊ ເມືອງ​ໄຊ​ທານີຫາ​ສີ​ເກີດ ເມືອງ​ນາ​ຊາຍ​ທອງ ນະຄອນຫຼວງ​ວຽງ​ຈັນ ໄດ້​ໃຫ້​ສຳພາດ​ວັນທີ 31 ກໍລະກົດ 2017 ວ່າ: ເສັ້ນທາງ​ມີ​ຄວາມ​ຍາວ 9,37 ກິ​ໂລແມັດ ກວ້າງ 28 ແມັດ ປູ​ດ້ວຍ​ເບຕົງ​ເສີມ​ເຫຼັກ​ໜາ 23 ຊັງ​ຕີ​ແມັດ ມີ 6 ຊ່ອງ​ຈະລາຈອນ ມີ​ດອນກາງ​ທາງ ທາງ​ຄົນ​ຍ່າງ 2 ເບື້ອງ ພ້ອມ​ລະບົບ​ຮ່ອງ​ລະບາຍ​ນໍ້າ ໄຟເຍືອງ​ທາງ ໄຟ​ອຳນາດ ແລະ ປ້າຍ​ສັນຍານ​ຄົບ​ຊຸດ ຮັບ​ເໝົາກໍ່ສ້າງ ແລະ ລົງທຶນ​ກ່ອນ 100% ໂດຍ​ກຸ່ມ​ບໍລິສັດ ຕັງ​ຈະເລີນ ຈຳກັດ ໄດ້​ເລີ່ມ​ຈັດ​ຕັ້ງ​ປະຕິບັດ​ແຕ່ເດືອນ​ພະຈິກ 2016 ເປັນຕົ້ນ​ມາ ຈະ​ໃຫ້​ສຳເລັດທ້າຍ​ປີ 2018 ປັດຈຸ​ບັນ ໜ້າ​ວຽກ​ສຳຄັນ​ທີ່​ສຳເລັດແມ່ນ​ວຽກ​ບຸກເບີກ ແລະ ອະ​ນາໄມ 82% ວຽກ​ຍົກຍ້າຍ​ລະບົບໄຟຟ້າ ແລະ ນ້ຳ​ປະປາ 30% ແລະ ວຽກ​ລະບົບ​ລະບາຍ​ນ້ຳ 75% ສັງ​ລວມ​ແລ້ວ​ມີ​ຄວາມຄືບ​ໜ້າ 20% ຂອງ​ແຜນການ ພ້ອມ​ນີ້ຍັງ​ໄດ້​ເທ​ເບ​ຕົງ​ໄປ​ແລ້ວ ແຕ່​ກິໂລແມັດ​ທີ 3+700 ຫາ 3+900 ແຕ່​ທຽບໃສ່​ແຜນການແມ່ນ​ຊ້າ 19% ເນື່ອງ​ຈາກ​ການຍົກຍ້າຍ​ລະບົບ​ນ້ຳ​ປະປາ​ບໍ່​ສຳເລັດ ຈຶ່ງ​ເປັນອຸປະສັກ​ຕໍ່​ການ​ວາງ​ລະບົບ​ທໍ່​ລະບາຍ​ນໍ້າ.


ໃນ​ນາມ​ຫົວໜ້າ​ທີມ​ງານ​ທີ່ປຶກສາ​ໂຄງການ​ຈະ​ສຸມ​ທຸກ ຄວາມ​ສາມາດ​ເຂົ້າ​ໃນ​ການ​ປະຕິບັດ​ບັນດາ​ໜ້າ​ວຽກ​ຢ່າງ​ຕັ້ງໜ້າ ແລະ ມີ​ຄວາມ​ໝັ້ນ​ໃຈ​ວ່າ​ໂຄງການ​ນີ້ ​ຈະ​ສຳເລັດ​ຕາມ​ແຜນການທີ່​ວາງ​ໄວ້ ແລະ ຮັບປະກັນ​ດ້ານຄຸນະພາບ ແລະ ຮຽກຮ້ອງ​ມາ​ຍັງຜູ້​ສັນຈອນ​ໄປ-ມາ​ຈົ່ງ​ເພີ່ມ​ຄວາມລະມັດລະວັງ​ຫຼາຍ​ຂຶ້ນ ໂດຍ​ສະເພາະ ໃນ​ເວລາ​ຝົນ​ທີ່​ໂຄງການຍັງ​ບໍ່​ທັນ​ສຳເລັດ​ການ​ກໍ່ສ້າງ.


 ແຫຼາງຂ່າວ: ຫນັງສືພິມວຽງຈັນໃຫ່ມ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ



ກົດພາບອ່ານລາຍລະອຽດ

No comments

Powered by Blogger.