Header Ads

ເຈົ້າເມືອງທ່າແຕງເນັ້ນ 2 ປະເດັນ ໃຫ້ພະນັກງານນໍາພາ, ພະນັກງານຄຸ້ມຄອງເອົາໃຈໃສ່ຢ່າງແຂງແຮງ



ໂອກາດເຂົ້າຮ່ວມເປັນປະທານ ພິທີປາຖະກະຖາເລົ່າຄືນມູນເຊື້ອຂອງແນວລາວສ້າງຊາດ ແລະ ວັນສ້າງຕັ້ງວັນສື່ມວນຊົນລາວ ຄົບຮອບ 67 ປີຄື: ວັນທີ 13 ສິງຫາ 1950 ຫາ 13 ສິງຫາ 2017 ທີ່ສະໂມສອນເມືອງ ທ່າແຕງ. ທ່ານ ຄໍາສອນ ກອນເຍີ ກໍາມະການພັກແຂວງ ເລຂາພັກເມືອງ ເຈົ້າເມືອງ ທ່າແຕງ ໄດ້ເນັ້ນໃຫ້ພະນັກງານນໍາພາ,ພະນັກງານຄຸ້ມຄອງ ເອົາໃຈໃສ່ຢ່າງແຂງແຮງ ຕໍ່ການຝຶກຝົນຫຼໍ່ຫຼອມຄຸນທາດການເມືອງ ແລະ ທັດສະນະຄຸນສົມບັດສິນທໍາປະຕິວັດຂອງພັກປະຊາຊົນປະຕິວັດລາວ.

ທ່ານ ຄໍາສອນ ກອນເຍີ ກໍາມະການພັກແຂວງ ເລຂາພັກເມືອງ ເຈົ້າເມືອງ ທ່າແຕງ ກ່າວວ່າ: ຄຸນທາດການເມືອງແມ່ນທັດສະນະຊົນຊັ້ນ,ຫຼັກໝັ້ນມິດສັດຕູ ແລະ ການເດັດດ່ຽວໜຽວແໜ້ນຕໍ່ອຸດົມການສັງຄົມນິຍົມ,ການຝຶກຝົນຄຸນທາດການເມືອງຂອງສະມາຊິກພັກ-ພະນັກງານ ຕ້ອງໄດ້ສຸມໃສ່ຫຼາຍບັນຫາເປັນຕົ້ນ: ມີຄວາມເຊື່ອໝັ້ນຢ່າງຕາຍໃຈ ຕໍ່ອຸດົມການຂອງສັງຄົມນິຍົມ,ມີຫຼັກໝັ້ນ ມິດສັດຕູຢ່າງຈະແຈ້ງ,ມີຄວາມຮູ້ຢ່າງເລິກເຊິ່ງ ກ່ຽວກັບ ລັດທິມາກ-ເລນິນ ແລະ ແນວທາງແຜນນະໂຍບາຍຂອງພັກ,ມີຄວາມຮັບຜິດຊອບສູງ ຕໍ່ໜ້າທີ່ວຽກງານທີ່ພັກ-ລັດຂັ້ນເທິງໄດ້ມອບໝາຍ,ມີຄວາມເຊື່ອໝັ້ນຕໍ່ກໍາລັງແຮງ ແລະ ສະຕິປັນຍາຂອງມະຫາຊົນ,ເຄົາລົບ ແລະ ປະຕິບັດກົດລະບຽບຂອງພັກ ແລະ ກົດໝາຍຂອງລັດຢ່າງເຂັ້ມງວດ. ຄຽງຄູ່ກັນນີ້ ກໍ່ໄດ້ຕັ້ງໜ້າຝຶກຝົນຫຼໍ່ຫຼອມທັດສະນະຄຸນສົມບັດສິນທໍາປະຕິວັດ ໃຫ້ມີນໍ້າໃຈເສຍສະຫຼະ ເພື່ອຊາດ-ເພື່ອປະຊາຊົນ,ມີຄວາມດຸໝັ່ນພາກພຽນ,ຊື່ສັດ,ປະຢັດ ອົດທົນ ແລະ ປອດໃສ່ຂາວສະອາດ,ມີລະບຽບວິໄນ ແລະ ເຄົາລົບກົດໝາຍ,ມີຄວາມເອື້ອເຟື້ອເພື່ອແຜ່,ມີນໍ້າໃຈຮັກຊາດອັນດູດດື່ມ,ມີຄວາມສຸພາບຮຽບຮ້ອຍ,ເຮັດແທ້ທໍາຈິງ,ສູ້ຊົນບຸກບືນຮຽນຮູ້ ແລະ ພັດທະນາຕົນເອງ,ພ້ອມກັນນີ້ ຕ້ອງເພີ່ມທະວີດ້ານການສຶກສາອົບຮົມການເມືອງ ແນວຄິດ ເຕົ້າໂຮມຄວາມສາມັກຄີບັນດາເຜົ່າໃຫ້ເປັນປຶກແຜ່ນ ຖືສໍາຄັນວຽກງານແນວລາວສ້າງຊາດ, ປະກອບສວ່ນໃນການສ້າງສາພັດທະນາປະເທດຊາດ,ເວົ້າລວມ,ເວົ້າສະເພາະ ການສ້າງສາພັດທະນາເມືອງ ທ່າແຕງ ໃຫ້ມີຄວາມຈະເລີນຮຸ່ງເຮືອງຂື້ນຢ່າງບໍ່ຢຸດຢັ້ງ.


ຂ່າວ: ສະຫຍາມ ຈັນທະສອນ 030 543 6832
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.