Header Ads

ອົງການໄອຍະການປະຊາຊົນເຂດ 1 ແຂວງເຊກອງ ດຳເນີນຊີວິດການເມືອງ, ປັບປຸງ-ປົວແປງພາຍໃນພັກ



ຕອນເຊົ້າວັນທີ 14 ສິງຫາ 2017 ນີ້ ຢູ່ທີ່ຫ້ອງປະຊຸມ ອົງການໄອຍະການປະຊາຊົນ ເຂດ 1 ແຂວງເຊກອງ ໄດ້ເປີດບັ້ນດຳເນີນຊີວິດການເມືອງ, ປັບປຸງ-ປົວແປງພາຍໃນພັກ ໂດຍພາຍໃຕ້ການເປັນປະທານຂອງ ສະຫາຍ ຮຽມ ໄຊຍະລາດ ກໍາມະການປະຈໍາພັກເມືອງ ເລຂາໜ່ວຍພັກ, ຫົວໜ້າຫ້ອງການ ປກສ ເມືອງລະມາມ ແຂວງເຊກອງ, ມີບັນດາຄະນະໜ່ວຍພັກ, ສະມາຊິກພັກສົມບູນ-ສໍາຮອງພາຍໃນ ອົງການດັ່ງກ່າວເຂົ້າຮ່ວມ.



ສະຫາຍ ວຽງສະຫວັນ ສີຫວນຮັກ ເລຂາໜ່ວຍພັກ, ຫົວໜ້າອົງການໄອຍະການປະຊາຊົນເຂດ 1 ແຂວງເຊກອງ ໄດ້ຂຶ້ນຜ່ານບົດສະຫຼຸບຕີລາຄາຄືນການຈັດຕັ້ງປະຕີບັດມະຕິກອງປະຊຸມໃຫຍ່ ຄັ້ງທີ II ຂອງໜ່ວຍພັກອົງການໄອຍະການປະຊາຊົນເຂດ 1 ແຂວງ ເຊກອງ, ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ ຄັ້ງທີ X ຂອງພັກ ສະຫາຍ ກ່າວວ່າ: ໄລຍະ 2 ປີຜ່ານມາ ແມ່ນໄລຍະແຫ່ງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ II ຂອງໜ່ວຍພັກອົງການໄອຍະການປະຊາຊົນເຂດ 1 ແຂວງ ເຊກອງ, ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃນເງື່ອນໄຂທີ່ສະພາບການພາຍໃນປະເທດ ແລະ ສາກົນ ຍັງສືບຕໍ່ຜັນແປສະຫຼັບສັບຊ້ອນ ແລະ ຕໍ່ເນື່ອງ ຊຶ່ງມີທັງຂໍ້ສະດວກທີ່ເປັນກາລະໂອກາດເອື້ອອຳນວຍ ແລະ ມີທັງຂໍ້ຫຍຸ້ງຍາກທີ່ເປັນສິ່ງທ້າທາຍທົດສອບ. ແຕ່ເຖິງຢ່າງໃດກໍດີ, ສະພາບພາຍໃນປະເທດຂອງພວກເຮົາຍັງສືບຕໍ່ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບປອດໄພໂດຍພື້ນຖານ, ເສດຖະກິດມີການຂະຫຍາຍ ຕົວດ້ວຍຈັງຫວະທີ່ດີ ແລະ ຕໍ່ເນື່ອງ. ຕໍ່ກັບສະພາບການດັ່ງກ່າວ, ວຽກງານອົງການໄອຍະການປະຊາຊົນ ຊຶ່ງມີບົດບາດທີ່ສໍາຄັນຂອງການພັດທະນາແຫ່ງຍຸກສະໄໝ ດ້ວຍເຫດຜົນນັ້ນ ກົມການເມືອງສູນກາງພັກ, ຄະນະເລຂາທິການສູນກາງພັກ ຈຶ່ງໄດ້ເອົາໃຈໃສ່ຊີ້ນຳ-ນຳພາຢ່າງໃກ້ຊິດຮອບດ້ານຕໍ່ອົງການໄອຍະການປະຊາຊົນເຂດ 1 ແຂວງເຊກອງ ແລະ ດ້ວຍຄວາມ ຮັບຜິດຊອບສູງຂອງຄະນະພັກແຕ່ລະຂັ້ນ, ຄວາມເປັນເອກະພາບຂອງບັນດາສະຫາຍສະມາຊິດພັກ ຈຶ່ງສາມາດສ້າງຜົນງານ ແລະ ປະສົບຜົນສຳເລັດໃນແຕ່ລະດ້ານເປັນຢ່າງດີ.
 


ຈຸດປະສົງຂອງການເປີດບັ້ນດຳເນີນຊີວິດການເມືອງ, ປັບປຸງ-ປົວແປງທົ່ວພັກໃນເທື່ອນີ້ ແມ່ນແນໃສ່ໃຫ້ບັນລຸຜົນສຳເລັດຕາມຈຸດປະສົງຄາດໝາຍທີ່ວາງໄວ້ຄື: ປັບປຸງທາດແທ້ຂອງພັກ, ທັດສະນະຫຼັກໝັ້ນຊົນຊັ້ນກຳມະກອນ, ເຮັດໃຫ້ການກະທຳຕົວຈິງຂອງສະມາຊິກພັກ ອົງການໄອຍະການປະຊາຊົນເຂດ 1 ແຂວງເຊກອງ ມີການຫັນປ່ຽນຢ່າງຕັ້ງໜ້າ, ແກ້ໄຂດ້ານອ່ອນ ຂໍ້ຂາດຕົກບົກຜ່ອງ, ພະຍາດອາດຍາສິດ ເອກະຊົນ, ສໍ້ລາດບັງຫຼວງ, ຍົກສູງຄວາມຮັບຜິດຊອບການເມືອງ, ມີສະຕິເຄົາລົບ ແລະ ປະຕິບັດກົດລະບຽບກົດໝາຍຂອງພັກ ແລະ ລະບຽບການຕ່າງໆຂອງລັດ ຢ່າງເຂັ້ມງວດ ໄປສູ່ອັນໃໝ່ທີ່ດີກວ່າເກົ່າ, ເຮັດໃຫ້ພັກມີຄວາມປອດໄສ ເຂັ້ມແຂງໜັກແໜ້ນ ແລະ ສາມາດເຮັດສຳເລັດໜ້າທີ່ການເມືອງທີ່ໄດ້ຮັບມອບໝາຍ, ພ້ອມທັງເພີ່ມທະວີບົດບາດການນຳພາຂອງພັກ, ຮັກສາບົດບາດເປັນແກນນໍາຂອງຄະນະພັກ, ສະມາຊິກພັກຢ່າງແທ້ຈິງ, ບັັ້ນດໍາເນີນຊີວິດການເມືອງໃນຄັ້ງນີ້ແມ່ນແນໃສ່ດ້ານການຕໍານິສົ່ງຂ່າວຊວ່ຍເຫຼືອເຊີ່ງກັນ ແລະ ກັນພາຍໃນສາມະຊິກພັກດ້ວຍຄວາມຈິງໃຈ ດວ້ຍຄວາມຮັບຜິດຊອບສູງ ກ້າເຮັດ ກ້າຮັບຜິດຊອບ ເສີມຂະຫຍາຍຈຸດດີ ພ້ອມກັນຊອກຊ່ອງທາງແກ້ໄຂຈຸດອອ່ນ ແລະ ຂໍ້ຄົງຄ້າງ. 


ກອງປະຊຸມຄັ້ງນີ້ຈະໄດ້ດຳເນີນ ໄປຈົນຮອດວັນທີ 18 ສິງຫາ 2017 ຈຶ່ງຈະສໍາເລັດ.


ຂ່າວ-ພາບ: ນາລີວັນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.